[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Drama (rūpaka)](https://indike.org/pramana/in.lit.plays) › [Allegorical plays](https://indike.org/pramana/in.lit.plays.allegorical) › [Jivananda](https://indike.org/pramana/in.lit.plays.allegorical.jivananda) › 3.3 # Jivananda 3.3 Jīvānanda 3.3 - **Language:** Sanskrit ### [3.3](https://indike.org/pramana/in.lit.plays.allegorical.jivananda.3.3) kiṃkaraḥ—aye, yuktamidam | iha tu yāmādūrdhvaṃ rudhyate nagarasaṃcāraḥ puruṣaḥ—yadīdānīṃ yāmādūrdhvaṃ kālastarhi na saṃcarāmi svapsyāmi kiṃkaraḥ—kutra nidrāsthānam puruṣaḥ—dharmaśālāyām nāgarikaḥ—kimidaṃ rājamandiraṃ tava dharmaśālā | atra hi noṃkāraḥ plavate na gītiraṭati svāheti na śrūyate na nyāyavyavahāratāravacasaḥ saṃghībhavanti dvijāḥ nātyuccaiḥ pṛṣadājyahoma surabhirdhūmyā jarīzambhate bhaktāḥ pañcajanāḥ svapanti parito na strī kumāro na ca ### [3.3.p1](https://indike.org/pramana/in.lit.plays.allegorical.jivananda.3.3.p1) puruṣaḥ—astvidaṃ rājamandiraṃ tathāpi supraveśamasmādṛśāmiti śrutamasti nāgarikaḥ—supraveśamiti kasmāttvayā śrutam puruṣaḥ—āryamiśrebhya eva nāgarikaḥ—hanta, kimasmābhiridaṃ kathitam puruṣaḥ—nahi nahi | anyajanaiḥ nāgarikaḥ—kaiste kathitam | yadidaṃ paricitajanasyāpi rājaśāsanamantareṇa duṣpraveśam, kiṃ punaraparicitasya te kiṃkaraḥ—visaṃsthulaivāsya vacanavyaktiḥ gṛhīta iva corastaralatārakavilocanaḥ paśyannayaṃ vaktuṃ na śaktaḥ pratyuttaraṃ tataścara iva lakṣyate nāgarikaḥ—tarhi śikṣayatu bhavānimam kiṃkaraḥ—are, kathaya tathyam | mṛṣāvādinastava vaidikatā rājaśāsanasya na pratirodhinī | (iti kaśāmudyacchati |) puruṣaḥ—mā tāḍaya | tathyaṃ vadāmi nāgarikaḥ—yadi tathyaṃ vadasi tadā vijñānamantriṇaṃ darśayitvā saṃbhāvayiṣyāmi kiṃkaraḥ—pratīhāryā dhāraṇayā saha prāsādamadhirūḍho mantrī tatsannidhau tvamapi neṣyase puruṣaḥ—(svagatam |) tathā cenmama durlabhameva jīvitam | (prakāśaṃ bhītimabhitīya |) abhayaṃ me dīyatāṃ yadi tathyameva śrotavyam ### [3.3.p2](https://indike.org/pramana/in.lit.plays.allegorical.jivananda.3.3.p2) iti praṇamati ### [3.3.p3](https://indike.org/pramana/in.lit.plays.allegorical.jivananda.3.3.p3) nāgarikaḥ—dattābhayo'si | kathayātmānam puruṣaḥ—(utthāya, prāñjaliḥ |) hṛdrogo'smi | visṛja māṃ dayayā nāgarikaḥ—cāra evāyaṃ vaidikaveṣamavalambyāgato dattābhayaśca kiṃkaraḥ—tarhi kiṃ kartavyam nāgarikaḥ—'sarvamidaṃ rājakāryaṃ tvayā kasmaicidapi na kathanīyam' iti śapathaṃ gṛhītvā purādbahirvisṛjyatām | athavā kimanena varākeṇa kathanīyam | dattābhayo'yamiti mantriṇe nivedya kathaṃcinmocayitavyaḥ kiṃkaraḥ—tathā karomi | (iti niṣkrāntaḥ |) ### [3.3.p4](https://indike.org/pramana/in.lit.plays.allegorical.jivananda.3.3.p4) nepathye kukkuṭadhvaniḥ ### [3.3.p5](https://indike.org/pramana/in.lit.plays.allegorical.jivananda.3.3.p5) nāgarikaḥ—(ākarṇya |) kathaṃ rajanīvirāmaḥ ### [3.3.p6](https://indike.org/pramana/in.lit.plays.allegorical.jivananda.3.3.p6) punarnepathye ## Linked texts (2) - [Śrīkaṇṭhacarita](https://indike.org/pramana/in.lit.kavya.mahakavya.saiva.sivavijaya.srikanthacarita.29.3) — Maṅkha, Sanskrit - [Jīvānanda (Ānandarāya Adhvarin)](https://indike.org/pramana/in.lit.plays.allegorical.jivananda-anandaraya-adhvarin.3.3) — Ānandarāya Adhvarin, Sanskrit --- Source: [https://indike.org/pramana/in.lit.plays.allegorical.jivananda.3.3](https://indike.org/pramana/in.lit.plays.allegorical.jivananda.3.3) · Pramāṇa