[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Drama (rūpaka)](https://indike.org/pramana/in.lit.plays) › [Allegorical plays](https://indike.org/pramana/in.lit.plays.allegorical) › [Jivananda](https://indike.org/pramana/in.lit.plays.allegorical.jivananda) › 4.2 # Jivananda 4.2 Jīvānanda 4.2 - **Language:** Sanskrit ### [4.2](https://indike.org/pramana/in.lit.plays.allegorical.jivananda.4.2) rājā—(karṇaṃ dattvā |) kāryaparyālocanayātikrānto'pyarthadivaso na jñātaḥ | yata idānīm prāsādodarapuñjitapratiravaprāgbhāradīrghīkṛtaṃ sadyaḥ pañjaragarbha eva cakitānuddhrāmayantaṃ śukān phaṇitasaṃkalitayavadhānāsamullasitaviśālāmnaiḥ dugdhadadhiśarkarāsalilabhāvitavividhapṛthukarāśisaṃpūrṇāvaśaṅkaṭacaṣakaviśeṣaiḥ makṣikāmukulapuñjadhavalaśālitaṇḍulānna samuccayavirājitatāmramayabhāṇḍagaṇāmyantarasthāpitasuvarṇasavarṇasūpanidhānapiṭharaiḥ kṛttaparipakvavṛntākakāravellapaṭolakośātakīniṣpāvarājamāṣakadlīpa nasakūṣmāṇḍapramukhaśalāṭukhaṇḍamayaśākaṣaṇḍamaṇḍitabahuvidhabhājanaviśeṣaiśca pariśobhamānasaya mahānasasya visramaro gandhaḥ | ghumaghumāyate me nāsābilam silasilāyate tālurasanāmūle sunirgatvaraṃ lālājalam | prajvalatīva hanūmadvālāgralagnāgniśikhāgṛhītagṛhaparamparaṃ laṅkāpuramiva bubhukṣāturaṃ me udaram | iha khalu mahānasadvāradeśe'vanatapūrvakāyo vilokyate cullīpāvakaprajvalanārthaphūtkārapavanavikīrṇabhasitaleśapuñjadhūsaramukho niṭiladṛśyamānaviralasveddāmbukaṇikaḥ karāṅgulimayahiṅguparimalasaṃtarpitasamīpagatajanaghrāṇendriyaḥ īṣatsaṃkramiteṅgālalāñchitaparidhānapaṭo dakṣiṇakaragṛhītadarvīśikharatanūtaradṛśyamānaviloḷitaśākapākabāṣpaḥ anyakaralambitendhanaśakalo bhadramukho nāma paurogavaḥ tadenameva pṛcchāmi | aye bhadramukha, tvayā pakeṣu bhakṣyaviśeṣeṣu kimapi kimapi mama haste dātavyaṃ yadbhakṣayitvā idaṃ suṣṭhu idaṃ neti vicārya kathayāmi yatsuṣṭhu tatpariveṣya rājño hastāt pāritoṣikaṃ gṛhṇātu bhavān | kathameṣa dāsyāḥputraḥ | 'yadi tava bubhukṣā tadā rājñaḥ samīpaṃ gatvā bhojanaṃ dātavyamiti pṛccha | ahamudaraṃbharestava kimapi na dāsyāmi' iti bhaṇitvā mahānasābhyantaraṃ gataḥ | bhavatu rājasamīpaṃ gamiṣyāmi | kathamatra rājasamīpe vijane alagardena gṛhītvā bilaṃ pra veśito maṇḍūka iva kimapyanakṣaraṃ pralapannamātyo vaidhaveyaḥ tiṣṭhati | tatsamayaṃ pratipālayiṣyāmi kāryavyāpriyamāṇamānavamukhaṃ karṣantamātmonmukhaṃ madhyāhnāgamasūcanāya paṭaho dhatte dhvaniṃ tāḍitaḥ - [Previous: 4.1.p2](https://indike.org/pramana/in.lit.plays.allegorical.jivananda.4.1.p2) - [Next: 4.3](https://indike.org/pramana/in.lit.plays.allegorical.jivananda.4.3) - [Up: 4](https://indike.org/pramana/in.lit.plays.allegorical.jivananda.4) ## Linked texts (3) - [Śrīkaṇṭhacarita](https://indike.org/pramana/in.lit.kavya.mahakavya.saiva.srikanthacarita.30.2) — Maṅkha, Sanskrit - [Jīvānanda (Ānandarāya Adhvarin)](https://indike.org/pramana/in.lit.plays.allegorical.jivananda-anandaraya-adhvarin.4.2) — Ānandarāya Adhvarin, Sanskrit - [Jīvānandanāṭaka (Ānandarāmamakhin)](https://indike.org/pramana/in.lit.plays.allegorical.jivanandanataka.4.2) — Ānandarāmamakhin, Sanskrit --- Source: [https://indike.org/pramana/in.lit.plays.allegorical.jivananda.4.2](https://indike.org/pramana/in.lit.plays.allegorical.jivananda.4.2) · Pramāṇa