The Great Epic of the Bhārata dynasty 7.80

Bhāratabhāvadīpa 7.80

Language: Sanskrit

7.80.6

pare'vaśyambhāvini vidhau vidhāne niyacchati pravartayati ||

7.80.8

kāryaṃ kṛtyaṃ kāryaṃ karaṇīyaṃ bhavet ityanvayaḥ ||

7.80.16

duḥkhopāyasya duḥkhadvārasya pratijñāyāḥ vikāṅkṣā visaṃvādaḥ parivartate pratibhāti ||

7.80.36

tathā ca vrajan viṣṇupadamākāśamabhyagādityanvayaḥ ||

7.80.41

lāsyaṃ nṛtyam | balgitamitastataḥ pracāraḥ | āsphoṭitaṃ bhujāḍambaraḥ utkuṣṭamuccaiḥ svanitam ||

lokānāmādimupādānam | viśvaṃ jagatkarma prāpyaṃ yasya | īśānamapratihateccham | avyayamavikāram | manasaḥ paramaṃ pravṛttinivṛttikāraṇam | yonimutpattisthānaṃ ca | jyotiṣāṃ tejasāṃ nidhimadhiṣṭhānam ||

7.80.45

parāṃ mūlabhūtāṃ prakṛtiṃ pradhānaṃ sādhanaṃ siddhernidhānam ||

7.80.46

yogānāṃ yogadarśināṃ paraṃ dhāma paramāśrayam | dṛṣṭaṃ sākṣādbhūtaṃ brahmatattvaṃ tadvidāṃ nidhiṃ rahasyam ||

7.80.47

kāla iva kopo yasya śakrasya guṇā aiśvaryādayaḥ sūryasya guṇāḥ pratāpādayaḥ | teṣāmudayo yasmāt ||

7.80.48

kāraṇātmānaṃ kāraṇaikasvabhāvam ||

7.80.55

bhavaḥ sarvaprabhutvāt | śarvaḥ saṃharaṇāt ||

7.80.56

śāntiḥ śamapradhānatvāt ||

7.80.57

haviṣyaḥ haviṣyayogyatvāt | satyāya sadaikasvabhāvatvāt | vibhurvyāpakatvāt ||

7.80.58

vyādhāya mṛgahananāt | dviruktirdvistathākaraṇāt | anānprāṇinaḥ parājayatīti anaparājitsarvabhūtottamatvāt | nīlaśikhaṇḍo nīlakeśatvāt ||

7.80.59

dīkṣitaḥ bhāvena havanaśīlatvāt | vasuretā agnau retaḥkṣepaṇāt ||

7.80.60

muṇḍo dīkṣitatvāt | brahmacārī retovidhāraṇāt ||

7.80.61

bhūtānāṃ prāṇināṃ pramathādīnām ||

7.80.62

brahmavaktro vedapūrṇamukhatvāt | sarvaḥ sarvasvarūpatvāt | śivo mokṣahetutvāt | vācaspatirvāṅmayapravartanāt ||

7.80.63

sahastrabhujāya mṛtyave ca manyave iti pāṭhaḥ ||

Linked texts (1)

Mahābhārata — Vyāsa, Sanskrit