[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Drama (rūpaka)](https://indike.org/pramana/in.lit.plays) › [Allegorical plays](https://indike.org/pramana/in.lit.plays.allegorical) › [Jivananda](https://indike.org/pramana/in.lit.plays.allegorical.jivananda) › 6.64 # Jivananda 6.64 Jīvānanda 6.64 - **Language:** Sanskrit ### [6.64](https://indike.org/pramana/in.lit.plays.allegorical.jivananda.6.64) vidūṣakaḥ—(anyato vilokya sabhayakampam |) vaassa, ahaṃ dāṇiṃ ṇa jīvissaṃ, jado kkhu karagahidakhaggakheḍaasarakammuaparighasūlagadā paccatthirāaseṇā abhivaḍḍai sāaro via | (kha) mantrī—(vilokya |) ete vraṇarājaputrā aṣṭavidhā bhagaṃdarāḥ | ete ca ṣaḍvidhā mūlādhiṣṭhānamabhivyāpnuvanti | ete ca kaphasaṃbhavā daśa mehāḥ pittasaṃbhavaiḥ ṣaḍbhirvātasaṃbhavaiścaturbhiṃśca saha viṃśatisaṃkhyākā yakṣmarājaputrāḥ | aparatra ca trayodaśa mūtrāghātāḥ prasajjante | etānyapi ca vātapittakaphasaṃnipātabhuktaviddhātavaśmarīkṛcchrāṇītyaṣṭau kṛcchrāṇi catasṛbhiraśmarībhiḥ saha sajībhavanti | eṣa gulmo'pi śūlamavalambya vijṛmbhate tathāṣṭavidhaśūlāśca nirundhanti kālaḥ—karman, samartho'yaṃ mantrī rogaviśeṣaparijñāne mantrī—tathānye'pyatra bahavaḥ prabhavanti | ye kila mandāgnyutthodarasthāmayasuhṛda udāvartabhedā aśītirvātotthāḥ pittajā viṃśatiyugagaṇitā viṃśatiḥ śleṣmajāśca catvāro'kṣṇorvasanto navatirapi catuḥsaptatirvaktraniṣṭhā mūrdhasthāḥ paṅktisaṃkhyāḥ krimigadanivaho'pyasti naike ca śophāḥ - [Previous: 6.63](https://indike.org/pramana/in.lit.plays.allegorical.jivananda.6.63) - [Next: 6.65](https://indike.org/pramana/in.lit.plays.allegorical.jivananda.6.65) - [Up: 6](https://indike.org/pramana/in.lit.plays.allegorical.jivananda.6) ## Linked texts (2) - [Śrīkaṇṭhacarita](https://indike.org/pramana/in.lit.kavya.mahakavya.saiva.sivavijaya.srikanthacarita.32.65) — Maṅkha, Sanskrit - [Jīvānanda (Ānandarāya Adhvarin)](https://indike.org/pramana/in.lit.plays.allegorical.jivananda-anandaraya-adhvarin.6.65) — Ānandarāya Adhvarin, Sanskrit --- Source: [https://indike.org/pramana/in.lit.plays.allegorical.jivananda.6.64](https://indike.org/pramana/in.lit.plays.allegorical.jivananda.6.64) · Pramāṇa