[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [The Mahābhārata and its versions](https://indike.org/pramana/in.lit.mahabharata) › [Mahābhārata](https://indike.org/pramana/in.lit.mahabharata.vyasa) › [Southern recension](https://indike.org/pramana/in.lit.mahabharata.vyasa*southern) › 1.64 # The Great Epic of the Bhārata dynasty 1.64: adhyāyaḥ 064 Southern recension 1.64 - **Language:** Sanskrit ## Contents - [1.64.132](https://indike.org/pramana/in.lit.mahabharata.vyasa*southern.1.64.132) — 8 parts ### adhyāyaḥ 064 ### [1.64.0](https://indike.org/pramana/in.lit.mahabharata.vyasa*southern.1.64.0) vaiśaṃpāyana uvāca . ### [1.64.1](https://indike.org/pramana/in.lit.mahabharata.vyasa*southern.1.64.1) rājoparicaro nāma dharmanityo mahīpatiḥ . babhūva mṛgayāśīlaḥ śaśvatsvādhyāyavāñchuciḥ .. ### [1.64.2](https://indike.org/pramana/in.lit.mahabharata.vyasa*southern.1.64.2) sa cediviṣayaṃ ramyaṃ vasuḥ pauravanandanaḥ . indropadeśājjagrāha ramaṇīyaṃ mahīpatiḥ .. ### [1.64.3](https://indike.org/pramana/in.lit.mahabharata.vyasa*southern.1.64.3) tamāśrame nyastaśastraṃ nivasantaṃ taponidhim . devāḥ śakrapurogā vai rājānamupatasthire .. ### [1.64.4](https://indike.org/pramana/in.lit.mahabharata.vyasa*southern.1.64.4) indratvamarho rājāyaṃ tapasetyanucintya vai . taṃ sāntvena nṛpaṃ sākṣāttapasaḥ saṃnyavartayan .. devā ūcuḥ . ### [1.64.5](https://indike.org/pramana/in.lit.mahabharata.vyasa*southern.1.64.5) na saṃkīryeta dharmo'yaṃ pṛthivyāṃ pṛthivīpate . tvayā hi dharmo vidhṛtaḥ kṛtsnaṃ dhārayate jagat .. indra uvāca . ### [1.64.6](https://indike.org/pramana/in.lit.mahabharata.vyasa*southern.1.64.6) \`devānahaṃ pālayitā pālaya tvaṃ hi mānuṣān .' loke dharmaṃ pālaya tvaṃ nityayuktaḥ samāhitaḥ . dharmayuktastato lokānpuṇyānprāpsyasi śāśvatān .. ### [1.64.7](https://indike.org/pramana/in.lit.mahabharata.vyasa*southern.1.64.7) diviṣṭhasya bhuviṣṭhastvaṃ sakhābhūto mama priyaḥ . ūdhaḥ pṛthivyā yo deśastamāvasa narādhipa .. ### [1.64.8](https://indike.org/pramana/in.lit.mahabharata.vyasa*southern.1.64.8) paśavyaścaiva puṇyaśca prabhūtadhanadhānyavān . svārakṣyaścaiva saumyaśca bhogyairbhūmiguṇairyutaḥ .. ### [1.64.9](https://indike.org/pramana/in.lit.mahabharata.vyasa*southern.1.64.9) arthavāneṣa deśo hi dhanaratnādibhiryutaḥ . vasupūrṇā ca vasudhā vasa cediṣu cedipa .. ### [1.64.10](https://indike.org/pramana/in.lit.mahabharata.vyasa*southern.1.64.10) dharmaśīlā janapadāḥ susaṃtoṣāśca sādhavaḥ . na ca mithyā pralāpo'tra svaireṣvapi kuto'nyathā .. ### [1.64.11](https://indike.org/pramana/in.lit.mahabharata.vyasa*southern.1.64.11) na ca pitrā vibhajyante putrā guruhite ratāḥ . yuñjate dhuri no gāśca kṛśānsaṃdhukṣayanti ca .. ### [1.64.12](https://indike.org/pramana/in.lit.mahabharata.vyasa*southern.1.64.12) sarve varṇāḥ svadharmasthāḥ sadā cediṣu mānada . na te'styaviditaṃ kiṃcittriṣu lokeṣu yadbhavet .. ### [1.64.13](https://indike.org/pramana/in.lit.mahabharata.vyasa*southern.1.64.13) daivopabhogyaṃ divyaṃ tvāmākāśe sphāṭikaṃ mahat . ākāśagaṃ tvāṃ maddattaṃ vimānamupapatsyate .. ### [1.64.14](https://indike.org/pramana/in.lit.mahabharata.vyasa*southern.1.64.14) tvamekaḥ sarvamartyeṣu vimānavaramāsthitaḥ . cariṣyasyuparistho hi devo vigrahavāniva .. ### [1.64.15](https://indike.org/pramana/in.lit.mahabharata.vyasa*southern.1.64.15) dadāmi te vaijayantīṃ mālāmamlānapaṅkajām . dhārayiṣyati saṅgrāme yā tvāṃ śastrairavikṣatam .. ### [1.64.16](https://indike.org/pramana/in.lit.mahabharata.vyasa*southern.1.64.16) lakṣaṇaṃ caitadeveha bhavitā te narādhipa . indramāleti vikhyātaṃ dhanyamapratimaṃ mahat .. ### [1.64.17](https://indike.org/pramana/in.lit.mahabharata.vyasa*southern.1.64.17) yaṣṭiṃ ca vaiṇavīṃ tasmai dadau vṛtraniṣūdanaḥ . iṣṭapradānamuddiśya śiṣṭānāṃ pratipālinīm .. ### [1.64.18](https://indike.org/pramana/in.lit.mahabharata.vyasa*southern.1.64.18) \`evaṃ saṃsāntvya nṛpatiṃ tapasaḥ saṃnyavartayat . prayayau daivataiḥ sārdhaṃ kṛtvā kāryaṃ divaukasām .. ### [1.64.19](https://indike.org/pramana/in.lit.mahabharata.vyasa*southern.1.64.19) tatastu rājā cedīnāmindrābharaṇabhūṣitaḥ . indradattaṃ vimānaṃ tadāsthāya prayayau purīm ..' ### [1.64.20](https://indike.org/pramana/in.lit.mahabharata.vyasa*southern.1.64.20) tasyāḥ śakrasya pūjārthaṃ bhūmau bhūmipatistadā . praveśaṃ kārayāmāsa sarvotsavavaraṃ tadā .. ### [1.64.21](https://indike.org/pramana/in.lit.mahabharata.vyasa*southern.1.64.21) \`mārgaśīrṣe mahārāja pūrvapakṣe mahāmakham . tataḥprabhṛti cādyāpi yaṣṭeḥ kṣitipasattamaiḥ ..' ### [1.64.22](https://indike.org/pramana/in.lit.mahabharata.vyasa*southern.1.64.22) praveśaḥ kriyate rājanyathā tena pravartitaḥ . aparedyustatastasyāḥ kriyate'tyucchrayo nṛpaiḥ .. ### [1.64.23](https://indike.org/pramana/in.lit.mahabharata.vyasa*southern.1.64.23) alaṅkṛtāyā piṭakairgandhamālyaiśca bhūṣaṇaiḥ . \`mālyadāmaparikṣiptāṃ dvātriṃśatkiṣkusaṃmitām .. ### [1.64.24](https://indike.org/pramana/in.lit.mahabharata.vyasa*southern.1.64.24) uddhṛtya piṭake cāpi dvādaśāratnikocchraye . mahārajanavāsāṃsi parikṣipya dhvajottamam .. ### [1.64.25](https://indike.org/pramana/in.lit.mahabharata.vyasa*southern.1.64.25) vāsobhirannapānaiśca pūjitairbrāhmaṇarṣabhaiḥ . puṇyāhaṃ vācayitvātha dhvaja ucchriyate tadā .. ### [1.64.26](https://indike.org/pramana/in.lit.mahabharata.vyasa*southern.1.64.26) śaṅkhabherīmṛdaṅgaiśca saṃnādaḥ kriyate tadā' . bhagavānpūjyate cātra yaṣṭirūpeṇa vāsavaḥ .. ### [1.64.27](https://indike.org/pramana/in.lit.mahabharata.vyasa*southern.1.64.27) svayameva gṛhītena vasoḥ prītyā mahātmanaḥ . \`māṇibhadrādayo yakṣāḥ pūjyante daivataiḥ saha .. ### [1.64.28](https://indike.org/pramana/in.lit.mahabharata.vyasa*southern.1.64.28) nānāvidhāni dānāni dattvārthibhyaḥ suhṛjjanaiḥ . alaṅkṛtvā mālyadāmairvastrairnānāvidhaistathā .. ### [1.64.29](https://indike.org/pramana/in.lit.mahabharata.vyasa*southern.1.64.29) dṛtibhiḥ sajalaiḥ sarvaiḥ krīḍitvā nṛpaśāsanāt . sabhājayitvā rājānaṃ kṛtvā narmāśrayāḥ kathāḥ .. ### [1.64.30](https://indike.org/pramana/in.lit.mahabharata.vyasa*southern.1.64.30) ramante nāgarāḥ sarve tathā jānapadaiḥ saha . sūtāśca māgadhāścaiva ramante naṭanartakāḥ .. ### [1.64.31](https://indike.org/pramana/in.lit.mahabharata.vyasa*southern.1.64.31) prītyā tu nṛpaśārdūla sarve cakrurmahotsavam . sāntaḥpuraḥ sahāmātyaḥ sarvābharaṇabhūṣitaḥ .. ### [1.64.32](https://indike.org/pramana/in.lit.mahabharata.vyasa*southern.1.64.32) mahārajanavāsāṃsi vasitvā cedirāṭ tadā . jātihiṅgulakenāktaḥ sadāro mumude tadā .. ### [1.64.33](https://indike.org/pramana/in.lit.mahabharata.vyasa*southern.1.64.33) evaṃ jānapadāḥ sarve cakrurindramahaṃ vasuḥ ..' yathā cedipatiḥ prītaścakārendramahaṃ vasuḥ ..' ### [1.64.34](https://indike.org/pramana/in.lit.mahabharata.vyasa*southern.1.64.34) etāṃ pūjāṃ mahendrastu dṛṣṭvā vasukṛtāṃ śubhām . \`haribhirvājibhiryuktamantarikṣagataṃ ratham .. ### [1.64.35](https://indike.org/pramana/in.lit.mahabharata.vyasa*southern.1.64.35) āsthāya saha śacyā ca vṛto hyapsarasāṃ gaṇaiḥ .' vasunā rājamukhyena samāgamyābravīdvacaḥ .. ### [1.64.36](https://indike.org/pramana/in.lit.mahabharata.vyasa*southern.1.64.36) ye pūjayiṣyanti ca mudā yathā cedipatirnṛpaḥ . kārayiṣyanti ca mudā yathā cedipatirnṛpaḥ .. ### [1.64.37](https://indike.org/pramana/in.lit.mahabharata.vyasa*southern.1.64.37) teṣāṃ śrīrvijayaścaiva sarāṣṭrāṇāṃ bhaviṣyati . tathā sphīto janapado muditaśca bhaviṣyati .. ### [1.64.38](https://indike.org/pramana/in.lit.mahabharata.vyasa*southern.1.64.38) \`nirītikāni sasyāni bhavanti bahudhā nṛpa . rākṣasāśca piśācāśca na lumpante kathaṃcana .. vaiśaṃpāyana uvāca .' ### [1.64.39](https://indike.org/pramana/in.lit.mahabharata.vyasa*southern.1.64.39) evaṃ mahātmanā tena mahendreṇa narādhipa . vasuḥ prītyā maghavatā mahārājo'bhisatkṛtaḥ . evaṃ kṛtvā mahendrastu jagāma svaṃ niveśanam .. ### [1.64.40](https://indike.org/pramana/in.lit.mahabharata.vyasa*southern.1.64.40) utsavaṃ kārayiṣyanti sadā śakrasya ye narāḥ . bhūmiratnādibhirdānaistathā pūjyā bhavanti te . varadānamahāyajñaistathā śakrotsavena ca .. ### [1.64.41](https://indike.org/pramana/in.lit.mahabharata.vyasa*southern.1.64.41) saṃpūjito maghavatā vasuścedīśvaro nṛpaḥ . pālayāmāsa dharmeṇa cedisthaḥ pṛthivīmimām .. ### [1.64.42](https://indike.org/pramana/in.lit.mahabharata.vyasa*southern.1.64.42) indrapītyā cedipatiścakārendramahaṃ vasuḥ . putrāścāsya mahāvīryāḥ pañcāsannamitaujasaḥ .. ### [1.64.43](https://indike.org/pramana/in.lit.mahabharata.vyasa*southern.1.64.43) nānārājyeṣu ca sutānsa samrāḍabhyaṣecayat . mahāratho māgadhānāṃ viśruto yo bṛhadrathaḥ .. ### [1.64.44](https://indike.org/pramana/in.lit.mahabharata.vyasa*southern.1.64.44) pratyagrahaḥ kuśāmbaśca yamāhurmaṇivāhanam . matsillaśca yaduścaiva rājanyaścāparājitaḥ .. ### [1.64.45](https://indike.org/pramana/in.lit.mahabharata.vyasa*southern.1.64.45) ete tasya sutā rājanrājarṣerbhūritejasaḥ . nyaveśayannāmabhiḥ svaiste deśāṃśca purāṇi ca .. ### [1.64.46](https://indike.org/pramana/in.lit.mahabharata.vyasa*southern.1.64.46) vāsavāḥ pañca rājānaḥ pṛthagvaṃśāśca śāsvatāḥ . vasantamindraprāsāde ākāśe sphāṭike ca tam .. ### [1.64.47](https://indike.org/pramana/in.lit.mahabharata.vyasa*southern.1.64.47) upatasthurmahātmānaṃ gandharvāpsaraso nṛpam . rājoparicaretyevaṃ nāma tasyātha viśrutam .. ### [1.64.48](https://indike.org/pramana/in.lit.mahabharata.vyasa*southern.1.64.48) puropavāhinīṃ tasya nadīṃ śuktamatīṃ giriḥ . arautsīccetanāyuktaḥ kāmātkolāhalaḥ kila .. ### [1.64.49](https://indike.org/pramana/in.lit.mahabharata.vyasa*southern.1.64.49) giriṃ kolāhalaṃ taṃ tu padā vasuratāḍayat . niścakrāma tatastena prahāravivareṇa sā .. ### [1.64.50](https://indike.org/pramana/in.lit.mahabharata.vyasa*southern.1.64.50) tasyāṃ nadyāṃ sa janayanmithunaṃ parvataḥ svayam . tasmādvimokṣaṇātprītā nadī rājñe nyavedayat .. ### [1.64.51](https://indike.org/pramana/in.lit.mahabharata.vyasa*southern.1.64.51) \`mahiṣī bhavitā kanyā pumānsenāpatirbhavet . śuktimatyā vacaḥśrutvā dṛṣṭvā tau rājasattamaḥ' .. ### [1.64.52](https://indike.org/pramana/in.lit.mahabharata.vyasa*southern.1.64.52) yaḥ pumānabhavattatra taṃ sa rājarṣisattamaḥ . vasurvasupradaścakre senāpatimarindamaḥ .. ### [1.64.53](https://indike.org/pramana/in.lit.mahabharata.vyasa*southern.1.64.53) cakāra patnīṃ kanyāṃ tu tathā tāṃ girikāṃ nṛpaḥ . vasoḥ patnī tu girikā kāmakālaṃ nyavedayat .. ### [1.64.54](https://indike.org/pramana/in.lit.mahabharata.vyasa*southern.1.64.54) ṛtukālamanuprāptā snātā puṃsavane śuciḥ . tadahaḥ pitaraścainapūcurjahi mṛgāniti .. ### [1.64.55](https://indike.org/pramana/in.lit.mahabharata.vyasa*southern.1.64.55) taṃ rājasattamaṃ prītāstadā matimatāṃ varaḥ . sa pitṝṇāṃ niyogena tāmatikramya pārthivaḥ .. ### [1.64.56](https://indike.org/pramana/in.lit.mahabharata.vyasa*southern.1.64.56) cakāra mṛgayāṃ kāmī girikāmeva saṃsmaran . atīva rūpasaṃpannāṃ sākṣācchriyamivāparām .. ### [1.64.57](https://indike.org/pramana/in.lit.mahabharata.vyasa*southern.1.64.57) aśokaiścampakaiścūtairanekairatimuktakaiḥ . punnāgaiḥ karṇikāraiśca bakulairdivyapāṭalaiḥ .. ### [1.64.58](https://indike.org/pramana/in.lit.mahabharata.vyasa*southern.1.64.58) panasairnārikelaiśca candanaiścārjunaistathā . etai ramyairmahāvṛkṣaiḥ puṇyaiḥ svāduphalairyutam .. ### [1.64.59](https://indike.org/pramana/in.lit.mahabharata.vyasa*southern.1.64.59) kokilākulasannādaṃ mattabhramaranāditam . vasantakāle tatpaśyanvanaṃ caitrarathopamam .. ### [1.64.60](https://indike.org/pramana/in.lit.mahabharata.vyasa*southern.1.64.60) manmathābhiparītātmā nāpaśyadgirikāṃ tadā . apaśyankāmasaṃtaptaścaramāṇo yadṛcchayā .. ### [1.64.61](https://indike.org/pramana/in.lit.mahabharata.vyasa*southern.1.64.61) puṣpasaṃchannaśākhāgraṃ pallavairupaśobhitam . aśokastabakaiśchannaṃ ramaṇīyamapaśyata .. ### [1.64.62](https://indike.org/pramana/in.lit.mahabharata.vyasa*southern.1.64.62) adhasyāttasya chāyāyāṃ sukhāsīno narādhipaḥ . madhugandhaiśca saṃyuktaṃ puṣpagandhamanoharam .. ### [1.64.63](https://indike.org/pramana/in.lit.mahabharata.vyasa*southern.1.64.63) vāyunā preryamāṇastu dhūmrāya mudamanvagāt . \`bhāryāṃ cintayamānasya manmathāgniravardhata .' tasya retaḥ pracaskanda carato gahane vane .. ### [1.64.64](https://indike.org/pramana/in.lit.mahabharata.vyasa*southern.1.64.64) skannamātraṃ ca tadreto vṛkṣapatreṇa bhūmipaḥ . pratijagrāha mithyā me na patedreta ityuta .. ### [1.64.65](https://indike.org/pramana/in.lit.mahabharata.vyasa*southern.1.64.65) \`aṅgulīyena śuklasya rakṣāṃ ca vidadhe nṛpaḥ . aśokastabakai raktaiḥ pallavaiścāpyabandhayat ..' ### [1.64.66](https://indike.org/pramana/in.lit.mahabharata.vyasa*southern.1.64.66) idaṃ mithyā pariskannaṃ reto me na bhavediti . ṛtuśca tasyāḥ patnyā me na moghaḥ syāditi prabhuḥ .. ### [1.64.67](https://indike.org/pramana/in.lit.mahabharata.vyasa*southern.1.64.67) saṃcintyaivaṃ tadā rājā vicārya ca punaḥpunaḥ . amoghatvaṃ ca vijñāya retaso rājasattamaḥ .. ### [1.64.68](https://indike.org/pramana/in.lit.mahabharata.vyasa*southern.1.64.68) śukraprasthāpane kālaṃ mahiṣyā prasamīkṣya vai . abhimantryātha tacchukramārāttiṣṭhantamāśugam .. ### [1.64.69](https://indike.org/pramana/in.lit.mahabharata.vyasa*southern.1.64.69) sūkṣmadharmārthatattvajño gatvā śyenaṃ tato'bravīt . matpriyārthamidaṃ saumya śukraṃ mama gṛhaṃ naya .. ### [1.64.70](https://indike.org/pramana/in.lit.mahabharata.vyasa*southern.1.64.70) girikāyāḥ prayacchāśu tasyā hyārtavamadya vai . vaiśaṃpāyana uvāca . gṛhītvā tattadā śyenastūrṇamutpatya vegavān .. ### [1.64.71](https://indike.org/pramana/in.lit.mahabharata.vyasa*southern.1.64.71) javaṃ paramamāsthāya pradudrāva vihaṃgamaḥ . tamapaśyadathāyāntaṃ śyenaṃ śyenastathā'paraḥ .. ### [1.64.72](https://indike.org/pramana/in.lit.mahabharata.vyasa*southern.1.64.72) abhyadravacca taṃ sadyo dṛṣṭvaivāmiṣaśaṅkayā . tuṇḍayuddhamathākāśe tāvubhau saṃpracakratuḥ .. ### [1.64.73](https://indike.org/pramana/in.lit.mahabharata.vyasa*southern.1.64.73) yuddhyatorapatadretastaccāpi yamunāmbhasi . tatrādriketi vikhyātā brahmaśāpādvarāpsarā .. ### [1.64.74](https://indike.org/pramana/in.lit.mahabharata.vyasa*southern.1.64.74) mīnabhāvamanuprāptā babhūva yamunācarī . śyenapādaparibhraṣṭaṃ tadvīryamatha vāsavam .. ### [1.64.75](https://indike.org/pramana/in.lit.mahabharata.vyasa*southern.1.64.75) jagrāha tarasopetya sā'drikā matsyarūpiṇī . kadācidapi matsīṃ tāṃ babandhurmatsyajīvinaḥ .. ### [1.64.76](https://indike.org/pramana/in.lit.mahabharata.vyasa*southern.1.64.76) māse ca daśame prāpte tadā bharatasattama .. ujjahrurudarāttasyāḥ strīṃ pumāṃsaṃ ca mānuṣau .. ### [1.64.77](https://indike.org/pramana/in.lit.mahabharata.vyasa*southern.1.64.77) āścaryabhūtaṃ tadgatvā rājñe'tha pratyavedayan . kāye matsyā imau rājansaṃbhūtau mānuṣāviti .. ### [1.64.78](https://indike.org/pramana/in.lit.mahabharata.vyasa*southern.1.64.78) tayoḥ pumāṃsaṃ jagrāha rājoparicarastadā . sa matsyo nāma rājāsīddhārmikaḥ satyasaṅgaraḥ .. ### [1.64.79](https://indike.org/pramana/in.lit.mahabharata.vyasa*southern.1.64.79) sā'psarā muktaśāpā ca kṣaṇena samapadyata . yā puroktā bhagavatā tiryagyonigatā śubhā .. ### [1.64.80](https://indike.org/pramana/in.lit.mahabharata.vyasa*southern.1.64.80) mānuṣau janayitvā tvaṃ śāpamokṣamavāpsyasi . tataḥ sājanayitvā tau viśastā matsyaghātibhiḥ .. ### [1.64.81](https://indike.org/pramana/in.lit.mahabharata.vyasa*southern.1.64.81) saṃtyajya matsyarūpaṃ sā divyaṃ rūpamavāpya ca . siddharṣicāraṇapathaṃ jagāmātha varāpsarāḥ .. ### [1.64.82](https://indike.org/pramana/in.lit.mahabharata.vyasa*southern.1.64.82) sā kanyā duhitā tasyā matsyā matsyasagandhinī . rājñā dattā ca dāśāya kanyeyaṃ te bhavatviti .. ### [1.64.83](https://indike.org/pramana/in.lit.mahabharata.vyasa*southern.1.64.83) rūpasatvasamāyuktā sarvaiḥ samuditā guṇaiḥ . sā tu satyavatī nāma matsyaghātyabhisaṃśrayāt .. ### [1.64.84](https://indike.org/pramana/in.lit.mahabharata.vyasa*southern.1.64.84) āsītsā matsyagandhaiva kaṃcitkālaṃ śucismitā . śuśrūṣārthaṃ piturnāvaṃ vāhayantīṃ jale ca tām .. ### [1.64.85](https://indike.org/pramana/in.lit.mahabharata.vyasa*southern.1.64.85) tīrthayātrāṃ parikrāmannapaśyadvai parāśaraḥ . atīva rūpasaṃpannāṃ siddhānāmapi kāṅkṣitām .. ### [1.64.86](https://indike.org/pramana/in.lit.mahabharata.vyasa*southern.1.64.86) dṛṣṭvaiva sa ca tāṃ dhīmāṃścakame cāruhāsinīm . divyāṃ tāṃ vāsavīṃ kanyāṃ rambhorūṃ munipuṅgavaḥ .. ### [1.64.87](https://indike.org/pramana/in.lit.mahabharata.vyasa*southern.1.64.87) saṃbhavaṃ cintayitvā tāṃ jñātvā provāca śaktijaḥ . kva karṇadhāro nauryena nīyate brūhi bhāmini .. matsyagandhovāca . ### [1.64.88](https://indike.org/pramana/in.lit.mahabharata.vyasa*southern.1.64.88) anapatyasya dāśasya sutā tatpriyakāmyayā . sahasrajanasaṃpannā naurmayā vāhyate dvija .. parāśara uvāca . ### [1.64.89](https://indike.org/pramana/in.lit.mahabharata.vyasa*southern.1.64.89) śobhanaṃ vāsavi śubhe kiṃ cirāyasi vāhyatām . kalaśaṃ bhavitā bhadre sahasrārdhena saṃmitam .. ### [1.64.90](https://indike.org/pramana/in.lit.mahabharata.vyasa*southern.1.64.90) ahaṃ śeṣo bhiviṣyāmi nīyatāmacireṇa vai . vaiśaṃpāyana uvāca . matsyagandhā tathetyuktvā nāvaṃ vāhayatāṃ jale .. ### [1.64.91](https://indike.org/pramana/in.lit.mahabharata.vyasa*southern.1.64.91) vīkṣamāṇaṃ muniṃ dṛṣṭvā provācedaṃ vacastadā . matsyagandheti māmāhurdāśarājasutāṃ janāḥ .. ### [1.64.92](https://indike.org/pramana/in.lit.mahabharata.vyasa*southern.1.64.92) janma śokābhitaptāyāḥ kathaṃ jñāsyasi kathyatām . parāśara uvāca . divyajñānena dṛṣṭaṃ hi dṛṣṭamātreṇa te vapuḥ .. ### [1.64.93](https://indike.org/pramana/in.lit.mahabharata.vyasa*southern.1.64.93) praṇayagrahaṇārthāya vakṣyeva vāsavi tacchṛṇu . barhiṣada iti khyātāḥ pitaraḥ somapāstute .. ### [1.64.94](https://indike.org/pramana/in.lit.mahabharata.vyasa*southern.1.64.94) teṣāṃ tvaṃ mānasī kanyā acchodā nāma viśrutā . acchodaṃ nāma taddivyaṃ saro yasmātsamutthitam .. ### [1.64.95](https://indike.org/pramana/in.lit.mahabharata.vyasa*southern.1.64.95) tvayā na dṛṣṭapūrvāstu pitaraste kadācana . saṃbhūtā manasā teṣāṃ pitṝnsvānnābhijānatī .. ### [1.64.96](https://indike.org/pramana/in.lit.mahabharata.vyasa*southern.1.64.96) sā tvanyaṃ pitaraṃ vavre svānatikramya tānpitṝn . nāmnā vasuriti khyātaṃ manuputraṃ divi sthitam .. ### [1.64.97](https://indike.org/pramana/in.lit.mahabharata.vyasa*southern.1.64.97) adrikā'psarasā yuktaṃ vimāne divi viṣṭhitam . sā tena vyabhicāreṇa manasā kāmacāriṇī .. ### [1.64.98](https://indike.org/pramana/in.lit.mahabharata.vyasa*southern.1.64.98) pitaraṃ prārthayitvā'nyaṃ yogādbhaṣṭā papāta sā . apaśyatpatamānā sā vimānatrayamantikāt .. ### [1.64.99](https://indike.org/pramana/in.lit.mahabharata.vyasa*southern.1.64.99) trasareṇupramāṇāṃstāṃstatrāpaśyatsvakānpitṝn . susūkṣmānaparivyaktānaṅgairaṅgeṣvivāhitān .. ### [1.64.100](https://indike.org/pramana/in.lit.mahabharata.vyasa*southern.1.64.100) tāteti tānuvācārtā patantī sā hyadhomukhī . tairuktā sā tu mābhaiṣīstena sā saṃsthitā divi .. ### [1.64.101](https://indike.org/pramana/in.lit.mahabharata.vyasa*southern.1.64.101) tataḥ prasādayāmāsa svānpitṝndīnayā girā . tāmūcuḥ pitaraḥ kanyāṃ bhraiṣṭaśvaryāṃ vyatikramāt .. ### [1.64.102](https://indike.org/pramana/in.lit.mahabharata.vyasa*southern.1.64.102) bhraṣṭaiśvaryā svadoṣeṇa patasi tvaṃ śucismite . yairārabhante karmāṇi śarīrairiha devatāḥ .. ### [1.64.103](https://indike.org/pramana/in.lit.mahabharata.vyasa*southern.1.64.103) taireva tatkarmaphalaṃ prāpnuvanti sma devatāḥ . manuṣyāstvanyadehena śubhāśubhamiti sthitiḥ .. ### [1.64.104](https://indike.org/pramana/in.lit.mahabharata.vyasa*southern.1.64.104) sadyaḥ phalanti karmāṇi devatve pretya mānuṣe . tasmāttvaṃ patase putri pretyatvaṃ prāpsyase phalam .. ### [1.64.105](https://indike.org/pramana/in.lit.mahabharata.vyasa*southern.1.64.105) pitṛhīnā tu kanyā tvaṃ vasorhi tvaṃ sutā matā . matsyayonau samutpannā sutārājño bhaviṣyasi .. ### [1.64.106](https://indike.org/pramana/in.lit.mahabharata.vyasa*southern.1.64.106) adrikā matsyarūpā'bhūdgaṅgāyamanusaṅgame . parāśarasya dāyādaṃ tvaṃ putraṃ janayiṣyasi .. ### [1.64.107](https://indike.org/pramana/in.lit.mahabharata.vyasa*southern.1.64.107) yo vedamekaṃ brahmarṣiścaturdhā vibajiṣyati . mahābhiṣaksutasyaiva śantanoḥ kīrtivardhanam .. ### [1.64.108](https://indike.org/pramana/in.lit.mahabharata.vyasa*southern.1.64.108) jyeṣṭhaṃ citrāṅgadaṃ vīraṃ citravīraṃ ca viśrutam . etānsūtvā suputrāṃstvaṃ punareva gamiṣyasi .. ### [1.64.109](https://indike.org/pramana/in.lit.mahabharata.vyasa*southern.1.64.109) vyatikramātpitṝṇāṃ ca prāpsyase janma kutsitam . asyaiva rājñastvaṃ kanyā hyadrikāyāṃ bhaviṣyasi .. ### [1.64.110](https://indike.org/pramana/in.lit.mahabharata.vyasa*southern.1.64.110) aṣṭāviṃśe bhavitrī tvaṃ dvāpare matsyayonijā . evamuktā purā taistvaṃ jātā satyavatī śubhā .. ### [1.64.111](https://indike.org/pramana/in.lit.mahabharata.vyasa*southern.1.64.111) adriketyabhivikhyātā brahmaśāpādvarāpsarā . mīnabhāvamanuprāptā tvaṃ janitvā gatā divam .. ### [1.64.112](https://indike.org/pramana/in.lit.mahabharata.vyasa*southern.1.64.112) tasyāṃ jātāsi sā kanyā rājño vīryeṇa caivahi . tasmādvāsavi bhadraṃ te yāce vaṃśakaraṃ sutam .. ### [1.64.113](https://indike.org/pramana/in.lit.mahabharata.vyasa*southern.1.64.113) saṃgamaṃ mama kalyāṇi kuruṣvetyabhyabhāṣata .. vaiśaṃpāyana uvāca . ### [1.64.114](https://indike.org/pramana/in.lit.mahabharata.vyasa*southern.1.64.114) vismayāviṣṭasarvāṅgī jātismaraṇatāṃ gatā . sābravītpaśya bhagavanparapāre sthitānṛṣīn .. ### [1.64.115](https://indike.org/pramana/in.lit.mahabharata.vyasa*southern.1.64.115) āvayordṛṣṭayorebhiḥ kathaṃ nu syātsamāgamaḥ . evaṃ tayokto bhagavānnīhāramasṛjatprabhuḥ .. ### [1.64.116](https://indike.org/pramana/in.lit.mahabharata.vyasa*southern.1.64.116) yena deśaḥ sa sarvastu tamobhūta ivābhavat . dṛṣṭvā sṛṣṭaṃ tu nīhāraṃ tatastaṃ paramarṣiṇā .. ### [1.64.117](https://indike.org/pramana/in.lit.mahabharata.vyasa*southern.1.64.117) vismitā sābhavatkanyā vrīḍitā ca tapasvinī . satyavatyuvāca . viddhi māṃ bhagavankanyāṃ sadā pitṛvaśānugām .. ### [1.64.118](https://indike.org/pramana/in.lit.mahabharata.vyasa*southern.1.64.118) tvatsaṃyogācca duṣyeta kanyābhāvo mamā'nagha . kanyātve dūṣite vāpi kathaṃ śakṣye dvijottama .. ### [1.64.119](https://indike.org/pramana/in.lit.mahabharata.vyasa*southern.1.64.119) gṛha gantumuṣe cāhaṃ dhīmanna sthātumutsahe . etatsaṃcintya bhagavanvidhatsva yadanantaram .. vaiśaṃpāyana uvāca . ### [1.64.120](https://indike.org/pramana/in.lit.mahabharata.vyasa*southern.1.64.120) evamuktavatīṃ tīṃ tu prītimānuṣisattamaḥ . uvāca matpriyaṃ kṛtvā kanyaiva tvaṃ bhaviṣyati .. ### [1.64.121](https://indike.org/pramana/in.lit.mahabharata.vyasa*southern.1.64.121) vṛṇīṣva ca varaṃ bhīruṃ yaṃ tvamicchasi bhāmini . vṛthā hi na prasādo me bhūtapūrvaḥ śucismite .. ### [1.64.122](https://indike.org/pramana/in.lit.mahabharata.vyasa*southern.1.64.122) evamuktā varaṃ vavre gātrasaugandhyamuttamam . sacāsyai bhagavānprādānmanaḥ kāṅkṣitaṃ prabhuḥ .. ### [1.64.123](https://indike.org/pramana/in.lit.mahabharata.vyasa*southern.1.64.123) tato labdhavarā prītā strībhāvaguṇabhūṣitā . jagāma saha saṃsargamṛṣiṇā'dbhutakarmaṇā .. ### [1.64.124](https://indike.org/pramana/in.lit.mahabharata.vyasa*southern.1.64.124) tena gandhavatītyevaṃ nāmāsyāḥ prathitaṃ bhuvi . tasyāstu yojanādgandhamājighranta narā bhuvi .. ### [1.64.125](https://indike.org/pramana/in.lit.mahabharata.vyasa*southern.1.64.125) tasyā yojanagandheti tato nāmāparaṃ smṛtam . iti satyavatī hṛṣṭā labdhvā varamanuttamam .. ### [1.64.126](https://indike.org/pramana/in.lit.mahabharata.vyasa*southern.1.64.126) parāśareṇa saṃyuktā sadyo garbhaṃ suṣāva sā . jajñe ca yamunādvīpe pārāśaryaḥ sa vīryavān .. ### [1.64.127](https://indike.org/pramana/in.lit.mahabharata.vyasa*southern.1.64.127) sa mātaramanujñāpya tapasyeva mano dadhe . smṛto'haṃ darśayiṣyāmi kṛtyeṣviti ca so'bravīt .. ### [1.64.128](https://indike.org/pramana/in.lit.mahabharata.vyasa*southern.1.64.128) evaṃ dvaipāyano jajñe satyavatyāṃ parāśarāt . nyastodvīpe yadbālastasmāddvaipāyanaḥsmṛtaḥ .. ### [1.64.129](https://indike.org/pramana/in.lit.mahabharata.vyasa*southern.1.64.129) pādāpasāriṇaṃ dharmaṃ sa tu vidvānyuge yuge . āyuḥ śaktiṃ ca martyānāṃ yugāvasthāmavekṣyaca .. ### [1.64.130](https://indike.org/pramana/in.lit.mahabharata.vyasa*southern.1.64.130) brahmaṇo brāhmaṇānāṃ ca tathānugrahakāṅkṣayā . vivyāsa vedānyasmatsa tasmādvyāsa iti smṛtaḥ .. ### [1.64.131](https://indike.org/pramana/in.lit.mahabharata.vyasa*southern.1.64.131) vedānadhyāpayāmāsa mahābhāratapañcamān . sumantuṃ jaiminiṃ pailaṃ śukaṃ caiva svamātmajam .. ### [1.64.132.1](https://indike.org/pramana/in.lit.mahabharata.vyasa*southern.1.64.132.1) prabhurvariṣṭho varado vaiśaṃpāyanameva ca . saṃhitāstaiḥ pṛthaktvena bhāratasya prakāśitāḥ .. 1-64a-1a \[tato ramye vanoddeśe divyāstaraṇasaṃyute . 1-64a-1b vīrāsanamupāsthāya yogī dhyānaparo'bhavat .. 1-64a-2a śvetapaṭṭagṛhe ramye paryaṅke sottaracchade . 1-64a-2b tūṣṇīṃbhūtāṃ tadā kanyāṃ jvalantīṃ yogatejasā .. 1-64a-3a dṛṣṭvā tāṃ tu samādhāya vicārya ca punaḥ punaḥ . 1-64a-3b sa cintayāmāsa muniḥ kiṃ kṛtaṃ sukṛtaṃ bhavet .. 1-64a-4a śiṣṭānāṃ tu samācāraḥ śiṣṭācāra iti smṛtaḥ . 1-64a-4b śrutismṛtivido viprā dharmajñā jñāninaḥ smṛtāḥ .. 1-64a-5a dharmajñairvihito dharmaḥ śrautaḥ smārto dvidhā dvijaiḥ . 1-64a-5b dānāgnihotramijyā ca śrautasyaitaddhi lakṣaṇam .. 1-64a-6a smārto varṇāśramācāro yamaiśca niyamairyutaḥ . 1-64a-6b dharme tu dhāraṇe dhātuḥ sahatve cāpi paṭhyate .. 1-64a-7a tatreṣṭaphalabhāgdharma ācāryairupadiśyate . 1-64a-7b aniṣṭaphalabhākreti tairadharmo'pi bhāṣyate .. 1-64a-8a tasmādiṣṭaphalārthāya dharmameva samāśrayet . 1-64a-8b brāhmo daivastathaivārṣaḥ prājāpatyaśca dhārmikaḥ .. 1-64a-9a vivāhā brāhmaṇānāṃ tu gāndharvo naiva dhārmikaḥ . 1-64a-9b trivarṇetarajātīnāṃ gāndharvāsurarākṣasāḥ .. 1-64a-10a paiśāco naiva kartavyaḥ paiśācaścāṣṭamo'dhamaḥ . 1-64a-10b sāmarṣāṃ vyaṅgikāṃ kanyāṃ mātuśca kulajāṃ tathā .. 1-64a-11a vṛddhāṃ pravrājitāṃ vandhyāṃ patitāṃ ca rajasvalām . 1-64a-11b apasmārakule jātāṃ piṅgalāṃkuṣṭhinīṃ vraṇīm .. 1-64a-12a na cāsnātāṃ striyaṃ gacchediti dharmānuśāsanam . 1-64a-12b pitā pitāmaho bhrātā mātā mātula eva ca .. ### [1.64.132.2](https://indike.org/pramana/in.lit.mahabharata.vyasa*southern.1.64.132.2) 1-64a-13a upādhyāyartvijaścaiva kanyādāne prabhūttamāḥ . 1-64a-13b etairdattāṃ niṣeveta nādattāmādadīta ca .. 1-64a-14a ityeva ṛṣayaḥ prāhurvivāhe dharmavittamāḥ . 1-64a-14b asyā nāsti pitā bhrātā mātā mātula eva ca .. 1-64a-15a gāndharveṇa vivāhena na spṛśāmi yadṛcchayā . 1-64a-15b kriyāhīnaṃ tu gāndharvaṃ na kartavyamanāpadi .. 1-64a-16a yadasyāṃ jāyate putro vedavyāso bhavedṛṣiḥ . 1-64a-16b kriyāhīnaḥ kathaṃ vipro bhavedṛṣirudāradhīḥ .. 1-64a-17x vaiśaṃpāyana uvāca . 1-64a-17a evaṃ cintayato bhāvaṃ maharṣerbhāvitātmanaḥ . 1-64a-17b jñātvā caivābhyavartanta pitaro barhiṣastadā .. 1-64a-18a tasminkṣaṇe brahmaputro vasiṣṭho'pi sameyivān . 1-64a-18b pūrvaṃ svāgatamityuktvā vasiṣṭhaḥ pratyabhāṣata .. 1-64a-19x pitṛgaṇā ūcuḥ . 1-64a-19a asmākaṃ mānasīṃ kanyāmasmacchāpena vāsavīm . 1-64a-19b yadicacchaśi putrārthaṃ kanyāṃ gṛhmīṣvamā ciram .. 1-64a-20a pitṝṇāṃ vacanaṃ śrutvā vasiṣṭhaḥ pratyabhāṣata . 1-64a-20b maharṣīṇāṃ vacaḥ satyaṃ purāṇepi mayā śrutam .. 1-64a-21a parāśaro brahmacārī prajārthī mama vaṃśadhṛt . 1-64a-21b evaṃ saṃbhāṣamāṇe tu vasiṣṭhe pitṛbhiḥ saha .. 1-64a-22a ṛṣayo'bhyāgamaṃstatra naimiśāraṇyavāsinaḥ . 1-64a-22b vivāhaṃ draṣṭumicchantaḥ śaktiputrasya dhīmataḥ .. 1-64a-23a arundhatī mahābhāgā adṛśyantyā sahaiva sā . 1-64a-23b viśvakarmakṛtāṃ divyāṃ parṇaśālāṃ praviśya sā .. 1-64a-24a vaivāhikāṃstu saṃbhārānsaṃkalpya ca yathākramam . 1-64a-24b arundhatī satyavatīṃ vadhūṃ saṃgṛhya pāṇinā .. 1-64a-25a bhadrāsane pratiṣṭhāpya indrāṇīṃ samakalpayat . ### [1.64.132.3](https://indike.org/pramana/in.lit.mahabharata.vyasa*southern.1.64.132.3) 1-64a-25b āpūryamāṇapakṣe tu vaiśākhe somadaivate .. 1-64a-26a śubhagrahe trayodaśyāṃ muhūrte maitra āgate . 1-64a-26b vivāhakāla ityuktvā vasiṣṭho munibhiḥ saha .. 1-64a-27a yamunādvīpamāsādya śiṣyaiśca munipaṅktibhiḥ . 1-64a-27b sthaṇḍilaṃ caturaśraṃ ca gomayenopalipya ca .. 1-64a-28a akṣataiḥ phalapuṣpaiśca svastikairāmrapallavaiḥ . 1-64a-28b jalapūrṇaghaṭaiścaiva sarvataḥ pariśobhitam .. 1-64a-29a tasya madhye pratiṣṭhāpya bṛsyāṃ munivaraṃ tadā . 1-64a-29b siddhārthayavakalkaiśca snātaṃ sarvauṣadhairapi .. 1-64a-30a kṛtvārjunāni vastrāṇi paridhāpya mahāmunim . 1-64a-30b vācayitvā tu puṇyāhamakṣataistu samarcitaḥ .. 1-64a-31a gandhānuliptaḥ sragvī ca sapratodo vadhūgṛhe . 1-64a-31b apadātistato gatvā vadhūjñātibhirarcitaḥ .. 1-64a-32a snātāmahatasaṃvītāṃ gandhaliptāṃ sragujjvalām . 1-64a-32b vadhūṃ maṅgalasaṃyuktāmiṣuhastāṃ samīkṣya ca .. 1-64a-33a uvāca vacanaṃ kāle kālajñaḥ sarvadharmavit . 1-64a-33b pratigraho dātṛvaśaḥ śrutamevaṃ mayā purā .. 1-64a-34a yathā vakṣyanti pitarastatkariṣyāmahe vayam . 1-64a-34x vaiśaṃpāyana uvāca . 1-64a-34b taddharmiṣṭhaṃ yaśasyaṃ ca vacanaṃ satyavādinaḥ .. 1-64a-35a śrutvā tu pitaraḥ sarve niḥsaṅgā niṣparigrahāḥ . 1-64a-35b vasuṃ paramadharmiṣṭhamānīyedaṃ vaco'bruvan .. 1-64a-36a matsyayonau samutpannā tava putrī viśeṣataḥ . 1-64a-36b parāśarāya munaye dātumarhasi dharmataḥ .. 1-64a-37x vasuruvāca . 1-64a-37a satyaṃ mama sutā sā hi dāśarājena vardhitā . 1-64a-37b ahaṃ prabhuḥ pradāne tu prajāpālaḥ prajārthinām .. 1-64a-38x pitara ūcuḥ . ### [1.64.132.4](https://indike.org/pramana/in.lit.mahabharata.vyasa*southern.1.64.132.4) 1-64a-38a nirāśiṣo vayaṃ sarve niḥsaṅgā niṣparigrahāḥ . 1-64a-38b kanyādānena saṃbandho dakṣiṇābandha ucyate .. 1-64a-39a karmabhūmistu mānuṣyaṃ bhogabhūmistriviṣṭapam . 1-64a-39b iha puṇyakṛto yānti svargalokaṃ na saṃśayaḥ .. 1-64a-40a iha loke duṣkṛtino narakaṃ yānti nirghṛṇāḥ . 1-64a-40b dakṣiṇābandha ityukte ubhe sukṛtaduṣkṛte .. 1-64a-41a dakṣiṇābandhasaṃyuktā yoginaḥ prapatanti te . 1-64a-41b tasmānno mānasīṃ kanyāṃ yogādbhraṣṭāṃ viśāpate .. 1-64a-42a sutātvaṃ tava saṃprāptāṃ satīṃ bhikṣāṃ dadasva vai . 1-64a-42b ityuktvā pitaraḥ sarve kṣaṇādantarhitāstadā .. 1-64a-43x vaiśaṃpāyana uvāca . 1-64a-43a yājñavalkyaṃ samāhūya vivāhācāryamityuta . 1-64a-43b vasuṃ cāpi samāhūya vasiṣṭho munibhiḥ saha .. 1-64a-44a vivāhaṃ kārayāmāsa vidhidṛṣṭena karmaṇā . 1-64a-44x vasuruvāca . 1-64a-44b parāśara mahāprājña tava dāsyāmyahaṃ sutām .. 1-64a-45a pratīccha caināṃ bhadraṃ te pāṇiṃ gṛhṇīṣva pāṇinā . 1-64a-45x vaiśaṃpāyana uvāca . 1-64a-45b vasostu vacanaṃ śrutvā yājñavalkyamate sthitaḥ .. 1-64a-46a kṛtakautukamaṅgalyaḥ pāṇinā pāṇimaspṛśat . 1-64a-46b prabhūtājyena haviṣā hutvā mantrairhutāśanam .. 1-64a-47a triragniṃ tu parikramya samabhyarcya hutāśanam . 1-64a-47b maharṣīnyājñavalkyādīndakṣiṇābhiḥ pratarpyaca .. 1-64a-48a labdhānujño'bhivādyāśu pradakṣiṇamathākarot . 1-64a-48b parāśare kṛtodvāhe devāḥ sarpigaṇāstadā .. 1-64a-49a hṛṣṭā jagmuḥ kṣaṇādeva vedavyāso bhavatviti . 1-64a-49b evaṃ satyavatī hṛṣṭā pūjāṃ labdhvā yatheṣṭataḥ .. ### [1.64.132.5](https://indike.org/pramana/in.lit.mahabharata.vyasa*southern.1.64.132.5) 1-64a-50a parāśareṇa saṃyuktā sadyo garbhaṃ suṣāva sā . 1-64a-50b jajñe ca yamunādvīpe pārāśaryaḥ sa vīryavān .. 1-64a-51a jātamātraḥ sa vavṛdhe saptavarṣo'bhavattadā . 1-64a-51b snātvābhivādya pitaraṃ tasthau vyāsaḥ samāhitaḥ .. 1-64a-52a svastīti vacanaṃ coktvā dadau kalaśamuttamam . 1-64a-52b gṛhītvā kalaśaṃ prāpte tasthau vyāsaḥ samāhitaḥ .. 1-64a-53a tato dāśabhayātpatnī snātvā kanyā babhūva sā . 1-64a-53b abhivādya muneḥ pādau putraṃ jagrāha pāṇinā .. 1-64a-54a spṛṣṭamātre tu nirbhartsya mātaraṃ vākyamabravīt . 1-64a-54b mama pitrā tu saṃsparśānmātastvamabhavaḥ śuciḥ .. 1-64a-55a adya dāśasutā kanyā na spṛśermāmanindite . 1-64a-55x vaiśaṃpāyana uvāca . 1-64a-55b vyāsasya vacanaṃ śrutvā bāṣpapūrṇamukhī tadā .. 1-64a-56a manuṣyabhāvātsā yoṣitpapāta munipādayoḥ . 1-64a-56b mahāprasādo bhagavānputraṃ provāca dharmavit .. 1-64a-57a mā tvamevaṃvidhaṃ kārṣīrnaitaddharmyaṃ mataṃ hi naḥ . 1-64a-57b dūṣyau na mātāpitarau tathā pūrvopakāriṇau .. 1-64a-58a dhāraṇādduḥkhasahanāttayormātā garīyasī . 1-64a-58b bījakṣetrasamāyoge sasyaṃ jāyeta laukikam .. 1-64a-59a jāyate ca sutastadvatpuruṣastrīsamāgame . 1-64a-59b mṛgīṇāṃ pakṣiṇāṃ caiva apsarāṇāṃ tathaiva ca .. 1-64a-60a śūdrayonyāṃ ca jāyante munayo vedapāragāḥ . 1-64a-60b ṛṣyaśṛṅgo mṛgīputraḥ kaṇvo barhisutastathā .. 1-64a-61a agastyaśca vasiṣṭhaśca urvaśyāṃ janitāvubhau . 1-64a-61b somaśravāstu sarpyāṃ tu aśvināvaśvisaṃbhavau .. 1-64a-62a skandaḥ skannena śuklena jātaḥ śaravaṇe purā . ### [1.64.132.6](https://indike.org/pramana/in.lit.mahabharata.vyasa*southern.1.64.132.6) 1-64a-62b evameva ca devānāmṛṣīmāṃ caiva saṃbhavaḥ .. 1-64a-63a lokavedapravṛttirhi na mīmāṃsyā budhaiḥ sadā . 1-64a-63b vedavyāsa iti proktaḥ purāṇe ca svayaṃbhuvā .. 1-64a-64a dharmanetā maharṣīṇāṃ manuṣyāṇāṃ tvameva ca . 1-64a-64b tasmātputra na dūṣyeta vāsavī yogacāriṇī .. 1-64a-65a matprītyarthaṃ mahāprājña sasnehaṃ vaktumarhasi . 1-64a-65b prajāhitārthaṃ saṃbhūto viṣṇorbhāgo mahānṛṣiḥ .. 1-64a-66a tasmātsvamātaraṃ snehātprabavīhi tapodhana . 1-64a-66x vaiśaṃpāyana uvāca . 1-64a-66b gurorvacanamājñāya vyāsaḥ prīto'bhavattadā .. 1-64a-67a cintayitvā lokavṛttaṃ māturaṅkamathāviśat . 1-64a-67b putrasparśāttu lokeṣu nānyatsukhamatīva hi .. 1-64a-68a vyāsaṃ kamalapatrākṣaṃ pariṣvajyāśrvavartayat . 1-64a-68b stanyāsāraiḥ klidyamānā putramāghrāya mūrdhani .. 1-64a-69x vāsavyuvāca . 1-64a-69a putralābhātparaṃ loke nāstīha prasavārthinām . 1-64a-69b durlabhaṃ ceti manye'haṃ mayā prāptaṃ mahattapaḥ .. 1-64a-70a mahatā tapasā tāta mahāyogabalena ca . 1-64a-70b mayā tvaṃ hi mahāprājña labdho'mṛtamivāmaraiḥ .. 1-64a-71a tasmāttvaṃ māmṛṣeḥ putra tyaktuṃ nārhasi sāṃpratam . 1-64a-71x vaiśaṃpāyana uvāca . 1-64a-71b evamuktastataḥ snehādvyāso mātaramabravīt .. 1-64a-72a tvayā spṛṣṭaḥ pariṣvakto mūrdhni cāghrāyito muhuḥ . 1-64a-72b etāvanmātrayā prīto bhaviṣyeṣu nṛpātmaje .. 1-64a-73a smṛto'haṃ darśayiṣyāmi kṛtyeṣviti ca so'bravīt . 1-64a-73b sa mātaramanujñāpya tapasyeva mano dadhe .. 1-64a-74a tataḥ kanyāmanujñāya punaḥ kanyā bhavatviti . ### [1.64.132.7](https://indike.org/pramana/in.lit.mahabharata.vyasa*southern.1.64.132.7) 1-64a-74b parāśaro'pi bhagavānputreṇa sahito yayau .. 1-64a-75a gatvāśramapadaṃ pumyamadṛśyantyā parāśaraḥ . 1-64a-75b jātakarmādisaṃskāraṃ kārayāmāsa dharmataḥ .. 1-64a-76a kṛtopanayano vyāso yājñavalkyena bhārata . 1-64a-76b vedānadhijagau sāṅgānoṅkāreṇa trimātrayā .. 1-64a-77a gurave dakṣiṇāṃ dattvā tapaḥ kartuṃ pracakrame . 1-64a-77b evaṃ dvaipāyano jajñe satyavatyāṃ parāśarāt .. 1-64a-78a dvīpa nyastaḥ sa yadvālastasmāddvaipāyano'bhavat . 1-64a-78b pādāpasāriṇaṃ dharmaṃ vidvānsa tu yuge yuge .. 1-64a-79a āyuḥ śaktiṃ ca martyānāṃ yugādyugamavekṣya ca . 1-64a-79b brahmarṣirbrāhmaṇānāṃ ca tathā'nugrahakāṅkṣayā .. 1-64a-80a vivyāsa vedānyasmācca vedavyāsa iti smṛtaḥ . 1-64a-80b tataḥ sa maharṣirvidvāñśiṣyānāhūya dharmataḥ .. 1-64a-81a sumantuṃ jaiminiṃ pailaṃ śukaṃ caiva svamātmajam . 1-64a-81b prabhurvariṣṭho varado vaiśaṃpāyanameva ca .. 1-64a-82a vedānadhyāpayāmāsa mahābhāratapañcamān . 1-64a-82b saṃhitāstaiḥ pṛthaktvena bhāratasya prakīrtitā .. 1-64a-83a tataḥ satyavatī hṛṣṭā jagāma svaṃ niveśanam . 1-64a-83b tasyāstu yojanādgandhamājighranti narā bhuvi .. 1-64a-84a dāśarājastu tadgandhamājighranpītimāvahat . 1-64a-84x dāśarāja uvāca . 1-64a-84b tvāmāhurmatsyagandheti kathaṃ bāle sugandhatā .. 1-64a-85a apāsya matsyagandhatvaṃ kena dattā sugandhatā 1-64a-85x satyavatyuvāca . 1-64a-85b śakte- putro mahāprājñaḥ parāśara iti śrutaḥ .. 1-64a-86a nāvaṃ vāhayamānāyā mama dṛṣṭvāṃ suśikṣitam . 1-64a-86b upāsya matsyagandhatvaṃ yojanādgandhatāṃ dadau .. ### [1.64.132.8](https://indike.org/pramana/in.lit.mahabharata.vyasa*southern.1.64.132.8) 1-64a-87a ṛṣeḥ prasādaṃ dṛṣṭvā tu janāḥ prītimupāgaman . 1-64a-87b evaṃ labdho mayā gandho na roṣaṃ kartumarhasi .. 1-64a-88a dāśarājastu tadvākyaṃ praśaśaṃsa nananda ca . 1-64a-88b etatpavitraṃ puṇyaṃ ca vyāsasamavamuttamam . 1-64a-88c itihāsamimaṃ śrutvā prajāvanto bhavanti ca .. ### [1.64.133](https://indike.org/pramana/in.lit.mahabharata.vyasa*southern.1.64.133) tathā bhīṣmaḥ śāntanavo gaṅgāyāmamitadyutiḥ . vasuvīryātsamabhavanmahāvīryo mahāyaśāḥ .. ### [1.64.134](https://indike.org/pramana/in.lit.mahabharata.vyasa*southern.1.64.134) vaidārthavicca bhagavānṛṣirvipro mahāyaśāḥ . śūle protaḥ purāṇarṣiracoraścoraśaṅkayā .. ### [1.64.135](https://indike.org/pramana/in.lit.mahabharata.vyasa*southern.1.64.135) aṇīmāṇḍavya ityevaṃ vikhyātaḥ sa mahāyaśāḥ . sa dharmamāhūya purā maharṣiridamuktavān .. ### [1.64.136](https://indike.org/pramana/in.lit.mahabharata.vyasa*southern.1.64.136) iṣīkayā mayā bālyādviddhā hyekā śakuntikā . tatkilbiṣaṃ smare dharma nānyatpāpamahaṃ smare .. ### [1.64.137](https://indike.org/pramana/in.lit.mahabharata.vyasa*southern.1.64.137) tanme sahasramamitaṃ kasmānnehājayattapaḥ . garīyānbrāhmaṇavadhaḥ sarvabhūtavadhādyataḥ .. ### [1.64.138](https://indike.org/pramana/in.lit.mahabharata.vyasa*southern.1.64.138) tasmāttvaṃ kilbiṣādasmācchūdrayonau janiṣyasi . vaiśaṃpāyana uvāca . tena śāpena dharmo'pi śūdrayonāvajāyata .. ### [1.64.139](https://indike.org/pramana/in.lit.mahabharata.vyasa*southern.1.64.139) vidvānvidurarūpeṇa dhārmikaḥ kilbiṣāttataḥ . saṃjayo munikalpastu jajñe sūto gavalgaṇāt .. ### [1.64.140](https://indike.org/pramana/in.lit.mahabharata.vyasa*southern.1.64.140) sūryācca kuntikanyāyāṃ jajñe karṇo mahābalaḥ . sahajaṃ kavacaṃ bibhratkuṇḍalodyotitānanaḥ .. ### [1.64.141](https://indike.org/pramana/in.lit.mahabharata.vyasa*southern.1.64.141) anugrahārthaṃ lokānāṃ viṣṇurlokanamaskṛtaḥ . vasudevāttu devakyāṃ prādurbhūto mahāyaśāḥ .. ### [1.64.142](https://indike.org/pramana/in.lit.mahabharata.vyasa*southern.1.64.142) anādinidhano devaḥ sa kartā jagataḥ prabhuḥ . avyaktamakṣaraṃ brahma pradhānaṃ triguṇātmakam .. ### [1.64.143](https://indike.org/pramana/in.lit.mahabharata.vyasa*southern.1.64.143) ātmānamavyayaṃ caiva prakṛtiṃ prabhavaṃ prabhum . puruṣaṃ viśvakarmāṇaṃ satvayogaṃ dhruvākṣaram .. ### [1.64.144](https://indike.org/pramana/in.lit.mahabharata.vyasa*southern.1.64.144) anantamacalaṃ devaṃ haṃsaṃ nārāyaṇaṃ prabhum . dhātāramajamavyaktaṃ yamāhuḥ paramavyayam .. ### [1.64.145](https://indike.org/pramana/in.lit.mahabharata.vyasa*southern.1.64.145) kaivalyaṃ nirguṇaṃ viśvamanādimajamavyayam . puruṣaḥ sa vibhuḥ kartā sarvabhūtapitāmahaḥ .. ### [1.64.146](https://indike.org/pramana/in.lit.mahabharata.vyasa*southern.1.64.146) dharmasaṃsthāpanārthāya prajajñe'ndhakavṛṣṇiṣu . astrajñau tu mahāvīryau sarvaśāstraviśāradau .. ### [1.64.147](https://indike.org/pramana/in.lit.mahabharata.vyasa*southern.1.64.147) sātyakiḥ kṛtavarmā ca nārāyaṇamanuvratau . satyakāddhṛdikāccaiva jajñāte'straviśāradau .. ### [1.64.148](https://indike.org/pramana/in.lit.mahabharata.vyasa*southern.1.64.148) bharadvājasya ca skannaṃ droṇyāṃ śukramavardhata . saharṣerugratapasastasmāddroṇo vyajāyata .. ### [1.64.149](https://indike.org/pramana/in.lit.mahabharata.vyasa*southern.1.64.149) gautamānmithunaṃ jajñe śarastambāccharadvataḥ . aśvatthāmnaśca jananī kṛpaścaiva mahābalaḥ .. ### [1.64.150](https://indike.org/pramana/in.lit.mahabharata.vyasa*southern.1.64.150) aśvatthāmā tato jajñe droṇādeva mahābalaḥ . tathaiva dhṛṣṭadyumno'pi sākṣādagnisamadyutiḥ .. ### [1.64.151](https://indike.org/pramana/in.lit.mahabharata.vyasa*southern.1.64.151) vaitāne karmaṇi tate pāvakātsamajāyata . vīro droṇavināśāya dhanurādāya vīryavān .. ### [1.64.152](https://indike.org/pramana/in.lit.mahabharata.vyasa*southern.1.64.152) tathaiva vedyāṃ kṛṣṇāpi jajñe tejasvinī śubhā . vibhrājamānā vapuṣā bibhratī rūpamuttamam .. ### [1.64.153](https://indike.org/pramana/in.lit.mahabharata.vyasa*southern.1.64.153) prahrādaśiṣyo nagnajitsubalaścābhavattataḥ . tasya prajā dharmahantrī jajñe devaprakopanāt .. ### [1.64.154](https://indike.org/pramana/in.lit.mahabharata.vyasa*southern.1.64.154) gāndhārarājaputro'bhūcchakuniḥ saubalastathā . duryodhanasya jananī jajñāte'rthaviśāradau .. ### [1.64.155](https://indike.org/pramana/in.lit.mahabharata.vyasa*southern.1.64.155) kṛṣṇadvaipāyanājjajñe dhṛtarāṣṭro janeśvaraḥ . kṣetre vicitravīryasya pāṇḍuścaiva mahābalaḥ .. ### [1.64.156](https://indike.org/pramana/in.lit.mahabharata.vyasa*southern.1.64.156) dharmārthakuśalo dhīmānmedhāvī dhūtakalmaṣaḥ . viduraḥ śūdrayonau tu jajñe dvaipāyanādapi .. ### [1.64.157](https://indike.org/pramana/in.lit.mahabharata.vyasa*southern.1.64.157) pāṇḍostu jajñire pañca putrā devasamāḥ pṛthak . dvayoḥ striyorguṇajyeṣṭhasteṣāmāsīdyudhiṣṭhiraḥ .. ### [1.64.158](https://indike.org/pramana/in.lit.mahabharata.vyasa*southern.1.64.158) dharmādyudhiṣṭhiro jajñe mārutācca vṛkodaraḥ . indrāddhanaṃjayaḥ śrīmānsarvaśastrabhṛtāṃ varaḥ .. ### [1.64.159](https://indike.org/pramana/in.lit.mahabharata.vyasa*southern.1.64.159) jajñāte rūpasaṃpannāvaśvibhyāṃ ca yamāvapi . nakulaḥ sahadevaśca guruśuśrūṣaṇe ratau .. ### [1.64.160](https://indike.org/pramana/in.lit.mahabharata.vyasa*southern.1.64.160) tathā putraśataṃ jajñe dhṛtarāṣṭrasya dhīmataḥ . duryodhanaprabhṛtayo yuyutsuḥ karaṇastathā .. ### [1.64.161](https://indike.org/pramana/in.lit.mahabharata.vyasa*southern.1.64.161) tato duḥśāsanaścaiva duḥsahaścāpi bhārata . durmarṣaṇo vikarṇaśca citraseno viviṃśatiḥ .. ### [1.64.162](https://indike.org/pramana/in.lit.mahabharata.vyasa*southern.1.64.162) jayaḥ satyavrataścaiva purumitraśca bhārata . vaiśyāputro yuyutsuśca ekādaśa mahārathāḥ .. ### [1.64.163](https://indike.org/pramana/in.lit.mahabharata.vyasa*southern.1.64.163) abhimanyuḥ subhadrāyāmarjunādabhyajāyata . svasrīyo vāsudevasya pautraḥ pāṇḍormahātmanaḥ .. ### [1.64.164](https://indike.org/pramana/in.lit.mahabharata.vyasa*southern.1.64.164) pāṇḍavebhyo hi pāñcālyāṃ draupadyāṃ pañca jajñire . kumārā rūpasaṃpannāḥ sarvaśāstraviśāradāḥ .. ### [1.64.165](https://indike.org/pramana/in.lit.mahabharata.vyasa*southern.1.64.165) prativindhyo yudhiṣṭhirātsutasomo vṛkodarāt . arjunācchrutakīrtistu śatānīkastu nākuliḥ .. ### [1.64.166](https://indike.org/pramana/in.lit.mahabharata.vyasa*southern.1.64.166) tathaiva sahadevācca śrutasenaḥ pratāpavān . hiḍimbāyāṃ ca bhīmena vane jajñe ghaṭotkacaḥ .. ### [1.64.167](https://indike.org/pramana/in.lit.mahabharata.vyasa*southern.1.64.167) śikhaṇḍī drupadājjajñe kanyā putratvabhāgatā . yāṃ yakṣaḥ puruṣaṃ cakre sthūmaḥ priyacikīrṣayā .. ### [1.64.168](https://indike.org/pramana/in.lit.mahabharata.vyasa*southern.1.64.168) kurūṇāṃ vigrahe tasminsamāgacchanbahūnyatha . rājñāṃ śatasahasrāṇi yotsyamānāni saṃyuge .. ### [1.64.169](https://indike.org/pramana/in.lit.mahabharata.vyasa*southern.1.64.169) teṣāmaparimeyānāṃ nāmadheyāni sarvaśaḥ . na śakyāni samākhyātuṃ varṣāṇāmayutairapi . ete tu kīrtitā mukhyā yairākhyānamidaṃ tatam .. .. ### [1.64.169\_1](https://indike.org/pramana/in.lit.mahabharata.vyasa*southern.1.64.169_1) iti śrīmanmahābhārate ādiparvaṇi aṃśāvataraṇaparvaṇi catuḥṣaṣṭitamo'dhyāyaḥ .. 64 .. ### [1.64.169\_2](https://indike.org/pramana/in.lit.mahabharata.vyasa*southern.1.64.169_2) 1-64-1 rañjakatvādrājā . mahīpatiḥ pṛthvīpālakaḥ .. 1-64-2 vasuḥ uparicaraḥ .. 1-64-4 sākṣātpratyakṣabhūya .. 1-64-5 na saṃkīryeta nirnāyakatvāt .. 1-64-8 paśavyaḥ paśubhyo hitaḥ .. 1-64-11 gāḥ balīvardān . vṛṣabhānkṛśānna dhuri yuñjate pratyuta saṃdhukṣayanti puṣṭānkurvanti . anye tu gāḥ strīgavīḥ tāsāmapyāndhrādidurdeśeṣu dhuri yojanaṃ dṛṣṭaṃ tadiha nāstītyāhuḥ .. 1-64-12 na ta iti . ātmajñānātsarvajño bhaviṣyasītyarthaḥ .. 1-64-13 upapatsyate upasthāsyate .. 1-64-15 vaijayantīṃ vijayahetuṃ . avikṣatameva dhārayiṣyati pālayiṣyati natu vikṣatam .. 1-64-16 lakṣaṇaṃ cihnam .. 1-64-17 iṣṭapradānaṃ prītidāyamuddiśya yaṣṭiṃ dadau .. 1-64-20 śakrasya pūjārthaṃ tasyā yaṣṭeḥ praveśaṃ sthāpanam .. 1-64-23 piṭakaiḥ mañjūṣārūpairvastramayaiḥ kośaiḥ .. 1-64-46 vāsavāḥ vasuputrāḥ .. 1-64-48 puropavāhinīṃ purasamīpe vahantīṃ .. 1-64-50 nadī rājñe nyavedayanmithunamityanuṣajyate .. 1-64-54 tadahastasmin dine .. 1-64-63 vāyunā kāmoddīpakena . dhūmraṃ malinaṃ ratikarma tadarthaṃ . mudaṃ strīviṣayāṃ prītimanusṛtya tāmena manasā'gāt . tayā saha mānasaṃ suratamakarodityarthaḥ . pracaskanda papāta .. 1-64-64 mithyā prasavaśūnyatvenālīkaprāyam .. 1-64-68 abhimantrya putrotpattiliṅgairmantraiḥ spṛṣṭvā .. 1-64-70 ārtavamṛtukālīnaṃ snānam .. 1-64-73 yudhyatoḥ satoḥ .. 1-64-76 māse daśame prāpte babandhuriti saṃbandhaḥ . ujjahnuḥ uddhṛtavantaḥ .. 1-64-77 kāye dehe . matsyāḥ matsyayoṣāyāḥ .. 1-64-115 nīhāraṃ dhūmikām .. 1-64-119 sthātuṃ jīvituṃ notsahe kanyātvadūṣaṇādityarthaḥ .. 1-64-128 dvīpamevā'yanaṃ nyāsasthānaṃ yasya dvīpāyanaḥ svārthe taddhitaḥ dvīpāyana eva dvaipāyana iti nāma nirvakti nyasta iti .. 1-64-125 pādāpasāriṇaṃ yugeyuge pādaśaḥ 1-64-88 tamaślokapūrvārdhātparaṃ \`iti satyavatī hṛṣṭā' ityādi \`bhāratasya prakāśitāḥ' ityantasārdhaślokasaptakasthāne ime kuṇḍalitāḥ ślokāḥ keṣucitkośeṣūpalabhyante . 1-64-133 vasuvīryāt vasvaṃśāt .. 1-64-136 śakuntikā makṣikā .. 1-64-140 kuntibhojasya kanyāyāṃ kuntyām .. 1-64-167 sthūṇo nāmnā .. catuḥṣaṣṭhitamo'dhyāyaḥ .. 64 .. ### [1.64.169\_3](https://indike.org/pramana/in.lit.mahabharata.vyasa*southern.1.64.169_3) vistaraśravaṇecchayā janamejayasya praśnaḥ .. 1 .. paraśurāmeṇa loke niḥkṣatriye kṛte brāhmaṇebhyaḥ kṣatrasya punarutpattiḥ .. 2 .. tatkālasya dharmabhūyiṣṭhatvam .. 3 .. devairnirjitānāṃ dānavānāṃ bhūmāvutpattiḥ .. 4 .. tadbhūribhārārtayā pṛthvyā prārthitasya brahmaṇo devānpratyaṃśāvataraṇājñāpanam .. 5 .. avatārārthaṃ indreṇa nārāyaṇaprārthanā .. 6 .. ## Other recensions (1) - [Mahābhārata](https://indike.org/pramana/in.lit.mahabharata.vyasa.1.57.1) — Vyāsa, Sanskrit ## Linked texts (1) - [Critical edition (BORI)](https://indike.org/pramana/in.lit.mahabharata.harivamsa*crit.13.28x256-1) — Sanskrit --- Source: [https://indike.org/pramana/in.lit.mahabharata.vyasa*southern.1.64](https://indike.org/pramana/in.lit.mahabharata.vyasa*southern.1.64) · Pramāṇa