The Great Epic of the Bhārata dynasty 6.2
Bhāratabhāvadīpa 6.2
- Language
- Sanskrit
6.2.1
tata iti ||
6.2.2
bhaviṣyati bhāvini ||
6.2.4
hiṃsantīva nāśayiṣyantyeva ||
6.2.5
paryāyaṃ vaiparītyam ||
6.2.6
niśāmaya paśya ||
6.2.7
na parokṣamiti pāṭhe pratyakṣam ||
6.2.17
nagāgreṣu vṛkṣāpreṣu sampatanti ekībhūya patanti samabāyān saṅghān ||
6.2.18
abhyagraṃ samīpaṃ kravyādā māṃsabhakṣakāḥ sṛgālakākādayaḥ ||
6.2.19
vāśantaḥ śabdaṃ kurvantaḥ ||
6.2.21
parighāḥ pariveṣāḥ kṛṣṇagrīvāḥ śvetalohitaparyantāśca madhye kṛṣṇāstato bahiḥ śvetāstato bahirlohitā iti trivarṇāḥ sandhau sandhyāyām avārayan aveṣṭayan ||
6.2.22
nirviśeṣadinakṣayamahorātraṃ niścayena vigataḥ śeṣo yasya tasya dinasya titheḥ kṣayo yasmin sūryodayadvayāsparśinī kṣayatithiryasmin ahorātre tanmayā dṛṣṭam | tadeva viśinaṣṭi - jvaliteti | arkendvornakṣatramamāvāsyāyāmubhābhyāmākrāntaṃ nakṣatraṃ tadeva jvalitaṃ pāpagrahākrāntaṃ yasmin darśe kṣayatithiḥ tannakṣatre ca pāpagraha ityayaṃ mahān duryoga ityarthaḥ ||
6.2.23
padmavarṇe raktapadmavarṇe | 'lohinī dyaurbhavati yathā mañjiṣṭhā’ iti śruterdivo raktatvamaśubhasūcakam ||
6.2.25
varāho gṛhakolo vṛṣadaṃśo mārjārastayorbhūcarayorapyantarikṣe utplutya yuddhyatoḥ praṇādam ||
6.2.27
ayuktā aśvairayojitā api pravartante calanti mahānto rathā mahārathāḥ ||
6.2.29
gṛhītaśastrāḥ āttalohā lohatuṇḍā iti yāvat | 'śastramāyudhalohayoḥ' ityamaraḥ | carmiṇo bhṛṅgāriṭisañjñāḥ kṛṣṇaśalabhaviśeṣāḥ | 'carmī phalakapāṇau syādbhūrje bhṛṅgāriṭāvapi' iti medinī | te vājipṛṣṭhagā aśvāṃstudanto dṛśyanta isyarthaḥ ||
6.2.32
vyāvṛttaṃ naṣṭaṃ lakṣmahīnaścandro dṛśyata ityarthaḥ ||
6.2.33
stanitaḥ svano garjitarūpaḥ śabdaḥ ||
Linked texts (1)
- Mahābhārata — Vyāsa, Sanskrit