[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [The Mahābhārata and its versions](https://indike.org/pramana/in.lit.mahabharata) › [Mahābhārata](https://indike.org/pramana/in.lit.mahabharata.vyasa) › [Southern recension](https://indike.org/pramana/in.lit.mahabharata.vyasa*southern) › 1.62 # The Great Epic of the Bhārata dynasty 1.62: adhyāyaḥ 062 Southern recension 1.62 - **Language:** Sanskrit ### adhyāyaḥ 062 ### [1.62.0](https://indike.org/pramana/in.lit.mahabharata.vyasa*southern.1.62.0) janamejaya uvāca . ### [1.62.1](https://indike.org/pramana/in.lit.mahabharata.vyasa*southern.1.62.1) kathitaṃ vai samāsena tvayā sarvaṃ dvijottama . mahābhāratamākhyānaṃ kurūṇāṃ caritaṃ mahat .. ### [1.62.2](https://indike.org/pramana/in.lit.mahabharata.vyasa*southern.1.62.2) kathāṃ tvanagha citrārthāṃ kathayasva tapodhana . vistaraśravaṇe jātaṃ kautūhalamatīva me .. ### [1.62.3](https://indike.org/pramana/in.lit.mahabharata.vyasa*southern.1.62.3) sa bhavānvistareṇemāṃ punarākhyātumarhati . na hi tṛpyāmi pūrveṣāṃ śṛṇvānaścaritaṃ mahat .. ### [1.62.4](https://indike.org/pramana/in.lit.mahabharata.vyasa*southern.1.62.4) na tatkāraṇamalpaṃ vai dharmajñā yatra pāṇḍavāḥ . avadhyānsarvaśo jaghnuḥ praśasyante ca mānavaiḥ .. ### [1.62.5](https://indike.org/pramana/in.lit.mahabharata.vyasa*southern.1.62.5) kimarthaṃ te naravyāghrāḥ śaktāḥ santo hyanāgasaḥ . prayujyamānānsaṃkleśānkṣāntavanto durātmanām .. ### [1.62.6](https://indike.org/pramana/in.lit.mahabharata.vyasa*southern.1.62.6) kathaṃ nāgāyutaprāṇo bāhuśālī vṛkodaraḥ . parikliśyannapi krodhaṃ dhṛtavānvai dvijottama .. ### [1.62.7](https://indike.org/pramana/in.lit.mahabharata.vyasa*southern.1.62.7) kathaṃ sā draupadī kṛṣṇā kliśyamānā durātmabhiḥ . śaktā satī dhārtarāṣṭrānnādahatkrodhacakṣuṣā .. ### [1.62.8](https://indike.org/pramana/in.lit.mahabharata.vyasa*southern.1.62.8) kathaṃ vyasaninaṃ dyūte pārthau mādrīsutau tadā . anvayuste naravyāghrā bādhyamānā durātmabhiḥ .. ### [1.62.9](https://indike.org/pramana/in.lit.mahabharata.vyasa*southern.1.62.9) kathaṃ dharmabhṛtāṃ śreṣṭhaḥ suto dharmasya dharmavit . anarhaḥ paramaṃ kleśaṃ soḍhavānsa yudhiṣṭhiraḥ .. ### [1.62.10](https://indike.org/pramana/in.lit.mahabharata.vyasa*southern.1.62.10) kathaṃ ca bahulāḥ senāḥ pāṇḍavaḥ kṛṣṇasārathiḥ . asyanneko'nayatsarvāḥ pitṛlokaṃ dhanaṃjayaḥ .. ### [1.62.11](https://indike.org/pramana/in.lit.mahabharata.vyasa*southern.1.62.11) etadācakṣva me sarvaṃ yathāvṛttaṃ tapodhana . yadyacca kṛtavantaste tatratatra mahārathāḥ .. vaiśaṃpāyana uvāca . ### [1.62.12](https://indike.org/pramana/in.lit.mahabharata.vyasa*southern.1.62.12) kṣaṇaṃ kuru mahārāja vipulo'yamanukramaḥ . puṇyākhyānasya vaktavyaḥ kṛṣṇadvaipāyaneritaḥ .. ### [1.62.13](https://indike.org/pramana/in.lit.mahabharata.vyasa*southern.1.62.13) maharṣeḥ sarvalokeṣu pūjitasya mahātmanaḥ . pravakṣyāmi mataṃ kṛtsnaṃ vyāsasyāmitatejasaḥ .. ### [1.62.14](https://indike.org/pramana/in.lit.mahabharata.vyasa*southern.1.62.14) idaṃ śatasahasraṃ hi ślokānāṃ puṇyakarmaṇām . satyavatyātmajeneha vyākhyātamamitaujasā .. ### [1.62.15](https://indike.org/pramana/in.lit.mahabharata.vyasa*southern.1.62.15) \`upākhyānaiḥ saha jñeyaṃ śrāvyaṃ bhāratamuttamam . saṃkṣepeṇa tu vakṣyāmi sarvametannarādhipa .. ### [1.62.16](https://indike.org/pramana/in.lit.mahabharata.vyasa*southern.1.62.16) adhyāyānāṃ sahasre dve parvaṇāṃ śatameva ca . ślokānāṃ tu sahasrāṇi navatiśca daśaiva ca . tato'ṣṭādaśabhiḥ parvaiḥ saṃgṛhītaṃ maharṣiṇā' .. ### [1.62.17](https://indike.org/pramana/in.lit.mahabharata.vyasa*southern.1.62.17) ya idaṃ śrāvayedvidvānye cedaṃ śṛṇuyurnarāḥ . te brahmaṇaḥ sthānametya prāpnuyurdevatulyatām .. ### [1.62.18](https://indike.org/pramana/in.lit.mahabharata.vyasa*southern.1.62.18) idaṃ hi vedaiḥ samitaṃ pavitramapi cottamam . śrāvyāṇāmuttamaṃ cedaṃ purāṇamṛṣisaṃstutam .. ### [1.62.19](https://indike.org/pramana/in.lit.mahabharata.vyasa*southern.1.62.19) asminnarthaśca kāmaśca nikhilenopadekṣyate . itihāse mahāpuṇye buddhiśca parinaiṣṭhikī .. ### [1.62.20](https://indike.org/pramana/in.lit.mahabharata.vyasa*southern.1.62.20) akṣudrāndānaśīlāṃśca satyaśīlānanāstikān . kārṣṇaṃ vedamimaṃ vidvāñchrāvayitvā'rthamaśnute .. ### [1.62.21](https://indike.org/pramana/in.lit.mahabharata.vyasa*southern.1.62.21) bhrūṇahatyākṛtaṃ cāpi pāpaṃ jahyādasaṃśayam . itihāsamimaṃ śrutvā puruṣo'pi sudāruṇaḥ .. ### [1.62.22](https://indike.org/pramana/in.lit.mahabharata.vyasa*southern.1.62.22) mucyate sarvapāpebhyo rāhuṇā candramā yathā . jayo nāmetihāso'yaṃ śrotavyo vijigīṣuṇā .. ### [1.62.23](https://indike.org/pramana/in.lit.mahabharata.vyasa*southern.1.62.23) mahīṃ vijayate rājā śatrūṃścāpi parājayet . idaṃ puṃsavanaṃ śreṣṭhamidaṃ svastyayanaṃ mahat .. ### [1.62.24](https://indike.org/pramana/in.lit.mahabharata.vyasa*southern.1.62.24) mahiṣīyuvarājābhyāṃ śrotavyaṃ bahuśastathā . vīraṃ janayate putraṃ kanyāṃ vā rājyabhāginīm .. ### [1.62.25](https://indike.org/pramana/in.lit.mahabharata.vyasa*southern.1.62.25) dharmaśāstramidaṃ puṇyamarthaśāstramidaṃ param . mokṣaśāstramidaṃ proktaṃ vyāsenāmitabuddhinā .. ### [1.62.26](https://indike.org/pramana/in.lit.mahabharata.vyasa*southern.1.62.26) \`dharme cārthe ca kāme ca mokṣe ca bharatarṣabha . yadihāsti tadanyatra yannehāsti na kutracit . idaṃ hi brāhmaṇairloke ākhyātaṃ brāhmaṇeṣviha' .. ### [1.62.27](https://indike.org/pramana/in.lit.mahabharata.vyasa*southern.1.62.27) saṃpratyācakṣate cedaṃ tathā śroṣyanti cāpare . putrāḥ śuśrūṣavaḥ santi preṣyāśca priyakāriṇaḥ .. ### [1.62.28](https://indike.org/pramana/in.lit.mahabharata.vyasa*southern.1.62.28) bharatānāṃ mahajjanma śṛṇvatāmanasūyatām . nāsti vyādhibhayaṃ teṣāṃ paralokabhayaṃ kutaḥ .. ### [1.62.29](https://indike.org/pramana/in.lit.mahabharata.vyasa*southern.1.62.29) śarīreṇa kṛtaṃ pāpaṃ vācā ca manasaiva ca . sarvaṃ saṃtyajati kṣipraṃ ya idaṃ śṛṇuyānnaraḥ .. ### [1.62.30](https://indike.org/pramana/in.lit.mahabharata.vyasa*southern.1.62.30) dhanyaṃ yaśasyamāyuṣyaṃ puṇyaṃ svargyaṃ tathaiva ca . kṛṣṇadvaipāyanenedaṃ kṛtaṃ puṇyacikīrṣuṇā .. ### [1.62.31](https://indike.org/pramana/in.lit.mahabharata.vyasa*southern.1.62.31) kīrtiṃ prathayatā loke pāṇḍavānāṃ mahātmanām . anyeṣāṃ kṣatriyāṇāṃ ca bhūridraviṇatejasām .. ### [1.62.32](https://indike.org/pramana/in.lit.mahabharata.vyasa*southern.1.62.32) sarvavidyāvadātānāṃ loke prathitakarmaṇām . ya idaṃ mānavo loke puṇyārthe brāhmaṇāñchucīn .. ### [1.62.33](https://indike.org/pramana/in.lit.mahabharata.vyasa*southern.1.62.33) śrāvayeta mahāpuṇyaṃ tasya dharmaḥ sanātanaḥ . kurūṇāṃ prathitaṃ vaṃśaṃ kīrtayansatataṃ śuciḥ .. ### [1.62.34](https://indike.org/pramana/in.lit.mahabharata.vyasa*southern.1.62.34) vaṃśamāpnoti vipulaṃ loke pūjyatamo bhavet . yo'dhīte bhārataṃ pumyaṃ brāhmaṇo niyatavrataḥ .. ### [1.62.35](https://indike.org/pramana/in.lit.mahabharata.vyasa*southern.1.62.35) caturo vārṣikānmāsānsarvapāpaiḥ pramucyate . vijñeyaḥ sa ca vedānāṃ pārago bhārataṃ paṭhan .. ### [1.62.36](https://indike.org/pramana/in.lit.mahabharata.vyasa*southern.1.62.36) devā rājarṣayo hyatra puṇyā brahmarṣayastathā . kīrtyante dhūtapāpmānaḥ kīrtyate keśavastathā .. ### [1.62.37](https://indike.org/pramana/in.lit.mahabharata.vyasa*southern.1.62.37) bhagavāṃścāpi deveśo yatra devī ca kīrtyate . anekajanano yatra kārtikeyasya saṃbhavaḥ .. ### [1.62.38](https://indike.org/pramana/in.lit.mahabharata.vyasa*southern.1.62.38) brāhmaṇānāṃ gavāṃ caiva māhātmyaṃ yatra kīrtyate . sarvaśrutisamūho'yaṃ śrotavyo dharmabuddhibhiḥ .. ### [1.62.39](https://indike.org/pramana/in.lit.mahabharata.vyasa*southern.1.62.39) ya idaṃ śrāvayedvidvānbrāhmaṇāniha parvasu . dhūtapāpmā jitasvargo brahma gacchati śāśvatam .. ### [1.62.40](https://indike.org/pramana/in.lit.mahabharata.vyasa*southern.1.62.40) śrāvayedbrāhmaṇāñśrāddhe yaścemaṃ pādamantataḥ . akṣayyaṃ tasya tacchrāddhamupāvartetpitṝniha .. ### [1.62.41](https://indike.org/pramana/in.lit.mahabharata.vyasa*southern.1.62.41) ahnā yadenaḥ kriyate indriyairmanasā'pi vā . jñānādajñānato vāpi prakaroti naraśca yat .. ### [1.62.42](https://indike.org/pramana/in.lit.mahabharata.vyasa*southern.1.62.42) tanmahābhāratākhyānaṃ śrutvaiva pravilīyate . bharatānāṃ mahajjanma mahābhāratamucyate .. ### [1.62.43](https://indike.org/pramana/in.lit.mahabharata.vyasa*southern.1.62.43) niruktamasya yo veda sarvapāpaiḥ pramucyate . bharatānāṃ mahajjanma mahābhāratamucyate .. ### [1.62.44](https://indike.org/pramana/in.lit.mahabharata.vyasa*southern.1.62.44) mahato hyenaso martyānmocayedanukīrtitaḥ . tribhirvarṣairmahābhāgaḥ kṛṣṇadvaipāyano'bravīt .. ### [1.62.45](https://indike.org/pramana/in.lit.mahabharata.vyasa*southern.1.62.45) nityotthitaḥ śuciḥ śakto mahābhāratamāditaḥ . taponiyamamāsthāya kṛtametanmaharṣiṇā .. ### [1.62.46](https://indike.org/pramana/in.lit.mahabharata.vyasa*southern.1.62.46) tasmānniyamasaṃyuktaiḥ śrotavyaṃ brāhmaṇairidam . kṛṣṇaproktāmimāṃ puṇyāṃ bhāratīmuttamāṃ kathām .. ### [1.62.47](https://indike.org/pramana/in.lit.mahabharata.vyasa*southern.1.62.47) śrāvayiṣyanti ye viprā ye ca śroṣyanti mānavāḥ . sarvathā vartamānā vai na te śocyāḥ kṛtākṛtaiḥ .. ### [1.62.48](https://indike.org/pramana/in.lit.mahabharata.vyasa*southern.1.62.48) nareṇa dharmakāmena sarvaḥ śrotavya ityapi . nikhilenetihāso'yaṃ tataḥ siddhimavāpnuyāt .. ### [1.62.49](https://indike.org/pramana/in.lit.mahabharata.vyasa*southern.1.62.49) na tāṃ svargagatiṃ prāpya tuṣṭiṃ prāpnoti mānavaḥ . yāṃ śrutvaivaṃ mahāpuṇyamitihāsamupāśnute .. ### [1.62.50](https://indike.org/pramana/in.lit.mahabharata.vyasa*southern.1.62.50) śṛṇvañśrāddhaḥ puṇyaśīlaḥ śrāvayaṃścedamadbhutam . naraḥ phalamavāpnoti rājasūyāśvamedhayoḥ .. ### [1.62.51](https://indike.org/pramana/in.lit.mahabharata.vyasa*southern.1.62.51) yathā samudro bhagavānyathā merurmahāgiriḥ . ubhau khyātau ratnanidhī tathā bhāratamucyate .. ### [1.62.52](https://indike.org/pramana/in.lit.mahabharata.vyasa*southern.1.62.52) idaṃ hi vedaiḥ samitaṃ pavitramaṣi cottamam . śrāvyaṃ śrutisukhaṃ caiva pāvanaṃ śīlavardhanam .. ### [1.62.53](https://indike.org/pramana/in.lit.mahabharata.vyasa*southern.1.62.53) ya idaṃ bhārataṃ rājanvācakāya prayacchati . tena sarvā mahī dattā bhavetsāgaramekhalā .. ### [1.62.54](https://indike.org/pramana/in.lit.mahabharata.vyasa*southern.1.62.54) pārikṣita kathāṃ divyāṃ puṇyāya vijayāya ca . kathyamānāṃ mayā kṛtsnāṃ śṛṇu harṣakarīmimām .. ### [1.62.55](https://indike.org/pramana/in.lit.mahabharata.vyasa*southern.1.62.55) tribhirvarṣaiḥ sadotthāyī kṛṣṇadvaipāyano muniḥ . mahābhāratamākhyānaṃ kṛtavānidamadbhutam .. ### [1.62.56](https://indike.org/pramana/in.lit.mahabharata.vyasa*southern.1.62.56) śṛṇu kīrtayatastanma itihāsaṃ purātanam .. .. ### [1.62.56\_1](https://indike.org/pramana/in.lit.mahabharata.vyasa*southern.1.62.56_1) iti śrīmanmahābhārate ādiparvaṇi aṃśāvataraṇaparvaṇi dviṣaṣṭitamo'dhyāyaḥ .. 62 .. ### [1.62.56\_2](https://indike.org/pramana/in.lit.mahabharata.vyasa*southern.1.62.56_2) 1-62-4 avadhyān bhīṣmadroṇādīn .. 1-62-6 krodhaṃ dhṛtavān niruddhavān .. 1-62-10 asyan śarān kṣipan sa kathaṃ kleśaṃ soḍhavānityanuṣajjyate .. 1-62-18 ṛṣibhirmantraistaddraṣṭṛbhirvā saṃstutaṃ samaṃ stutaṃ vā .. 1-62-19 parinaiṣṭhikī pariniṣṭhā mokṣastaducitā .. 1-62-20 anāstikān nāstikā na bhavantītyanāstikāstān .. 1-62-23 puṃsavanaṃ pumāṃsaḥ sūyante'smin śrute .. 1-62-24 mahiṣī paṭṭarājñī .. 1-62-47 sarvathā sādhunā'sādhunā vā vartmanā vartamānā api kṛtākṛtaiḥ krameṇa pāpapuṇyaiste na śocyāḥ . etacchravaṇādeva sarvapratyavāyaparihāro bhavatīti bhāvaḥ .. 1-62-49 svargādapyetacchravaṇaṃ sukhakaraṃ muktihetutvāditi bhāvaḥ .. 1-62-50 śrāddhaḥ śraddhāvān .. 1-62-52 śrāvyamarthato ramyam .. 1-62-55 sadotthāyī sadodyuktaḥ .. dviṣaṣṭitamo'dhyāyaḥ .. 62 .. ### [1.62.56\_3](https://indike.org/pramana/in.lit.mahabharata.vyasa*southern.1.62.56_3) pūruvaṃśakathanam .. 1 .. ## Other recensions (1) - [Mahābhārata](https://indike.org/pramana/in.lit.mahabharata.vyasa.1.56.1) — Vyāsa, Sanskrit --- Source: [https://indike.org/pramana/in.lit.mahabharata.vyasa*southern.1.62](https://indike.org/pramana/in.lit.mahabharata.vyasa*southern.1.62) · Pramāṇa