The Great Epic of the Bhārata dynasty 5.28
Vulgate (Nīlakaṇṭha's text) 5.28
- Language
- Sanskrit
5.28.1
yudhiṣṭhira uvāca |
asaṃśayaṃ sañjaya satyametaddharmo varaḥ karmaṇāṃ yattvamāttha |
jñātvā tu māṃ sañjaya garhayestvaṃ yadi dharmaṃ yadyadharmaṃ careyam ||
5.28.2
yatrādharmo dharmarūpāṇi dhatte dharmaḥ kṛtsno dṛśyato'dharmarūpaḥ |
bibhraddharmo dharmarūpaṃ tathā ca vidvāṃsastaṃ samprapaśyanti buddhyā ||
5.28.3
evaṃ tathaivāpadi liṅgametaddharmādharmau nityavṛttī bhajetām |
ādyaṃ liṅgaṃ yasya tasya pramāṇamāpaddharmaṃ sañjaya taṃ nibodha ||
5.28.4
luptāyāṃ tu prakṛtau yena karma niṣpādayettat parīpsedvihīnaḥ |
prakṛtisthaścāpadi vartamāna ubhau garhyau bhavataḥ sañjayaitau ||
5.28.5
avināśamicchatāṃ brāhmaṇānāṃ prāyaścittaṃ vihitaṃ yadvidhātrā |
sampaśyethāḥ karmasu vartamānān vikarmasthān sañjaya garhayestvam ||
5.28.6
manīṣiṇāṃ sattvavicchedanāya vidhīyate satsu vṛttiḥ sadaiva |
abrāhmaṇāḥ santi tu ye na vaidyāḥ sarvotsaṅgaṃ sādhu manyeta tebhyaḥ ||
5.28.7
tadadhvānaḥ pitaro ye ca pūrve pitāmahā ye ca tebhyaḥ pare'nye |
yajñaiṣiṇo ye ca hi karma kuryurnānyaṃ tato nāstiko'smīti manye ||
5.28.8
yatkiñcanedaṃ vittamasyāṃ pṛthivyāṃ yaddevānāṃ tridaśānāṃ paraṃ yat |
prājāpatyaṃ tridivaṃ brahmalokaṃ nādharmataḥ sañjaya kāmayeyam ||
5.28.9
dharmeśvaraḥ kuśalo nītimāṃścāpyupāsitā brāhmaṇānāṃ manīṣī |
nānāvidhāṃścaiva mahābalāṃśca rājanyabhojānanuśāsti kṛṣṇaḥ ||
5.28.10
yadi hyahaṃ visṛjan sāma garhyo niyuddhyamāno yadi jahyāṃ svadharmam |
mahāyaśāḥ keśavastadbravītu vāsudevastūbhayorarthakāmaḥ ||
5.28.11
śaineyo'yaṃ cedayaścāndhakāśca vārṣṇeyabhojāḥ kukurāḥ sṛñjayāśca |
upāsīnā vāsudevasya buddhiṃ nigṛhya śatrūn suhṛdo nandayanti ||
5.28.12
vṛṣṇyandhakā hyugrasenādayo vai kṛṣṇapraṇītāḥ sarva evendrakalpāḥ |
manasvinaḥ satyaparāyaṇāśca mahābalā yādavā bhogavantaḥ ||
5.28.13
kāśyo babhruḥ śriyamuttamāṃ gato labdhvā kṛṣṇaṃ bhrātaramīśitāram |
yasmai kāmān varṣati vāsudevo grīṣmātyaye megha iva prajā'bhyaḥ ||
5.28.14
īdṛśo'yaṃ keśavastāta vidvān viddhi hyenaṃ karmaṇāṃ niścayajñam |
priyaśca naḥ sādhutamaśca kṛṣṇo nātikrāme vacanaṃ keśavasya ||
Other recensions (1)
- Mahābhārata — Vyāsa, Sanskrit