The Great Epic of the Bhārata dynasty 6.9

Bhāratabhāvadīpa 6.9

Language: Sanskrit

6.9.2

gṛddhāḥ lobhayuktāḥ etat etasya me mahyaṃ tattvaṃ yāthārthyam ||

6.9.5

priyamiti karmabhūmitvādindrādīnāmidaṃ priyam ||

yathāguṇabalamiti | yathāguṇaṃ sattvādiguṇān anatikramya tadvat yathābalaṃ śauryaṃ cānatikramya trivargasya dharmārthakāmātmakasya mahāphalam utkṛṣṭaphalaṃ hairaṇyagarbhapada‌prāptyantaṃ samyaganuṣṭhitā samyakpālitā bhūmirduhyeta prapūrayet dhenuriva kāmān anyāṃśca dugdhe iti kāmadhuk ||

6.9.72

gṛdbhyanti abhikāṅkṣāṃ kurvanti vasugṛddhāḥ dhanalubdhāḥ ||

6.9.73

devakāyānāṃ yajñena mānuṣakāyānāmannaprasavena bhūmiḥ parāyaṇaṃ śaraṇam ||

6.9.75

tasmāt atṛptatvāt ||

6.9.76

evamādhidaivikaṃ bhūmijayaphalamuktam | athādhyātmaṃ bhūmijayaphalamāha - piteti | acchidraṃ sampūrṇadarśanaṃ yasyāḥ sā bhūmiḥ yogamārgarītyā kārtsnyena dṛṣṭā satī pitrādivadiha bhautikebhya āghātebhyaḥ pāti vajrakāyatvaṃ prayacchatītyarthaḥ | khaṃ svasthaṃ sūryādīnāṃ padaṃ dyauḥ svargapadaṃ ca saiva bhavati tattatprāpayatītyarthaḥ ||

Linked texts (1)

Mahābhārata — Vyāsa, Sanskrit