[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [The Mahābhārata and its versions](https://indike.org/pramana/in.lit.mahabharata) › [Mahābhārata](https://indike.org/pramana/in.lit.mahabharata.vyasa) › [Southern recension](https://indike.org/pramana/in.lit.mahabharata.vyasa*southern) › 5.18 # The Great Epic of the Bhārata dynasty 5.18: adhyāyaḥ 018 Southern recension 5.18 - **Language:** Sanskrit ### adhyāyaḥ 018 ### [5.18.0](https://indike.org/pramana/in.lit.mahabharata.vyasa*southern.5.18.0) śalya uvāca . ### [5.18.1](https://indike.org/pramana/in.lit.mahabharata.vyasa*southern.5.18.1) tataḥ śakraḥ stūyamāno gandharvāpsarasāṃ gaṇaiḥ . airāvataṃ samāruhya dvipendraṃ lakṣaṇairyutam .. ### [5.18.2](https://indike.org/pramana/in.lit.mahabharata.vyasa*southern.5.18.2) pāvakaḥ sumahātejā maharṣiśca bṛhaspatiḥ . yamaśca varuṇaścaiva kuberaśca dhaneśvaraḥ .. ### [5.18.3](https://indike.org/pramana/in.lit.mahabharata.vyasa*southern.5.18.3) sarvairdevaiḥ parivṛtaḥ śakro vṛtraniṣūdanaḥ . gandharvairapsarobhiśca yātastribhuvanaṃ prabhuḥ .. ### [5.18.4](https://indike.org/pramana/in.lit.mahabharata.vyasa*southern.5.18.4) sa sametya mahendrāṇyā devarājaḥ śatakratuḥ . mudā paramayā yuktaḥ pālayāmāsa devarāṭ .. ### [5.18.5](https://indike.org/pramana/in.lit.mahabharata.vyasa*southern.5.18.5) tataḥ sa bhagavāṃstatra aṅgirāḥ samadṛśyata . atharvavedamantraiśca devendraṃ samapūjayat .. ### [5.18.6](https://indike.org/pramana/in.lit.mahabharata.vyasa*southern.5.18.6) tatastu bhagavānindraḥ saṃhṛṣṭaḥ samapadyata . varaṃ ca pradadau tasmai atharvāṅgirase tadā .. ### [5.18.7](https://indike.org/pramana/in.lit.mahabharata.vyasa*southern.5.18.7) atharvāṅgirasaṃ nāma vede'sminvai bhaviṣyati . udāharaṇametaddhi yajñabhāgaṃ ca lapsyase . ### [5.18.8](https://indike.org/pramana/in.lit.mahabharata.vyasa*southern.5.18.8) evaṃ saṃpūjya bhagavānatharvāṅgirasaṃ tadā . vyasarjayanmahārāja devarājaḥ śatakratuḥ .. ### [5.18.9](https://indike.org/pramana/in.lit.mahabharata.vyasa*southern.5.18.9) saṃpūjya sarvāṃstridaśānṛṣīṃścāpi tapodhanān . indraḥ pramudito rājandharmeṇāpālayatprajāḥ .. ### [5.18.10](https://indike.org/pramana/in.lit.mahabharata.vyasa*southern.5.18.10) evaṃ duḥkhamanuprāptamindreṇa saha bhāryayā . ajñātavāsaśca kṛtaḥ śatrūṇāṃ vadhakāṅkṣayā .. ### [5.18.11](https://indike.org/pramana/in.lit.mahabharata.vyasa*southern.5.18.11) nātra manyustvayā kāryo yatkliṣṭo'si mahāvane . draupadyā saha rājendra bhrātṛbhiśca mahātmabhiḥ .. ### [5.18.12](https://indike.org/pramana/in.lit.mahabharata.vyasa*southern.5.18.12) evaṃ tvamapi rājendra rājyaṃ prāpsyasi bhārata . vṛtraṃ hatvā yathā prāptaḥ śakraḥ kauravanandana .. ### [5.18.13](https://indike.org/pramana/in.lit.mahabharata.vyasa*southern.5.18.13) durācāraśca nahuṣo brahvadviṭ pāpacetanaḥ . agastyaśāpābhihato vinaṣṭaḥ śāśvatīḥ samāḥ .. ### [5.18.14](https://indike.org/pramana/in.lit.mahabharata.vyasa*southern.5.18.14) evaṃ tava durātmānaḥ śatravaḥ śatrusūdana . kṣipraṃ nāśaṃ gamiṣyanti karṇaduryodhanādayaḥ .. ### [5.18.15](https://indike.org/pramana/in.lit.mahabharata.vyasa*southern.5.18.15) tataḥ sāgaraparyantāṃ bhokṣyase medinīmimām . bhrātṛbhiḥ sahito vīra draupadyā ca sahānayā .. ### [5.18.16](https://indike.org/pramana/in.lit.mahabharata.vyasa*southern.5.18.16) upākhyānamidaṃ śakravijayaṃ vedasaṃmitam . rājñā vyūḍheṣvanīkeṣu śrotavyaṃ jayamicchatā . ### [5.18.17](https://indike.org/pramana/in.lit.mahabharata.vyasa*southern.5.18.17) tasmātsaṃśrāvayāmi tvāṃ vijayaṃ jayatāṃ vara . saṃstūyamānā vardhante mahātmāno yudhiṣṭhira .. ### [5.18.18](https://indike.org/pramana/in.lit.mahabharata.vyasa*southern.5.18.18) kṣatriyāṇāmabhāvoyaṃ yudhiṣṭhira mahātmanām . duryodhanāparādhena bhīmārjunabalena ca .. saṅgrāme saṃkṣayo ghoro bhaviṣyatyacirādiva .. ### [5.18.19](https://indike.org/pramana/in.lit.mahabharata.vyasa*southern.5.18.19) ākhyānamindravijayaṃ ya idaṃ niyataḥ paṭhet . dhūtapāpmā jitasvargaḥ paratreha ca modate .. ### [5.18.20](https://indike.org/pramana/in.lit.mahabharata.vyasa*southern.5.18.20) na cārijaṃ bhayaṃ tasya nāputro vā bhavennaraḥ . nāpadaṃ prāpnuyātkāṃciddīrghamāyuśca vindati . sarvatra dayamāpnoti na kadācitparājayam .. vaiśaṃpāyana uvāca . ### [5.18.21](https://indike.org/pramana/in.lit.mahabharata.vyasa*southern.5.18.21) evamāśvāsito rājā śalyena bharatarṣabha . pūjayāmāsa vidhivacchalyaṃ dharmabhṛtāṃ varaḥ .. ### [5.18.22](https://indike.org/pramana/in.lit.mahabharata.vyasa*southern.5.18.22) śrutvā tu śalyavacanaṃ kuntīputro yudhiṣṭhiraḥ . pratyuvāca mahābāhurmadrarājamidaṃ vacaḥ .. ### [5.18.23](https://indike.org/pramana/in.lit.mahabharata.vyasa*southern.5.18.23) bhavānkarṇasya sārathyaṃ kariṣyati na saṃśayaḥ . tatra tejovadhaḥ kāryaḥ karṇasyārjunasaṃstavaiḥ .. śalya uvāca . ### [5.18.24](https://indike.org/pramana/in.lit.mahabharata.vyasa*southern.5.18.24) evametatkariṣyāmi yathā māṃ saṃprabhāṣase . yaccānyadapi śakṣyāmi tatkariṣyāmyahaṃ tava .. vaiśaṃpāyana uvāca . ### [5.18.25](https://indike.org/pramana/in.lit.mahabharata.vyasa*southern.5.18.25) tatastvāmantrya kaunteyāñchalyo madrādhipastadā . jagāma sabalaḥ śrīmānduryodhanamarindama .. .. ### [5.18.25\_1](https://indike.org/pramana/in.lit.mahabharata.vyasa*southern.5.18.25_1) iti śrīmanmahābhārate udyogaparvaṇi senodyogaparvaṇi aṣṭādaśo'dhyāyaḥ .. ### [5.18.25\_2](https://indike.org/pramana/in.lit.mahabharata.vyasa*southern.5.18.25_2) sātyakipramukhānāṃ rājñāṃ svasvasenā''nayanapūrvakaṃ yudhiṣṭhiraṃ pratyāgamanam .. 1 .. bhagadattādīnāṃ rājñāṃ duryodhanasāhāyyakaraṇāya āgamanam .. 2 .. ## Other recensions (1) - [Mahābhārata](https://indike.org/pramana/in.lit.mahabharata.vyasa.5.18.1) — Vyāsa, Sanskrit ## Linked texts (1) - [Nyāyamañjarī](https://indike.org/pramana/in.darsana.nyaya.nyayamanjari.2.6.194) — Jayanta Bhaṭṭa, Sanskrit --- Source: [https://indike.org/pramana/in.lit.mahabharata.vyasa*southern.5.18](https://indike.org/pramana/in.lit.mahabharata.vyasa*southern.5.18) · Pramāṇa