The Great Epic of the Bhārata dynasty 7.195

Bhāratabhāvadīpa 7.195

chadmaneti ||

dharmadhvajavatā dāmbhikena tat anṛtavacanarūpaṃ pāpam ||

anāryaṃ nīcayogyaṃ karma dharmaputrasyetyupālambhaḥ ||

bālyena cāpalena ||

vidharmakāṇi dharmaviruddhāni ||

anubandhaṃ phalam ||

pāṇḍavaśca anubandhaṃ draṣṭetyanuṣajyate ||

mayūkhānāṃ mayūkhavatām ||

kalyaḥ prayogaḥ nivartanamupasaṃhāraḥ ||

brahmarūpo vedarūpaḥ vaidikairmantraiḥstutavānityarthaḥ | upasthita iti tadanyasyopahārasya tadānīmabhāvo darśitaḥ ||

rathasyaiva visarjanaṃ śastrāṇāmapi visarjanaṃ ca prayācatāṃ mā vadhīriti yācamānānāṃ śaraṇasya gamanaṃ tvameva śaraṇaṃ na iti kīrtanaṃ ca ||

pīḍitaḥ pīḍitaṃ śastrāntareṇa bādhitaṃ puṃstvamārṣam ||

pitṛ-bandhunā mayā ||

jālmako mūrkhaḥ ||

Linked texts (1)