[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [The Mahābhārata and its versions](https://indike.org/pramana/in.lit.mahabharata) › [Mahābhārata](https://indike.org/pramana/in.lit.mahabharata.vyasa) › [Vulgate (Nilakantha's text)](https://indike.org/pramana/in.lit.mahabharata.vyasa*vulgate) › 5.17 # The Great Epic of the Bhārata dynasty 5.17 Vulgate (Nīlakaṇṭha's text) 5.17 - **Language:** Sanskrit ### [5.17.1](https://indike.org/pramana/in.lit.mahabharata.vyasa*vulgate.5.17.1) śalya uvāca | atha sañcintayānasya devarājasya dhīmataḥ | nahuṣasya vadhopāyaṃ lokapālaiḥ sadaivataiḥ || ### [5.17.2](https://indike.org/pramana/in.lit.mahabharata.vyasa*vulgate.5.17.2) tapasvī tatra bhagavānagastyaḥ pratyadṛśyata | so'bravīdarcya devendraṃ diṣṭyā vai vardhate bhavān || ### [5.17.3](https://indike.org/pramana/in.lit.mahabharata.vyasa*vulgate.5.17.3) viśvarūpavināśena vṛtrāsuravadhena ca | diṣṭyā'dya nahuṣo bhraṣṭo devarājyāt purandara || ### [5.17.4](https://indike.org/pramana/in.lit.mahabharata.vyasa*vulgate.5.17.4) diṣṭyā hatāriṃ paśyāmi bhavantaṃ balasūdana | indra uvāca | svāgataṃ te maharṣe'stu prīto'haṃ darśanāt tava | pādyamācamanīyaṃ ca gāmarghyaṃ ca pratīccha me || ### [5.17.5](https://indike.org/pramana/in.lit.mahabharata.vyasa*vulgate.5.17.5) śalya uvāca | pūjitaṃ copaviṣṭaṃ tamāsena munisattamam | paryapṛcchata deveśaḥ prahṛṣṭo brāhmaṇarṣabham || ### [5.17.6](https://indike.org/pramana/in.lit.mahabharata.vyasa*vulgate.5.17.6) etadicchāmi bhagavan kathyamānaṃ dvijottama | paribhraṣṭaḥ kathaṃ svargānnahuṣaḥ pāpaniścayaḥ || ### [5.17.7](https://indike.org/pramana/in.lit.mahabharata.vyasa*vulgate.5.17.7) agastya uvāca | śrṛṇu śakra priyaṃ vākyaṃ yathā rājā durātmavān | svargādbhraṣṭo durācāro nahuṣo baladarpitaḥ || ### [5.17.8](https://indike.org/pramana/in.lit.mahabharata.vyasa*vulgate.5.17.8) śramārtāśca vahantastaṃ nahuṣaṃ pāpakāriṇam | devarṣayo mahābhāgāstathā brahmarṣayo'malāḥ || ### [5.17.9](https://indike.org/pramana/in.lit.mahabharata.vyasa*vulgate.5.17.9) papracchurnahuṣaṃ devaṃ saṃśayaṃ jayatāṃ vara | ya ime brahmaṇā proktā mantrā vai prokṣaṇe gavām || ### [5.17.10](https://indike.org/pramana/in.lit.mahabharata.vyasa*vulgate.5.17.10) ete pramāṇaṃ bhavata utāho neti vāsava | nahuṣo neti tānāha tamasā mūḍhacetanaḥ || ### [5.17.11](https://indike.org/pramana/in.lit.mahabharata.vyasa*vulgate.5.17.11) ṛṣaya ūcuḥ | adharme sampravṛttastvaṃ dharmaṃ na pratipadyase | pramāṇametadasmākaṃ pūrvaṃ proktaṃ maharṣibhiḥ || ### [5.17.12](https://indike.org/pramana/in.lit.mahabharata.vyasa*vulgate.5.17.12) agastya uvāca | tato vivadamānaḥ sa munibhiḥ saha vāsava | atha māmaspṛśan mūrdhni pādenādharmapīḍitaḥ || ### [5.17.13](https://indike.org/pramana/in.lit.mahabharata.vyasa*vulgate.5.17.13) tenābhūddhatatejāśca niḥśrīkaśca mahīpatiḥ | tatastaṃ tamasā''vignamavocaṃ bhṛśapīḍitam || ### [5.17.14](https://indike.org/pramana/in.lit.mahabharata.vyasa*vulgate.5.17.14) yasmāt pūrvaiḥ kṛtaṃ rājan brahmarṣibhiranuṣṭhitam | adṛṣṭaṃ dūṣayasi me yacca mūrdhnyaspṛśaḥ padā || ### [5.17.15](https://indike.org/pramana/in.lit.mahabharata.vyasa*vulgate.5.17.15) yaccāpi tvamṛṣīn mūḍha brahmakalpān durāsadān || ### [5.17.16](https://indike.org/pramana/in.lit.mahabharata.vyasa*vulgate.5.17.16) vāhān kṛtvā vāhayasi tena svargāddhataprabhaḥ | dhvaṃsa pāpaparibhraṣṭaḥ kṣīṇapuṇyo mahītale || ### [5.17.17](https://indike.org/pramana/in.lit.mahabharata.vyasa*vulgate.5.17.17) daśavarṣasahasrāṇi sarparūpadharo mahān | vicariṣyasi pūrṇeṣu punaḥ svargamavāpsyasi || ### [5.17.18](https://indike.org/pramana/in.lit.mahabharata.vyasa*vulgate.5.17.18) evaṃ bhraṣṭo durātmā sa devarājyādarindama | diṣṭyā vardhāmahe śakra hato brahmaṇakaṇṭakaḥ || ### [5.17.19](https://indike.org/pramana/in.lit.mahabharata.vyasa*vulgate.5.17.19) triviṣṭapaṃ prapadyasva pāhi lokān śacīpate | jitendriyo jitāmitraḥ stūyamāno maharṣibhiḥ || ### [5.17.20](https://indike.org/pramana/in.lit.mahabharata.vyasa*vulgate.5.17.20) śalya uvāca | tato devā bhṛśaṃ tuṣṭā maharṣigaṇasaṃvṛtāḥ | pitaraścaiva yakṣāśca bhujagā rākṣasāstathā || ### [5.17.21](https://indike.org/pramana/in.lit.mahabharata.vyasa*vulgate.5.17.21) gandharvā devakanyāśca sarve cāpsarasāṃ gaṇāḥ | sarāṃsi saritaḥ śailāḥ sāgarāśca viśāmpate || ### [5.17.22](https://indike.org/pramana/in.lit.mahabharata.vyasa*vulgate.5.17.22) upāgamyābruvan sarve diṣṭyā vardhasi śatruhan | hataśca nahuṣaḥ pāpo diṣṭyā'gastyena dhīmatā | diṣṭyā pāpasamācāraḥ kṛtaḥ sarpo mahītale || ## Other recensions (1) - [Mahābhārata](https://indike.org/pramana/in.lit.mahabharata.vyasa.5.17.1) — Vyāsa, Sanskrit --- Source: [https://indike.org/pramana/in.lit.mahabharata.vyasa*vulgate.5.17](https://indike.org/pramana/in.lit.mahabharata.vyasa*vulgate.5.17) · Pramāṇa