<!-- Pramāṇa, a library of Indian primary sources · https://indike.org/pramana/in.lit.plays.sattaka.karpuramanjari.3.7 -->

[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Drama (rūpaka)](https://indike.org/pramana/in.lit.plays) › [Prakrit plays](https://indike.org/pramana/in.lit.plays.sattaka) › [Karpuramanjari](https://indike.org/pramana/in.lit.plays.sattaka.karpuramanjari) › 3.7

# Karpuramanjari 3.7

Karpūramañjarī 3.7

- **Language:** Śaurasenī Prakrit

### [3.7](https://indike.org/pramana/in.lit.plays.sattaka.karpuramanjari.3.7)

vidūṣakaḥ—ai viakkhaṇe ! saccaṃ saccaṃ edaṃ ?  
vicakṣaṇā—saccaṃ saccaaraṃ  
vidūṣakaḥ—ṇāhaṃ pattijjāmi, jaṃdo parihāsasīlā khu tumaṃ  
vicakṣaṇā—ajja ! mā evaṃ bhaṇa | aṇṇo vaṃkkarakālo, aṇṇo  
kajjaviārakālo  
vidūṣakaḥ- (puro'valokya |) eso piavaasso haṃso via vimukkamāṇaso, karī via maakkhāmo, muṇāladaṃḍo via ghaṇaghammamilāṇo,  
diṇadiṇṇadīvo via vialiacchāyo, pabhādapuṇṇimācaṃdo via  
paṃḍuraparikkhīṇo ciṭṭhadi  
ubhau-(parikramya |) jaadu jaadu mahārāo  
rājā-vaassa ! kahaṃ puṇo vi viakkhaṇāe milido si !  
vidūṣakaḥ-ajja viakkhaṇā mae saha saṃdhiṃ kāduṃ āgadā  
kidasaṃghīe edāe saha maṃtaaṃtassa ettiā velā laggā  
rājā-saṃdhikaraṇassa kiṃ phalaṃ ?  
vidūṣakaḥ—esā ahiṃmadajaṇapesidalehahatyā ṇaṃ viakkhaṇā  
āgadā  
rājā—(gandhaṃ sūcayitvā |) kedaīkusumagaṃdho via āādi  
vicakṣaṇā—kedaīdalaleho eṣa eso mahaṃ hatthe  
rājā—mahusamae kiṃ kedaīkusumaṃ ?  
vicakṣaṇā—bhairavāṇaṃdadiṇṇamaṃtappahāveṇa devībhavaṇujjāṇe kedaīlaṭṭhīe ekko dāva pasavo daṃsido| tassa dohi dalasaṃstate/puḍehiṃ ajja hiṃdolaappabhaṃjaṇīe cautthīe haravallahāe devīe devī accidā | aṇṇaṃ ca  
dalasaṃpuḍhajualaṃ puṇa kaṇiṭhṭhabahiṇiāe kappūramaṃjarīe pasādīkidaṃ  
tīe vi ekkeṇa dalasaṃpuḍeṇa bhaavadī gorī jjeva accidā | aṇṇaṃ ca,—  
kedaīkusumapattasaṃpuḍaṃ pāhuḍaṃ tua sahīa pesidaṃ  
eṇaṇāhimasicaṇṇasohiṇā taṃ siloajumaleṇa laṃchidaṃ

### [3.7.p1](https://indike.org/pramana/in.lit.plays.sattaka.karpuramanjari.3.7.p1)

iti lekhamarpayati

## Commentaries (1)

- [Karpūramañjarīprakāśa](https://indike.org/pramana/in.lit.plays.sattaka.karpuramanjari!vasudeva) — Vāsudeva, Sanskrit

---
Source: [https://indike.org/pramana/in.lit.plays.sattaka.karpuramanjari.3.7](https://indike.org/pramana/in.lit.plays.sattaka.karpuramanjari.3.7) · Pramāṇa
