[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Drama (rūpaka)](https://indike.org/pramana/in.lit.plays) › [Allegorical plays](https://indike.org/pramana/in.lit.plays.allegorical) › [Jivananda](https://indike.org/pramana/in.lit.plays.allegorical.jivananda) › 3.20 # Jivananda 3.20 Jīvānanda 3.20 - **Language:** Sanskrit ### [3.20](https://indike.org/pramana/in.lit.plays.allegorical.jivananda.3.20) mantrī—(śrutvā |) etenāpi vacasā nirogīkaraṇasamarthānrasānprayoktuṃ rājñastasya ca yakṣmahatakasya vinaśituṃ prāptaḥ kālo'yamiti ca sūcyate | (sabahumānam |) sādhu re vaitālika, sādhu | yadadhunā gūḍhābhiprāyeṇa bhavatā bodhitavyaṃ bodhitam | tadeva vṛttaṃ saprakāramavagamayituṃ rājānaṃ pratyudgamanena bahumantuṃ ca tatraiva gacchāmi | (ityutthāya ākāśe |) are yakṣmahataka, bhavadīyamataḥparaṃ paśyāmi śauṇḍīryam| (puro vilokya |) kathamāgata eva devaḥ | yato devī puromārgapradarśinī puro dṛśyate | yaiṣā dhammile ghanasaṃnibhe sitataḍidvallyeva malīsrajā vakrendau rucireṇa nābhitilakavyājātkalaṅkena ca hāreṇa stanakokayorapi bisasvacchena cāyāminā pādāmbhoruhayośca haṃsakayugenārāviṇā rājate - [Previous: 3.19](https://indike.org/pramana/in.lit.plays.allegorical.jivananda.3.19) - [Next: 3.21](https://indike.org/pramana/in.lit.plays.allegorical.jivananda.3.21) - [Up: 3](https://indike.org/pramana/in.lit.plays.allegorical.jivananda.3) ## Linked texts (2) - [Śrīkaṇṭhacarita](https://indike.org/pramana/in.lit.kavya.mahakavya.saiva.sivavijaya.srikanthacarita.29.20) — Maṅkha, Sanskrit - [Jīvānanda (Ānandarāya Adhvarin)](https://indike.org/pramana/in.lit.plays.allegorical.jivananda-anandaraya-adhvarin.3.20) — Ānandarāya Adhvarin, Sanskrit --- Source: [https://indike.org/pramana/in.lit.plays.allegorical.jivananda.3.20](https://indike.org/pramana/in.lit.plays.allegorical.jivananda.3.20) · Pramāṇa