[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [The Mahābhārata and its versions](https://indike.org/pramana/in.lit.mahabharata) › [Mahābhārata](https://indike.org/pramana/in.lit.mahabharata.vyasa) › [Vulgate (Nilakantha's text)](https://indike.org/pramana/in.lit.mahabharata.vyasa*vulgate) › 6.29 # The Great Epic of the Bhārata dynasty 6.29 Vulgate (Nīlakaṇṭha's text) 6.29 - **Language:** Sanskrit ### [6.29.1](https://indike.org/pramana/in.lit.mahabharata.vyasa*vulgate.6.29.1) arjuna uvāca — sannyāsaṃ karmaṇāṃ kṛṣṇa punaryogaṃ ca śaṃsasi | yacchreya etayorekaṃ tanme brūhi suniścitam || ### [6.29.2](https://indike.org/pramana/in.lit.mahabharata.vyasa*vulgate.6.29.2) śrībhagavānuvāca — sannyāsaḥ karmayogaśca niḥśreyasakarāvubhau | tayostu karmasannyāsātkarmayogo viśiṣyate || ### [6.29.3](https://indike.org/pramana/in.lit.mahabharata.vyasa*vulgate.6.29.3) jñeyaḥ sa nityasannyāsī yo na dveṣṭi na kāṅkṣati | nirdvandvo hi mahābāho sukhaṃ bandhātpramucyate || ### [6.29.4](https://indike.org/pramana/in.lit.mahabharata.vyasa*vulgate.6.29.4) sāṅ‍khyayogau pṛthagbālāḥ pravadanti na paṇḍitāḥ | ekamapyāsthitaḥ samyagubhayorvindate phalam || ### [6.29.5](https://indike.org/pramana/in.lit.mahabharata.vyasa*vulgate.6.29.5) yatsāṅ‍khyaiḥ prāpyate sthānaṃ tadyogairapi gamyate | ekaṃ sāṅ‍khyaṃ ca yogaṃ ca yaḥ paśyati sa paśyati || ### [6.29.6](https://indike.org/pramana/in.lit.mahabharata.vyasa*vulgate.6.29.6) sannyāsastu mahābāho duḥkhamāptumayogataḥ | yogayukto munirbrahma nacireṇādhigacchati || ### [6.29.7](https://indike.org/pramana/in.lit.mahabharata.vyasa*vulgate.6.29.7) yogayukto viśuddhātmā vijitātmā jitendriyaḥ | sarvabhūtātmabhūtātmā kurvannapi na lipyate || ### [6.29.8](https://indike.org/pramana/in.lit.mahabharata.vyasa*vulgate.6.29.8) naiva kiñcitkaromīti yukto manyeta tattvavit | paśyañśṛṇvanspṛśañjighrannaśnangacchansvapañśvasan || ### [6.29.9](https://indike.org/pramana/in.lit.mahabharata.vyasa*vulgate.6.29.9) pralapan visṛjangṛhṇannunmiṣannimiṣannapi | indriyāṇīndriyārtheṣu vartanta iti dhārayan || ### [6.29.10](https://indike.org/pramana/in.lit.mahabharata.vyasa*vulgate.6.29.10) brahmaṇyādhāya karmāṇi saṅgaṃ tyaktvā karoti yaḥ | lipyate na sa pāpena padmapatramivāmbhasā || ### [6.29.11](https://indike.org/pramana/in.lit.mahabharata.vyasa*vulgate.6.29.11) kāyena manasā buddhyā kevalairindriyairapi | yoginaḥ karma kurvanti saṅgaṃ tyaktvātmaśuddhaye || ### [6.29.12](https://indike.org/pramana/in.lit.mahabharata.vyasa*vulgate.6.29.12) yuktaḥ karmaphalaṃ tyaktvā śāntimāpnoti naiṣṭhikīm | ayuktaḥ kāmakāreṇa phale sakto nibadhyate || ### [6.29.13](https://indike.org/pramana/in.lit.mahabharata.vyasa*vulgate.6.29.13) sarvakarmāṇi manasā sannyasyāste sukhaṃ vaśī | navadvāre pure dehī naiva kurvanna kārayan || ### [6.29.14](https://indike.org/pramana/in.lit.mahabharata.vyasa*vulgate.6.29.14) na kartṛtvaṃ na karmāṇi lokasya sṛjati prabhuḥ | na karmaphalasaṃyogaṃ svabhāvastu pravartate || ### [6.29.15](https://indike.org/pramana/in.lit.mahabharata.vyasa*vulgate.6.29.15) nādatte kasyacitpāpaṃ na caiva sukṛtaṃ vibhuḥ | ajñānenāvṛtaṃ jñānaṃ tena muhyanti jantavaḥ || ### [6.29.16](https://indike.org/pramana/in.lit.mahabharata.vyasa*vulgate.6.29.16) jñānena tu tadajñānaṃ yeṣāṃ nāśitamātmanaḥ | teṣāmādityavajjñānaṃ prakāśayati tatparam || ### [6.29.17](https://indike.org/pramana/in.lit.mahabharata.vyasa*vulgate.6.29.17) tadbuddhayastadātmānastanniṣṭhāstatparāyaṇāḥ | gacchantyapunarāvṛttiṃ jñānanirdhūtakalmaṣāḥ || ### [6.29.18](https://indike.org/pramana/in.lit.mahabharata.vyasa*vulgate.6.29.18) vidyāvinayasampanne brāhmaṇe gavi hastini | śuni caiva śvapāke ca paṇḍitāḥ samadarśinaḥ || ### [6.29.19](https://indike.org/pramana/in.lit.mahabharata.vyasa*vulgate.6.29.19) ihaiva tairjitaḥ sargo yeṣāṃ sāmye sthitaṃ manaḥ | nirdoṣaṃ hi samaṃ brahma tasmādbrahmaṇi te sthitāḥ || ### [6.29.20](https://indike.org/pramana/in.lit.mahabharata.vyasa*vulgate.6.29.20) na prahṛṣyetpriyaṃ prāpya nodvijetprāpya cāpriyam | sthirabuddhirasammūḍho brahmavidbrahmaṇi sthitaḥ || ### [6.29.21](https://indike.org/pramana/in.lit.mahabharata.vyasa*vulgate.6.29.21) bāhyasparśeṣvasaktātmā vindatyātmani yatsukham | sa brahmayogayuktātmā sukhamakṣayamaśnute || ### [6.29.22](https://indike.org/pramana/in.lit.mahabharata.vyasa*vulgate.6.29.22) ye hi saṃsparśajā bhogā duḥkhayonaya eva te | ādyantavantaḥ kaunteya na teṣu ramate budhaḥ || ### [6.29.23](https://indike.org/pramana/in.lit.mahabharata.vyasa*vulgate.6.29.23) śaknotīhaiva yaḥ soḍhuṃ prākcharīravimokṣaṇāt | kāmakrodhodbhavaṃ vegaṃ sa yuktaḥ sa sukhī naraḥ || ### [6.29.24](https://indike.org/pramana/in.lit.mahabharata.vyasa*vulgate.6.29.24) yo'ntaḥsukho'ntarārāmastathāntarjyotireva yaḥ | sa yogī brahmanirvāṇaṃ brahmabhūto'dhigacchati || ### [6.29.25](https://indike.org/pramana/in.lit.mahabharata.vyasa*vulgate.6.29.25) labhante brahmanirvāṇamṛṣayaḥ kṣīṇakalmaṣāḥ | chinnadvaidhā yatātmānaḥ sarvabhūtahite ratāḥ || ### [6.29.26](https://indike.org/pramana/in.lit.mahabharata.vyasa*vulgate.6.29.26) kāmakrodhaviyuktānāṃ yatīnāṃ yatacetasām | abhito brahmanirvāṇaṃ vartate viditātmanām || ### [6.29.27](https://indike.org/pramana/in.lit.mahabharata.vyasa*vulgate.6.29.27) sparśānkṛtvā bahirbāhyāṃścakṣuścaivāntare bhruvoḥ | prāṇāpānau samau kṛtvā nāsābhyantaracāriṇau || ### [6.29.28](https://indike.org/pramana/in.lit.mahabharata.vyasa*vulgate.6.29.28) yatendriyamanobuddhirmunirmokṣaparāyaṇaḥ | vigatecchābhayakrodho yaḥ sadā mukta eva saḥ || ### [6.29.29](https://indike.org/pramana/in.lit.mahabharata.vyasa*vulgate.6.29.29) bhoktāraṃ yajñatapasāṃ sarvalokamaheśvaram | suhṛdaṃ sarvabhūtānāṃ jñātvā māṃ śāntimṛcchati || ## Other recensions (1) - [Mahābhārata](https://indike.org/pramana/in.lit.mahabharata.vyasa.6.27.1) — Vyāsa, Sanskrit ## Linked texts (5) - [Critical edition (BORI, Bhīṣmaparvan 23–40)](https://indike.org/pramana/in.darsana.all.gita*crit.5.1) — Sanskrit - [With Śaṅkara's bhāṣya (Sansknet input)](https://indike.org/pramana/in.darsana.vedanta.brahmasutra!sankara!ratnaprabha*withbhasya.1.274.19) — Sanskrit - [Mṛgendra (another edition)](https://indike.org/pramana/in.sampradaya.saiva.agama.siva.kamika.mrgendra*alt.3.50) — Sanskrit - [Laghustutiḥ (vṛttisametā)](https://indike.org/pramana/in.sampradaya.general.devistotra.laghustuti.37) — Sanskrit - [Nyāyasiddhāñjana](https://indike.org/pramana/in.darsana.visistadvaita.vadakalai.nyayasiddhanjana.p280) — Vedāntadeśika, Sanskrit --- Source: [https://indike.org/pramana/in.lit.mahabharata.vyasa*vulgate.6.29](https://indike.org/pramana/in.lit.mahabharata.vyasa*vulgate.6.29) · Pramāṇa