[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Drama (rūpaka)](https://indike.org/pramana/in.lit.plays) › [Allegorical plays](https://indike.org/pramana/in.lit.plays.allegorical) › [Jivananda](https://indike.org/pramana/in.lit.plays.allegorical.jivananda) › 3.17 # Jivananda 3.17 Jīvānanda 3.17 - **Language:** Sanskrit ### [3.17](https://indike.org/pramana/in.lit.plays.allegorical.jivananda.3.17) nanvidānīmatra nagarālaṃkāradarśino rājñaḥ samāgamaṃ pratīkṣamāṇāḥ paurāstasya paramupacārāya saṃnahyanti | tathā hi sthāpyante gṛhavāsavediṣu ghaṭāḥ saṃveṣṭitāstantubhiḥ pratyagrāmradalaprasādhitamukhā vipraiḥ payaḥpūritāḥ kanyābhirghṛtasiktavartinikarairnīrājanābhājanaiḥ sādhyante samameva lājasumanaścitrāṇi pātrāṇi ca ### [3.17.p1](https://indike.org/pramana/in.lit.plays.allegorical.jivananda.3.17.p1) (vicintya |) kathamasau rājā lipsitaṃ phalaṃ labdhvā samāyāsyati kathamasya sāmbaśivaprasādamantareṇa lipsitaphalalābhaḥ | kathaṃ vā kaṭhorāṇi tapāṃsi vinānena sulabhaḥ śivaprasādaḥ | kathamanena svakālavikasvaraśirīṣadalakomalaśarīreṇa sukarā kaṭhorā tapaścaryā | na caitasya tādṛśatapaścaraṇādṛte'khilapuruṣārthasādhanaṃ bhagavataścandrakalāvaṃtaṃsasya nirantaradhyānaṃ saṃbhāvyate | nalinīdalāntarālataralodabindusamasyandā durnirodhā hi cittavṛttayaḥ | tadidānīṃ madīyamāntaḥkaraṇaṃ durantacintodadhau nimajjya punarunmajjati | athavā kasya kimasaṃbhāvitamanukūlatāmupagate daive| (dakṣiṇabhujaspandamabhinaya |) kathamasthāne mama vicāraḥ| sarvaṃ sughaṭitaṃ bhaviṣyati ### [3.17.p2](https://indike.org/pramana/in.lit.plays.allegorical.jivananda.3.17.p2) nepathye ## Linked texts (2) - [Śrīkaṇṭhacarita](https://indike.org/pramana/in.lit.kavya.mahakavya.saiva.sivavijaya.srikanthacarita.29.17) — Maṅkha, Sanskrit - [Jīvānanda (Ānandarāya Adhvarin)](https://indike.org/pramana/in.lit.plays.allegorical.jivananda-anandaraya-adhvarin.3.17) — Ānandarāya Adhvarin, Sanskrit --- Source: [https://indike.org/pramana/in.lit.plays.allegorical.jivananda.3.17](https://indike.org/pramana/in.lit.plays.allegorical.jivananda.3.17) · Pramāṇa