[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Drama (rūpaka)](https://indike.org/pramana/in.lit.plays) › [Kṛṣṇa plays](https://indike.org/pramana/in.lit.plays.krsna) › [Caitanyacandrodaya](https://indike.org/pramana/in.lit.plays.krsna.caitanyacandrodaya) › 10.8 # Caitanyacandrodaya 10.8 Caitanyacandrodaya 10.8 - **Language:** Sanskrit ### [10.8](https://indike.org/pramana/in.lit.plays.krsna.caitanyacandrodaya.10.8) rājā—(sādaramupaveśya) kathaya kiyaddūraṃ bhavānanugato devam rāmānandaḥ—ita ito nivartasveti pratipadmukto'pi bhadrakaparyantamanugatavānasmi | mahārāja, dustyajo hi vyavahāramārgaḥ | yataḥ— tamapi paramadīnoddhārikāruṇyasindhuṃ śiva śiva parihāya tvadgiraivāgato'ham kathamahaha na jātastatra me dehapātaḥ kuliśakaṭhinamūrterhā yato'haṃ nivṛttaḥ ### [10.8.p1](https://indike.org/pramana/in.lit.plays.krsna.caitanyacandrodaya.10.8.p1) ityaśrūṇi muñcati ### [10.8.p2](https://indike.org/pramana/in.lit.plays.krsna.caitanyacandrodaya.10.8.p2) sārvabhaumaḥ—rāmānanda, tvamatidhīro'si kathamevamuttāmyasi | īśvaro hi tathāvidhalīla eva vrajavāsino vihāya mathurāṃ gataḥ, punastato'pi dvāravatyāṃ, punastato'pi kvacitkvacit | tatratyāḥ kathaṃ sahantisma tadviraham | yadyapi duḥsaha eva bhagavadvirahastathāpi sa eva taṃ sāhayate | tadalamanuśocanena rājānamadhunā sāntvayitumarhasi na punaḥ svakhedaprakaṭanena khedayitum rājā—kathaya rāmānandaḥ—bhavadadhikāraṃ yāvadbhavadīyā eva gacchanti| tadūrdhvaṃ madīyāḥ pathi prajñā eva gauḍarāṣṭraṃ yāvadyāsyanti kecitteṣāṃ kiyaddūraṃta evāgamiṣyanti, keciddūrataraṃ yāsyanti ### [10.8.p3](https://indike.org/pramana/in.lit.plays.krsna.caitanyacandrodaya.10.8.p3) praviśya ### [10.8.p4](https://indike.org/pramana/in.lit.plays.krsna.caitanyacandrodaya.10.8.p4) dauvārikaḥ—deva mahāprabhumanuvrajanto ye rāyasya manujāścalitāḥ santi teṣāṃ kimantaḥ samāyātāḥ rājā—praveśyantāmavicāreṇaiva dauvārikaḥ—(tathā karoti |) ### [10.8.p5](https://indike.org/pramana/in.lit.plays.krsna.caitanyacandrodaya.10.8.p5) praviśya --- Source: [https://indike.org/pramana/in.lit.plays.krsna.caitanyacandrodaya.10.8](https://indike.org/pramana/in.lit.plays.krsna.caitanyacandrodaya.10.8) · Pramāṇa