[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [The Mahābhārata and its versions](https://indike.org/pramana/in.lit.mahabharata) › [Mahābhārata](https://indike.org/pramana/in.lit.mahabharata.vyasa) › [Southern recension](https://indike.org/pramana/in.lit.mahabharata.vyasa*southern) › 6.26 # The Great Epic of the Bhārata dynasty 6.26: adhyāyaḥ 026 Southern recension 6.26 - **Language:** Sanskrit ### adhyāyaḥ 026 ### [6.26.0](https://indike.org/pramana/in.lit.mahabharata.vyasa*southern.6.26.0) sañjaya uvāca . ### [6.26.1](https://indike.org/pramana/in.lit.mahabharata.vyasa*southern.6.26.1) taṃ tathā kṛpayāviṣṭamaśrupūrṇākulekṣaṇam . viṣīdantamidaṃ vākyamuvāca madhusūdanaḥ .. śrībhagavānuvāca . ### [6.26.2](https://indike.org/pramana/in.lit.mahabharata.vyasa*southern.6.26.2) kutastvā kaśmalamidaṃ viṣame samupasthitam . anāryajuṣṭamasvargyamakīrtikaramarjuna .. ### [6.26.3](https://indike.org/pramana/in.lit.mahabharata.vyasa*southern.6.26.3) klaibyaṃ mā sma gamaḥ pārtha naitattvayyupapadyate . kṣudraṃ hṛdayadaurbalyaṃ tyaktvottiṣṭha paraṃtapa .. arjuna uvāca . ### [6.26.4](https://indike.org/pramana/in.lit.mahabharata.vyasa*southern.6.26.4) kathaṃ bhīṣmamahaṃ saṅkhye droṇaṃ ca madhusūdana . iṣubhiḥ pratiyotsyāmi pūjārhāvarisūdana .. ### [6.26.5](https://indike.org/pramana/in.lit.mahabharata.vyasa*southern.6.26.5) gurūnahatvā hi mahānubhāvān śreyo bhoktuṃ bhekṣamapīha loke . hatvārthakāmāṃstu gurūnihaiva bhuñjīya bhogānrudhirapradigdhān .. ### [6.26.6](https://indike.org/pramana/in.lit.mahabharata.vyasa*southern.6.26.6) na caitadvīdmaḥ kataranno garīyo yadvā jayama yadi vā no jayeyuḥ . yāneva hatvā na jijīviṣāma- ste'vasthitāḥ pramukhe dhārtarāṣṭrāḥ .. ### [6.26.7](https://indike.org/pramana/in.lit.mahabharata.vyasa*southern.6.26.7) kārpaṇyadoṣopahatasvabhāvaḥ pṛcchāmi tvāṃ dharmasaṃmūḍhacetāḥ . yacchreyaḥ syānniścitaṃ brūhi tanme śiṣyaste'haṃ śādhi māṃ tvāṃ prapannam .. ### [6.26.8](https://indike.org/pramana/in.lit.mahabharata.vyasa*southern.6.26.8) na hi prapaśyāmi mamāpanudyā- dyacchokamucchoṣaṇamindriyāṇām . avāpya bhūmāvasapatnamṛddhaṃ rājyaṃ surāṇāmapi cādhipatyam .. sañjaya uvāca . ### [6.26.9](https://indike.org/pramana/in.lit.mahabharata.vyasa*southern.6.26.9) evamukatvā hṛṣīkeśaṃ guḍākeśaṃ paraṃtapa . na yotsya iti govindamuktvā tūṣṇīṃ babhūva ha .. ### [6.26.10](https://indike.org/pramana/in.lit.mahabharata.vyasa*southern.6.26.10) tamuvāca hṛṣīkeśaḥ prahasanniva bhārata . senayorubhayormadhye viṣīdantamidaṃ vacaḥ .. śrībhagavānuvāca . ### [6.26.11](https://indike.org/pramana/in.lit.mahabharata.vyasa*southern.6.26.11) aśocyānanvaśocastvaṃ prajñāvādāṃśca bhāṣase . gatāsūnagatāsūṃśca nānuśocanti pāṇḍitāḥ .. ### [6.26.12](https://indike.org/pramana/in.lit.mahabharata.vyasa*southern.6.26.12) natvevāhaṃ jātu nāsaṃ na tvaṃ neme janādhipāḥ . na caiva nabhaviṣyāmaḥ sarve vayamataḥ param .. ### [6.26.13](https://indike.org/pramana/in.lit.mahabharata.vyasa*southern.6.26.13) dehino'sminyathā dehe kaumāraṃ yauvanaṃ jarā . tathā dehāntaraprāptirdhīrastatra na muhyati .. ### [6.26.14](https://indike.org/pramana/in.lit.mahabharata.vyasa*southern.6.26.14) mātrāsparśāstu kaunteya śītoṣṇasukhaduḥkhadāḥ . āgamāpāyino'nitsyāstāṃstitikṣasva bhārata .. ### [6.26.15](https://indike.org/pramana/in.lit.mahabharata.vyasa*southern.6.26.15) yaṃ hi vyathayantyete puruṣaṃ puruṣarṣabha . samaduḥkhasukhaṃ dhīraṃ so'mṛtatvāya kalpate .. ### [6.26.16](https://indike.org/pramana/in.lit.mahabharata.vyasa*southern.6.26.16) nāsato vidyate bhāvo nābhāvo vidyate sataḥ . ubhayorapi dṛṣṭo'ntastvanayostattvadarśibhiḥka .. ### [6.26.17](https://indike.org/pramana/in.lit.mahabharata.vyasa*southern.6.26.17) avināśi tu tadviddhi yena sarvamidaṃ tatam . vināśamavyayasyāsya na kaścitkartumarhati .. ### [6.26.18](https://indike.org/pramana/in.lit.mahabharata.vyasa*southern.6.26.18) antavanta ime dehā nityasyoktāḥ śarīriṇaḥ . anāśino'prameyasya tasmādyudhyasva bhārata .. ### [6.26.19](https://indike.org/pramana/in.lit.mahabharata.vyasa*southern.6.26.19) ya enaṃ vetti hantāraṃ yaścainaṃ manyate hatam . ubhau tau na vijānīto nāyaṃ hanti na hanyate .. ### [6.26.20](https://indike.org/pramana/in.lit.mahabharata.vyasa*southern.6.26.20) na jāyate mriyate vā kadāci- nnāyaṃ bhūtvā bhavitā vā na bhūyaḥ . ajo nityaḥ śāśvato'yaṃ purāṇo na hantaye hanyamāne śarīre .. ### [6.26.21](https://indike.org/pramana/in.lit.mahabharata.vyasa*southern.6.26.21) vedāvināśinaṃ nityaṃ ya enamajamavyayam . kathaṃ sa puruṣaḥ pārtha kaṃ ghātayati hanti kam .. ### [6.26.22](https://indike.org/pramana/in.lit.mahabharata.vyasa*southern.6.26.22) vāsāṃsi jīrṇāni yathā vihāya navāni gṛhṇāni naro'parāṇi . tathā śarīrāṇi vihāya jīrṇā- nyanyāni saṃyāti navāni dehī .. ### [6.26.23](https://indike.org/pramana/in.lit.mahabharata.vyasa*southern.6.26.23) nainaṃ chindanti śastrāṇi nainaṃ dahati pāvakaḥ . na cainaṃ kledayantyāpo na śoṣayati mārutaḥ .. ### [6.26.24](https://indike.org/pramana/in.lit.mahabharata.vyasa*southern.6.26.24) acchedyo'yamadāhyo'yamakledyo'śoṣya eva ca . nityaḥ sarvagataḥ sthāṇuracalo'yaṃ sanātanaḥ .. ### [6.26.25](https://indike.org/pramana/in.lit.mahabharata.vyasa*southern.6.26.25) avyakto'yamacintyo'yamavikāryo'yamucyate . tasmādevaṃ viditvainaṃ nānuśocitumarhasi .. ### [6.26.26](https://indike.org/pramana/in.lit.mahabharata.vyasa*southern.6.26.26) atha cainaṃ nityajātaṃ nityaṃ vā manyase mṛtam . tathāpi katvaṃ mahābāho nainaṃ śocitumarhasi .. ### [6.26.27](https://indike.org/pramana/in.lit.mahabharata.vyasa*southern.6.26.27) jātasya hi dhruvo mṛtyurdhruvaṃ janma mṛtasya ca . tasmādaparihārye'rthe na tvaṃ śocitumarhasi .. ### [6.26.28](https://indike.org/pramana/in.lit.mahabharata.vyasa*southern.6.26.28) avyaktādīni bhūtāni vyaktamadhyāni bhārata . avyaktanidhanānyena tatra kā paridevanā .. ### [6.26.29](https://indike.org/pramana/in.lit.mahabharata.vyasa*southern.6.26.29) āścaryavatpaśyati kaścidena- māścaryavadvadati tathaiva cānyaḥ . āścaryavaccainamanyaḥ śrṛṇoti śrutvā'pyenaṃ veda na caiva kaścit .. ### [6.26.30](https://indike.org/pramana/in.lit.mahabharata.vyasa*southern.6.26.30) dehī nityamavadhyo'yaṃ dehe sarvasya bhārata . tasmātsarvāṇi bhūtāni na tvaṃ śocitumarhasi .. ### [6.26.31](https://indike.org/pramana/in.lit.mahabharata.vyasa*southern.6.26.31) svadharmamapi cāvekṣya na vikampitumarhasi . dharmyāddhi yuddhācchreyo'nyatkṣatriyasya na vidyate .. ### [6.26.32](https://indike.org/pramana/in.lit.mahabharata.vyasa*southern.6.26.32) yadṛcchayā copapannaṃ svargadvāramapāvṛtam . sukhinaḥ kṣatriyāḥ pārtha lante yuddhamīdṛśam .. ### [6.26.33](https://indike.org/pramana/in.lit.mahabharata.vyasa*southern.6.26.33) atha cettvamimaṃ dharmyaṃ saṃgrāmaṃ na kariṣyasi . tataḥ svadharmaṃ kīrtiṃ ca hitvā pāpamavāpsyasi .. ### [6.26.34](https://indike.org/pramana/in.lit.mahabharata.vyasa*southern.6.26.34) akīrtiṃ cāpi bhūtāni kathayiṣyanti te'vyayām . saṃbhāvitasya cākīrtirmaraṇādatiricyate .. ### [6.26.35](https://indike.org/pramana/in.lit.mahabharata.vyasa*southern.6.26.35) bhayādraṇāduparataṃ maṃsyante tvāṃ mahārathāḥ . yeṣāṃ ca tvaṃ bahumato bhūtvā yāsyasi lāghavam .. ### [6.26.36](https://indike.org/pramana/in.lit.mahabharata.vyasa*southern.6.26.36) avācyavādāṃścaka bahūnvadiṣyanti tavāhitāḥ . nindantastava sāmarthyaṃ tato duḥkhataraṃ nu kim .. ### [6.26.37](https://indike.org/pramana/in.lit.mahabharata.vyasa*southern.6.26.37) hato vā prāpsyasi svargaṃ jitvā vā bhokṣyase mahīm . tasmāduttiṣṭha kaunteya yuddhāya kṛtaniścayaḥ .. ### [6.26.38](https://indike.org/pramana/in.lit.mahabharata.vyasa*southern.6.26.38) sukhaduḥkhe same kṛtvā lābhālābhau jayājayau . tato yuddhāya yujyasva naivaṃ pāpamavāpsyasi .. ### [6.26.39](https://indike.org/pramana/in.lit.mahabharata.vyasa*southern.6.26.39) eṣā te'bhihitā sāṅkhye buddhiryoge tvimāṃ śrṛṇu . buddhyā yukto yayā pārtha karmabandhaṃ prahāsyasi .. ### [6.26.40](https://indike.org/pramana/in.lit.mahabharata.vyasa*southern.6.26.40) nehābhikramanāśo'sti pratyavāyo na vidyate . svalpamapyasya dharmasya trāyate mahato bhayāt .. ### [6.26.41](https://indike.org/pramana/in.lit.mahabharata.vyasa*southern.6.26.41) vyavasāyātmikā buddhirekeha kurunandana . bahuśākhā hyanantāśca buddhayo'vyavasāyinām .. ### [6.26.42](https://indike.org/pramana/in.lit.mahabharata.vyasa*southern.6.26.42) yāmimāṃ puṣpitāṃ vācaṃ pravadantyavipaścitaḥ . vedavādaratāḥ pārtha nānyadastīti vādinaḥ .. ### [6.26.43](https://indike.org/pramana/in.lit.mahabharata.vyasa*southern.6.26.43) kāmātmānaḥ svargaparā janmakarmaphalapradām . kriyāviśeṣabahulāṃ bhogaiśvaryagatiṃ prati .. ### [6.26.44](https://indike.org/pramana/in.lit.mahabharata.vyasa*southern.6.26.44) bhogaiśvaryaprasaktānāṃ tayā'pahṛtacetasām . vyavasāyātmikā buddhiḥ samādhau na vidhīyate .. ### [6.26.45](https://indike.org/pramana/in.lit.mahabharata.vyasa*southern.6.26.45) traiguṇyaviṣayā vedā nistraiguṇyo bhavārjuna . nirdvandvo nityasatvastho niryogakṣema ātmavān .. ### [6.26.46](https://indike.org/pramana/in.lit.mahabharata.vyasa*southern.6.26.46) yāvānartha udapāne sarvataḥ saṃplutodake . tāvānsarveṣu vedeṣu brāhmaṇasya vijānataḥ .. ### [6.26.47](https://indike.org/pramana/in.lit.mahabharata.vyasa*southern.6.26.47) karmaṇyevādhikāraste mā phaleṣu kadā ca na . mā karmaphalaheturbhūrmā te saṅgo'stvakarmaṇi .. ### [6.26.48](https://indike.org/pramana/in.lit.mahabharata.vyasa*southern.6.26.48) yogasthaḥ kuru karmāṇi saṅgaṃ tyaktvā dhanaṃjaya . siddhyasiddhyoḥ samo bhūtvā samatvaṃ yoga ucyate .. ### [6.26.49](https://indike.org/pramana/in.lit.mahabharata.vyasa*southern.6.26.49) dūreṇa hyavaraṃ karma buddhiyogāddhanaṃjaya . buddhau śaraṇamanviccha kṛpaṇāḥ phalahetavaḥ .. ### [6.26.50](https://indike.org/pramana/in.lit.mahabharata.vyasa*southern.6.26.50) buddhiyukto jahātīhaka ubhe sukṛtaduṣkṛte . tasmādyogāya yujyasva yogaḥ karmasu kauśalam .. ### [6.26.51](https://indike.org/pramana/in.lit.mahabharata.vyasa*southern.6.26.51) karmajaṃ buddhiyuktā hi phalaṃ tyaktvā manīṣiṇaḥ . janmabandhavinirmuktāḥ padaṃ gacchantyanāmayam .. ### [6.26.52](https://indike.org/pramana/in.lit.mahabharata.vyasa*southern.6.26.52) yadā te mohakalilaṃ buddhirvyatitariṣyati . tadā gantāsi nirvedaṃ śrotavyasya śrutasya ca .. ### [6.26.53](https://indike.org/pramana/in.lit.mahabharata.vyasa*southern.6.26.53) śrutivipratipannā te yadā sthāsyati niścalā . samādhāvacalā buddhistadā yogamavāpsyasi .. arjuna uvāca . ### [6.26.54](https://indike.org/pramana/in.lit.mahabharata.vyasa*southern.6.26.54) sthitaprajñasya kā bhāṣā samādhisthasya keśava . sthitadhīḥ kiṃ prabhāṣeta kimāsīta vrajeta kiṃ .. śrībhagavānuvāca . ### [6.26.55](https://indike.org/pramana/in.lit.mahabharata.vyasa*southern.6.26.55) prajahāti yadā kāmānsarvānpārtha manogatān . ātmanyevātmanā tuṣṭaḥ sthitaprajñastadocyate .. ### [6.26.56](https://indike.org/pramana/in.lit.mahabharata.vyasa*southern.6.26.56) duḥkheṣvanudvignamanāḥ sukheṣu vigataspṛhaḥ . vītarāgabhayakrodhaḥ sthitadhīrmunirucyate .. ### [6.26.57](https://indike.org/pramana/in.lit.mahabharata.vyasa*southern.6.26.57) yaḥ sarvatrānabhisnehastattatprāpya śubhāśubham . nābhinandati na dveṣṭi tasya prajñā pratiṣṭhitā .. ### [6.26.58](https://indike.org/pramana/in.lit.mahabharata.vyasa*southern.6.26.58) yadā saṃharate cāyaṃ kūrmo'ṅgānīva sarvaśaḥ . indriyāṇīndriyārthebhyastasya prajñā pratiṣṭhitā .. ### [6.26.59](https://indike.org/pramana/in.lit.mahabharata.vyasa*southern.6.26.59) viṣayā vinivartante nirāhārasya dehinaḥ . rasavarjaṃ raso'pyasya paraṃ dṛṣṭvā nivartate .. ### [6.26.60](https://indike.org/pramana/in.lit.mahabharata.vyasa*southern.6.26.60) yatato hyapi kaunteya puruṣasya vipaścitaḥ . indriyāṇi pramāthīni haranti prasabhaṃ manaḥ .. ### [6.26.61](https://indike.org/pramana/in.lit.mahabharata.vyasa*southern.6.26.61) tāni sarvāṇi saṃyamya yukta āsīta matparaḥ . vaśe hi yasyendriyāmi tasya prajñā pratiṣṭhitā .. ### [6.26.62](https://indike.org/pramana/in.lit.mahabharata.vyasa*southern.6.26.62) dhyāyato viṣayānpuṃsaḥ saṅgasteṣūpajāyate . saṅgātsaṃjāyate kāmaḥ kāmātkrodho'bhijāyate .. ### [6.26.63](https://indike.org/pramana/in.lit.mahabharata.vyasa*southern.6.26.63) krodhādbhavati saṃmohaḥ saṃmohātsmṛtivibhramaḥ . smṛtibhraṃśādbudināśo buddhināśātpraṇaśyati .. ### [6.26.64](https://indike.org/pramana/in.lit.mahabharata.vyasa*southern.6.26.64) rāgadveṣaviyuktaistu viṣayānindriyaiścaran . ātmavaśyairvidheyātmā prasādamadhigacchati .. ### [6.26.65](https://indike.org/pramana/in.lit.mahabharata.vyasa*southern.6.26.65) prasāde sarvaduḥkhānāṃ hānirasyopajāyate . prasannacetaso hyāśu buddhiḥ paryavatiṣṭhate .. ### [6.26.66](https://indike.org/pramana/in.lit.mahabharata.vyasa*southern.6.26.66) nāsti buddhirayuktasya na cāyuktasya bhāvanā . na cābhāvayataḥ śāntiraśāntasya kutaḥ sukham .. ### [6.26.67](https://indike.org/pramana/in.lit.mahabharata.vyasa*southern.6.26.67) indriyāṇāṃ hi caratāṃ yanmano'nuvidhīyate . tadasya harati prajñāṃ vāyurnāvamivāmbhasi .. ### [6.26.68](https://indike.org/pramana/in.lit.mahabharata.vyasa*southern.6.26.68) tasmādyasya mahābāho nigṛhītāni sarvaśaḥ . indriyāṇīndriyārthebhyastasya prajñā pratiṣṭhitā .. ### [6.26.69](https://indike.org/pramana/in.lit.mahabharata.vyasa*southern.6.26.69) yā niśā sarvabhūtānāṃ tasyāṃ jāgartiṃ saṃyamī . yasyāṃ jāgrati bhūtāni sā niśā paśyato muneḥ .. ### [6.26.70](https://indike.org/pramana/in.lit.mahabharata.vyasa*southern.6.26.70) āpūryamāṇamacalapratiṣṭhaṃ samudramāpaḥ praviśanti yadvat . tadvatkāmā yaṃ praviśanti sarve sa śāntimāpnoti na kāmakāmī .. ### [6.26.71](https://indike.org/pramana/in.lit.mahabharata.vyasa*southern.6.26.71) vihāya kāmānyaḥ sarvānpumāṃścarati niḥspṛhaḥ . nirmamo nirahaṃkāraḥ sa śāntimadhigacchati .. ### [6.26.72](https://indike.org/pramana/in.lit.mahabharata.vyasa*southern.6.26.72) eṣā brāhmī sthitiḥ pārtha naināṃ prāpya vimuhyati . sthitvāsyāmantakāle'pi brahma nirvāṇamṛcchati .. .. ### [6.26.72\_1](https://indike.org/pramana/in.lit.mahabharata.vyasa*southern.6.26.72_1) iti śrīmanmahābhārate bhīṣmaparvaṇi bhagavadgītāparvaṇi ṣaḍviṃśo'dhyāyaḥ .. ### [6.26.72\_2](https://indike.org/pramana/in.lit.mahabharata.vyasa*southern.6.26.72_2) iti śrīmadbhagavadgītāsūpaniṣatsu brahmavidyāyāṃ yogaśāstre śrīkṛṣṇārjunasaṃvāde śāṅkhyayogonāma dvitīyo'dhyāyaḥ .. 2 .. ### [6.26.72\_3](https://indike.org/pramana/in.lit.mahabharata.vyasa*southern.6.26.72_3) saptaviṃśo'dhyāyaḥ .. bhagavadgītādhyāyaḥ .. 3 .. ## Other recensions (1) - [Mahābhārata](https://indike.org/pramana/in.lit.mahabharata.vyasa.6.24.1) — Vyāsa, Sanskrit ## Linked texts (4) - [Agnipurāṇa (Nag Publishers edition, Delhi)](https://indike.org/pramana/in.purana.agni*nag.380.3) — Sanskrit - [Śivagītā](https://indike.org/pramana/in.sampradaya.saiva.stotra.sivagita-2.16.40_15) — Sanskrit - [Sāṃkhyasāra](https://indike.org/pramana/in.darsana.samkhya.samkhyasara.2.7.6) — Vijñānabhikṣu 1550, Sanskrit - [Ajñānadhvāntacaṇḍabhāskara](https://indike.org/pramana/in.darsana.advaita.vada.amaresvara.ajnanadhvantacandabhaskara.5.352.8) — Amareśvara Śāstrin 1825, Sanskrit --- Source: [https://indike.org/pramana/in.lit.mahabharata.vyasa*southern.6.26](https://indike.org/pramana/in.lit.mahabharata.vyasa*southern.6.26) · Pramāṇa