Jivanandanataka (Anandaramamakhin) 5

Jīvānandanāṭaka (Ānandarāmamakhin) 5

Language: Sanskrit

5.3 — 1 part
5.4 — 2 parts
5.6 — 4 parts
5.7 — 1 part
5.9 — 1 part
5.14 — 2 parts
5.22 — 2 parts
5.29 — 4 parts
5.27 — 1 part
5.40 — 2 parts
5.42 — 4 parts

5.1

matsaraḥ—(vicintya |)
jīve sādhayituṃ rasaṃ paśupaterdhyānasya siddhau sthite
tadvighnācaraṇāya ṣaṭ praṇihitāḥ kāmādayaḥ pāṇḍunā
te gatvāpi vayaṃ parairabhibhavaṃ prāptā yathā pūrvajāḥ
pañcāpi vyagalannahaṃ ca cakitaḥ ṣaṣṭhaḥ palāyyāgataḥ

5.2

itaḥparaṃ kiṃ karomi mandabhāgyaḥ
kiṃ pāṇḍornikaṭaṃ vrajāmi dhṛtimānevaṃ kṛte bhrātṛbhistasyāgre kathamastakāryanikaraḥ saṃdarśayiṣye mukham
rājānaṃ yadi vānuvartitumaye kiṃ rājatantre'munā
pṛṣṭe cottarayāmi hanta śaraṇaṃ kaṃ vā kariṣye'dhunā

5.3

tatsarvathā nāsti daivānukūlyam | (vicintya |) bhavatu | vanameva gatvā tapaścaraṇenātmānaṃ kṛtārthayāmi | yataḥ
aśrāntapravahattuṣārataṭinīśītālaśātodarīsaṃvāyāsagṛhītaśoṣitasamitsaṃvardhitāgnitrayāḥ
prāleyācalakānanojagatā viprāstṛtīyāśrame
sthitvāpuḥ kati vāñchitāni tapasāmāścaryayā caryayā

5.3.p1

puro vilokya

5.4

samantādāloke saviturupagacchatyupaśamaṃ
gurordiṣṭyā labdhe mahata iva sevāparicaye
tamaḥ sarvāmurvī sthagayati khalānābhiva matiṃ
tadasyāmatyarthaṃ na bhavati vivekaḥ sadasatoḥ

5.4.p1

5.4.p2

tataḥ praviśati kiṃqareṇānugamyamānaḥ kuṣṭhaḥ

5.5

kuṣṭhaḥ—(sadṛṣṭikṣepam |) kimidaṃ dṛśyate paśya
kiṃkaraḥ—(sāndre tamasi nyañcitapūrvakāyaḥ paśyan |)
paśyāmi na karacaraṇaṃ na cātra paśyāmi calanamapi kiṃcit
vaiśiṣṭyamūrdhvatāyāḥ paśyāmi sthāṇurayamato bhavati

5.6

kuṣṭhaḥ—bhadra, vadanti khalvevaṃ nītiśāstravidaḥ
ākrānte ripubhiḥ pure'nnasalilādīnāmabhāvādvahirnānyānetumaśaṅkakalpitapadaṃnyāmāptamabhyāgatāḥ
saṃprāpte sati saṃnidhiṃ parijane drāgvibhrataḥ sthāṇutāṃ
līnatvaṃ dadhato'thavādhisaraṇi svaṃ sādhayantīpsitam

5.6.p1

ataḥ samyaṅnirūpaya

5.6.p2

kiṃkaro gatvā matsaraṃ haste gṛhṇāti

5.6.p3

5.6.p4

harṣamabhanīya

5.7

mokṣyāmyathavā śokāddehaviyogena bhāvinā daivāt

5.7.p1

kiṃkaro balānmatsaramākṛṣya kuṣṭhanikaṭaṃ gamayati

5.8

kuṣṭhaḥ—bhadra, dīpikāsamīpamānaya ka eṣa iti paśyāmi | sādhāraṇaścenmokṣyāma enam
kiṃkaraḥ—ārya, jñātacara iva dṛśyate | (iti dīpikāsamīpamānayati |)
kuṣṭhaḥ—(nirūpya |) aho rūpamidaṃ matsarasyeva lakṣyate, veṣastu kāpālikasya | tathāhi
bhasmānulepadhavalīkṛtasarvagātraḥ
śvetāṃ vahañchirasi nārakapālamālām
ekena śūlamitareṇa dadhatkapālaṃ
hastena tiṣṭhati puro mṛgacarmavāsāḥ

5.9

bhavatu | enaṃ saṃbodhayāmi | sakhe, kīdṛśīyamavasthā te saṃprāptā
matsaraḥ — (ātmagatam |) hanta, jñāto'smyanena mandabhāgyaḥ | jñāta
syādhunā mamātmāpalāpo'nucitaḥ | (prakāśam |) tasyaiveyaṃ daśā daivahatakasya
kuṣṭaḥ — (kiṃkaraṃ prati |) bhadra, sakhāyaṃ me matsaraḥ | tanmuñcainam | (kiṃka
stathā karoti |)
kuṣṭaḥ — sakhe matsara, kathaṃ gṛhītā bhavatā kāpālikatā piśācikā
matsaraḥ — sakhe, satyamāha bhavān kāpālikatāpiśācīti | yā kha
māmākṛṣya maraṇamukhādduravasthāmimāṃ prāpitavatī
kuṣṭaḥ —
mukhaṃ maraṇamapyevaṃvidhaṃ tava bhaviṣyati
saṃgatiḥ svajanenāpi kathaṃ taddurddaśā param

5.9.p1

matsarastūṣṇīmadhomukhastiṣṭhati

5.10

kuṣṭaḥ — sakhe,
na vadasi kimuttaraṃ me kathaya kathayituṃ kṣamaṃ yadi tavedam
śrutvā vicārayiṣye trapayā cālaṃ bhiyā cālam

5.11

matsaraḥ — sakhe, mama kimuparodhena | kimanyadvanagamanādṛte kartavyam
kuṣṭaḥ —
kāpālikatādya kutaḥ kutastarāṃ te vane gamanam
matsaraḥ —
sakhyurūparodhe'rikte sarvaṃ saṃbhāvyate'bhimānajuṣām

5.12

kuṣṭaḥ — kiṃ śatrupupajāpārthaṃ pravṛttāḥ sakhāyaste niruddhāḥ
matsaraḥ — atha kim
kuṣṭaḥ — kathaya kīdṛśo vṛttāntaḥ
matsaraḥ — (svagatam |)
kathayāmi kiṃ rahasyaṃ paryālocitamamātyavaryeṇa
upajāpasya kathaṃ vā jātāmākāśacitratāmariṣu

5.13

athavā tapasitumicchanmatsyuḥ kuṣṭasya gopayāmi yadi
taddrohasya na kiṃ syādāsthānāya svahastadānamidam

5.14

ataḥ sarvamasmai nivedayāmi | yadayamapi tasya pāṇḍorviśvāsasthānameveti
(prakāśam |) sakhe, tavāpyakathanīyaṃ nāma kimasti śrūyatām
vijñānaprahitena rājahatakenāsmannisargādviṣo
yāvatsādhayituṃ rasaṃ kathamapi dhyānasya siddhyā kramāt
svacchandena ca puṇḍarīkanagarīṃ gatvā manodvārataḥ
sāmbasyaiva maheśvarasya dṛḍhayā bhaktyā prasādātsthitam

5.14.p1

tadidamākarṇya mantriṇā pāṇḍunā etasya vighnācaraṇaṃ manasaḥ pāratantryaṃ vinā
nopapadyata iti tadarthaṃ kāmādayaḥ paḍḍaiva prabhavantīti ta eva vayaṃ preṣitāḥ
asmābhiśca tatra sakhisnehavaśādaṅgīkṛtaṃ manasaḥ pāratantryakaraṇam
kuṣṭhaḥ—tatastataḥ
matsaraḥ—tataśca teṣvahameko mandabhāgya imāṃ duravasthāmanubhavāmi
kuṣṭhaḥ—atha kāmasya kāvasthā
matsaraḥ—sakhe, kiṃ kathayāmi mantrihatakasya durbuddhivilasitam
śrutvā pittakaphātmapaṅkayugalaspaṣṭopajāpaṃ tathā
hṛdrogasya vimocanaṃ ca sacivaḥ svātkiṃkarādvismitaḥ

5.14.p2

ākāśe lakṣyaṃ baddhvā

5.15

pāṇḍo sādhu bhavānyadaiva parameśārādhane sādhanaṃ
cetaḥsthairyavadudyatastadariṇā tadbhattumityabravīt

5.16

itaḥparamapi sa buddhimānpāṇḍurmama rasauṣadhasenāsaṃdhānavyāpṛtāṃ tāṃ rājña
ekākitāṃ manasaścañcalatāṃ nirūpya prabalāṃstadbhedinaḥ kāmādīnpreṣayiṣyatīti
matvā kiṃkaramukhenaiva svanāgarikāya vicārāya nagaraparyaṭanamapahāya tatraiva
kāmādibhedane sāvadhānena stheyamiti vijñānamantriṇā samādiṣṭam
kuṣṭhaḥ—tato vicāreṇa kiṃ kṛtam
matsaraḥ—tena ca tatsadṛśabuddhinā kāmaḥ kāmapi yogakalāmutpādyopajāpena dhyānaviṣayatāmāpāditaḥ
kuṣṭhaḥ—hā kāmasyāpi pariṇatiḥ | atha krodhasya ko vṛttāntaḥ
matsaraḥkamapi pradarśya doṣaṃ vicārahatakena so'pi ca krodhaḥ
asmāsveva pratyuta jhaṭiti parāvṛttimeva nīto'bhūt

5.17

kuṣṭhaḥ-hā krodha, tvamapi sakhīnevābhidrogdhuṃ pravṛttaḥ | atha lobhaḥ katham
matsaraḥ-yādṛśaḥ kāmaḥ
kuṣṭhaḥsādhu lobha sakhe sādhu samyagvyavasitaṃ tvayā
yādṛśīṃ prāpito'vasthāṃ kāmastvamapi tādṛśīm

5.18

atha dambhaḥ kva
matsaraḥupajapto'pi bahudhā tairasmākaṃ sa kevalam
sauhārdamuparundhānaḥ śastravātahato'jani

5.19

kuṣṭhaḥ-dhanyo'si dambha, dhanyo'si | yataḥ sakh‍yuranṛṇatāṃ gato'si
atha kathaya kimavyavasitaṃ madena
matsaraḥ-madastva nigṛhya kārāgāre sthāpitaḥ
kuṣṭhaḥ-tataḥ
matsaraḥ-nirgate ca puṇḍarīkanagarādrājani narmakarmaṇ‍yenamupayokṣyāmaha iti
kuṣṭhaḥ-matsara, evaṃsthite śatrumaṃḍalādeka eva tvaṃ kathaṃ nirgato'si
matsaraḥ-śṛṇu tāvat | nahi mama svecchayā tato nirgamo jātaḥ
yato rasasiddhyanantaraṃ saṃnaddhe ca sainye imameva matsaramatratyavṛttāntahāriṇaṃ
kariṣyāma iti nigṛhya sthāpito'smi
kuṣṭhaḥ-tarhi sakhe, tavāgamanamidānīṃ tatra rasasiddhiṃ senāsaṃnāhaṃ ca
śūcayati
matsaraḥ-evametat | samanantarameva
rājñaḥ saṃnidhimṛccha bhadra kathaya tvaṃ pāṇḍumāviṣkuru
svāmiprītimupehi mantrakalanākauśalamapyakṣatam
mā glāsīriti māstu bhītiriti māmuktvā camūnāyakānnāmagrāhamapi pradarśya nagarātniḥsārito'haṃ śanaiḥ

5.20

kuṣṭhaḥ—
prajñonmadaḥ sa sacivastadanartho bhaviṣyati
gatvā nivedyatāṃ rājñe mantriṇe'haṃ nivedaye

5.21

matsaraḥ—
tapsyamānastapaḥ sakhyuravikīryamidaṃ tava
kuṣṭhaḥ—
phaliṣyati tapaḥ kiṃ te na cetsakhyamajīgaṇaḥ

5.22

glānirmanasastapase pravartayati śaktimantamapi puruṣam
aglānistasya yadi kramāhatasyāpi sādhayati kāryam

5.22.p1

tasmādaglānireva kriyatām
matsaraḥ—kā gatiḥ | (iti kuṣṭhena kiṃkareṇa ca saha niṣkrāntaḥ |)
śuddhaviṣkambhakaḥ

5.22.p2

tataḥ praviśati pāṇḍuḥ kuṣṭhaśca

5.23

pāṇḍuḥ—(sāmarṣam |)
agrāhyamalpamatibhiḥ sacivasya tasya
vaiyātyamūrjitamaho kimiti bravīmi
yaḥ preṣayankimapi tādṛśavācikaṃ drāgunmastakaṃ nijamasūcayadūṣmalatvam

5.24

jīvasamādhibhaṅgāya preṣiteṣu kāmādiṣvapi tathābhūteṣu bhaktimūlā khalvetasyābhimatasiddhiriti tadvighātāya preṣito vyākṣepo nāma gūḍhacāraḥ | sa gato'pi tatsakhyā śraddhayāpahato vyarthayatno'bhūt | kimataḥ pratividhātavyam
kuṣṭhaḥ—mama tvevaṃ pratibhāti
mantriṇāmūṣmalatvaṃ hi paśyadbhiḥ pratimantribhiḥ
śauryeṇa pratikartavyaṃ tathā ceducitaṃ bhavet

5.29

pāṇḍuḥ—maivaṃ vādīḥ | parasya mantraśaktiḥ svasya mantraśaktyaiva pratihantavyā | yathā khalu śāstravida ācakṣate | yo yādṛśena sādhanena praharati sa
tādṛśasādhanenaiva pratihantavya iti | ato mantrakṛtaṃ saṃvidhānamupāyāntarābhāve
śauryeṇa pratikriyatāmityantimamidamopayikam | ahamidānīṃ taducitaṃ pratīkāramālocayāmi
kuṣṭhaḥ—ālocayatu bhavān
ākarṇayiṣyati yadā vṛttāntamidaṃ sa matsaramukhena
dīpitaroṣo hṛdaye devo'pi samāgamiṣyati tadaiva

5.29.p1

tasya purastādasmadāyattamupāyaṃ saphalīkariṣyāmaḥ
pāṇḍuḥ—astvevam | bhavānavahitastiṣṭhatu
kuṣṭhaḥ—tathā | (iti niṣkrāntaḥ |)
pāṇḍuḥ—kaḥ ko'tra bhoḥ

5.29.p2

praviśya

5.29.p3

galagaṇḍaḥ—ājñāpaya karaṇīyam
pāṇḍuḥ—bhadra, apapathyatāṃ praveśaya
galagaṇḍaḥ—(niṣkramya punastayā saha praviśya |) ārya, kaṭakasīmni devaḥ
prāpta iti vallabhapālo vijñāpayati
pāṇḍuḥ—(apapathyatāṃ prati | apavārya |) aye, tvaṃ kasminmahati rājakārye
niyojayitavyāsi
apapathyatā—avahidamhi | (ka)
pāṇḍuḥ—jīvaṃ praviśya tamapathyeṣvāhāravihārādiṣu niyojaya
apapathyatā—taha | (iti niṣkrāntā |)
pāṇḍuḥ—(puro'valokya |) aye, devaḥ prāptaḥ | galagaṇḍa, gacchāgrataḥ

5.29.p4

tataḥ praviśati rājayakṣmā matsaraśca

5.26

pāṇḍuḥ—(praṇamya |) rājan, kathametat
tanvanpunaḥ punarapi bhrukuṭiṃ lalāṭe
niḥsīmaniḥśvasitamucchalitādharoṣṭham
devasya śaṃsati mukhāmbujamantaraṅge
rūḍhāṃ ruṣā ripujane sahasaiva cintām

5.27

rājā—pāṇḍo, vijane prāsāde samupaviśya sarvaṃ bodhayiṣyāmi
pāṇḍuḥ—galagaṇḍa, prāsādamārgamādeśaya
galagaṇḍaḥ—ita ito devaḥ
pāṇḍuḥ—(vilokya |) rājan, āruhyatāmayam
śrīkaṇṭhakṣitidharaśṛṅgabhaṅgadāyī prāsādaḥ śikharavirājihemakumbhaḥ
sopānaiḥ sphaṭikamayaiḥ sukhena gamyo ramyo'yaṃ bhavati kalasvanaiḥ kapotaiḥ

5.27.p1

sarve prāsādārohaṇaṃ nāṭayitvopaviśanti

5.28

rājā—pāṇḍo, kiṃ na tvayā śruto matsarātparavṛttāntaḥ
pāṇḍuḥ—śrutaṃ kuṣṭhamukhātpuravṛttaṃ taṃ viśeṣataḥ śrotumicchāmi
rājā—pāṇḍo, śrūyatāṃ matsaramukhāt | tataḥ samucitaṃ pratīkāraṃ vidhāsyasi | matsara, kathaya
matsaraḥ—
saṃnaddhaiḥ purarakṣaṇe parigataṃ prāṇādibhiḥ pañcabhistattaddeśagataiśca yatnanicayaistadduṣpraveśaṃ puram
randhrānveṣitayā kathaṃ kathamapi prāptāḥ sma devājñayā
yatrāntarmukhatāmupetya niyataṃ jīvastapo'tapyata

5.29-2

rājā—ke te prāṇādayaḥ katividhāḥ kutra gatāḥ kiṃnāmadheyāśca
kāni ca tāni yatnāni kīdṛśānīti saprakāramāvedaya
matsaraḥ—
hṛdayasatatāvāsaḥ prāṇo mahābalavikramaḥ
sakalamapi tadyasyāyattaṃ puraṃ saparicchadam
kalitanilayo'pāno mūlasthale hitakṛdvibhorvasati ca samānākhyo gulphe balī ghanaśūlabhṛt

5.30

kiṃ ca
kaṇṭhopakaṇṭhe nivasanmudānaḥ karotyakuṇṭhāṃ kila rājabhaktim
vyānastu sarvatracaraḥ pure'sminkaroti jīve sakalānubhūtim

5.31

śalyāni yāni kila dehabhṛtāṃ śarīraṃ
nānāṅgakeṣu mahatīṃ prathayanti bādhām
teṣāṃ samuddharaṇakarmaṇi sādhanāni
yantrāṇi kānicana saṃghaṭitāni tatra

5.32

yāni kila
arśobhagaṃdaragukhasya rujāṃ gaṇasya
kṣārāgniśastrapariyojanamaṅgarakṣām
vastyādikarmaghaṭakādi ca kāryajātaṃ
kurvantyapāyarahitāni ca tatra tatra

5.33

api ca
yadvyakṣasahasrarūkṣavadanaṃ tatsiṃhavakrābhidhaṃ
yaccarkṣasya mukhābhabhīṣaṇamukhaṃ bhallūkavakraṃ hi tat
tatkaṅkānananāmakaṃ pratibhayaṃ yatkaṅkatulyānanaṃ
yantraṃ kākamukhaṃ tadeva yadapi dhvāṅkṣātidīkṣṇānanam

5.34

vistīrṇāni navadvayāṅgulaparīṇāhāni kaṇṭhe paraṃ
saṃbaddhāni ca kīlakaiḥ sughaṭitairmūle'ṅkuśābhāni ca
paryanteṣu punarmasūrasadṛśākārāṇi tiṣṭhantyaho
tatra svastikanāmakāni katicidyantrāṇi ghorāṇi ca

5.35

tānyeva sudṛḍhānyasthilagnaśalyāpakarṣaṇam
kurvanti svastikākhyāni yantrāṇi hi śarīriṇām

5.36

api ca
ekānyekamukhānyapi nāḍīyantrāṇi sūkṣmasuṣirāṇi
sroto gataśalyānāṃ darśanacūṣaṇavidhau samarthāni

5.37

evamādibhirbahuvidhairyantranivahairnyairapi pariguptatayā durgamamapi puraṃ kathaṃcana
praviśya manasaḥ pāratantryakaraṇāya vayaṃ yāvaditastataḥ saṃcarituṃ pravṛttāstāvadevāsya vijñānavidheyena vicāranāmnā nāgarikahatakena parijñātāḥ
pāṇḍuḥ — tatastataḥ
matsaraḥ—tataḥ kāmādiṣu tatra tādṛśīṃ duravasthāṃ prapanneṣvahameka eva hatabhāgyatayā vairīvaśaṃ gatastatkṛtamavamānajātamaśaraṇatayā sahamānastadīyabhaṭairitastato vikṛṣyamāṇastaduditavācikamapi niśamayam̐ścāravadhavimukhaistaireva kṛpayā vimuktaḥ prajvaladavamānāgnisaṃtapyamānaḥ svajanamukhāvalokane kṛtalajjatayā kvacana vijanakānanasīmani kaṭhoratapaścaryayā vinipātitatanurbharturānṛṇyaṃ bhajeyamiti purānniḥsarannantarā satkiṃkareṇa kuṣṭhena devapādamūlaṃ prāpita ityetadavasānaṃ pravṛtteḥ śrutvā devaḥ pramāṇam
rājā—kumāra, śrutaṃ khalu niravaśeṣamasya mukhāt | kimatra pratividheyam
pāṇḍuḥ—(vicintya |) deva, kimanyat
santu yantrāṇyanekāni santu vā sainikāḥ pare
tvatkopāgnau pataṅgatvaṃ bhajeranniti me matiḥ

Linked texts (3)

Śrīkaṇṭhacarita — Maṅkha, Sanskrit
Jīvānanda — Ānanda, Sanskrit
Jīvānanda (Ānandarāya Adhvarin) — Ānandarāya Adhvarin, Sanskrit

Jivanandanataka (Anandaramamakhin) 5

Contents

Linked texts (3)