[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Drama (rūpaka)](https://indike.org/pramana/in.lit.plays) › [Allegorical plays](https://indike.org/pramana/in.lit.plays.allegorical) › [Jivananda](https://indike.org/pramana/in.lit.plays.allegorical.jivananda) › 2.40 # Jivananda 2.40 Jīvānanda 2.40 - **Language:** Sanskrit ### [2.40](https://indike.org/pramana/in.lit.plays.allegorical.jivananda.2.40) tasminsarvaviṣayādhiṣṭhāne manasi svādhīne sukara eva kāryaśeṣaḥ| kiṃ ca yāḥ kilādyāstatra tisraḥ prakṛtayastāsu yastīkṣṇopāyaiḥ saṃyamitavṛddhiḥ śleṣmā tasyopacayaṃ kenāpyupāyena vidhāya tenaiva tāvapi kṣobhayituṃ śakyete vijñāno'yaṃ yadyapi svāmibhaktastatrāpyasyāsaṃnidhāne vivikte bhedo rājñastasya taistairupāyaiḥ śakyaḥ kartuṃ jñānaśarmopajāpaiḥ ### [2.40.p1](https://indike.org/pramana/in.lit.plays.allegorical.jivananda.2.40.p1) evaṃ rājamantriṇorvirodhena viśliṣṭe prakṛtimaṇḍale'cirādeva hastagatā mahārājasya yakṣmaṇo jayalakṣmīḥ karṇamūlaḥ—(saharṣam |) sādhu cintitā mantrivaryeṇa rājatantranītiḥ pāṇḍuḥ—bhadra, nādyāpi mahārājanikaṭagato'trāyāti kāsaḥ ### [2.40.p2](https://indike.org/pramana/in.lit.plays.allegorical.jivananda.2.40.p2) praviśya ### [2.40.p3](https://indike.org/pramana/in.lit.plays.allegorical.jivananda.2.40.p3) galagaṇḍaḥ—deva, mahārājapādamūlātkāsaḥ prāptaḥ pāṇḍuḥ—tvaritaṃ praveśaya ### [2.40.p4](https://indike.org/pramana/in.lit.plays.allegorical.jivananda.2.40.p4) tataḥ praviśati galagaṇḍenānugamyamānaḥ kāsaḥ ### [2.40.p5](https://indike.org/pramana/in.lit.plays.allegorical.jivananda.2.40.p5) kāso jānubhyāṃ praṇamya kiṃcidupasarpati ### [2.40.p6](https://indike.org/pramana/in.lit.plays.allegorical.jivananda.2.40.p6) pāṇḍuḥ—bhadra, kīdṛśo mayi rājaniyogaḥ kāsaḥ—(karapihitamukhaḥ | karṇe |) evamevam pāṇḍuḥ—bhadra, tadarthameveyaṃ baddhaparikaratā | tiṣṭha tvamatraiva | rājānamimamudantamanyamukhena prāpayiṣye ### [2.40.p7](https://indike.org/pramana/in.lit.plays.allegorical.jivananda.2.40.p7) nepathye yāmaprahāradhvaniḥ ## Linked texts (2) - [Śrīkaṇṭhacarita](https://indike.org/pramana/in.lit.kavya.mahakavya.saiva.sivavijaya.srikanthacarita.28.40) — Maṅkha, Sanskrit - [Jīvānanda (Ānandarāya Adhvarin)](https://indike.org/pramana/in.lit.plays.allegorical.jivananda-anandaraya-adhvarin.2.40) — Ānandarāya Adhvarin, Sanskrit --- Source: [https://indike.org/pramana/in.lit.plays.allegorical.jivananda.2.40](https://indike.org/pramana/in.lit.plays.allegorical.jivananda.2.40) · Pramāṇa