[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Drama (rūpaka)](https://indike.org/pramana/in.lit.plays) › [Kṛṣṇa plays](https://indike.org/pramana/in.lit.plays.krsna) › [Caitanyacandrodaya](https://indike.org/pramana/in.lit.plays.krsna.caitanyacandrodaya) › 8.3 # Caitanyacandrodaya 8.3 Caitanyacandrodaya 8.3 - **Language:** Sanskrit ### [8.3](https://indike.org/pramana/in.lit.plays.krsna.caitanyacandrodaya.8.3) bhaṭṭācāryaḥ - ekatama eva kathayatu ekaḥ-itastāvadālānānārthadevamavalokya stutvā mahāmattakarīndravadnaṅkuśakuśalagati kuśalastvarayā rayātiśayairapyasmābhiranugantuṃ duḥśakaḥ śakalamiva sumeroraudīcyena prabalataramarutā vibhajya calitaṃ niravadhi bhagavannāmasaṃkīrtanavikasvarasvaraparabhāgādharīkṛtadhārādharadhoraṇīdhīradhvanirdhvani batkaikamano'bhivīkṣyamāṇo janairlaghīyasā kālenaiva kūrmakṣetramuttīrṇavān sārvabhaumaḥ - etadabhyantare bhikṣā nābhūt vipraḥ - nābhūdeva bhaṭṭācāryaḥ - bhavadbhiḥ kiṃ kṛtam vipraḥ - asmābhistu yathālābhaṃ kiṃcidaśitvā dṛśyamāna evāyamanugamyate | tatastatraiva kūrmakṣetre kūrmadevaṃ praṇamya stutvā kūrmanāmno dvijavarasya gṛsamuttīrṇavān | samanantaraṃ tenaiva nimantritaḥ kṛtabhikṣaśca yadanyatkṛtavān tadapyadbhutam bhaṭṭācāryaḥ - kiṃ tat vipraḥ - tatraiva kaścidvāsudevanāmā vipro galatkuṣṭhaḥ kuṣṭhakṛminikaraqarambitabahularudhiravasāpūyaklinnasarvāṅgaḥ kadācitpanīpatyamānānkṛmīnutthāpya tatraiva niveśayannanudvigno bhagavanmanmanā iva kenāpyakathito'pi svayameva bhagavatā prāpi | anantaramavilambenaina cirakālalabdhaparamasuhṛdiva gāḍhataramāyatābhyāṃ bhujābhyāmayaṃ tathāvidha eva paryairambhi samanantaraṃ tena vipraheṇa kvāhaṃ daridraḥ pāpīyānkva kṛṣṇaḥ śrīniketanaḥ brahmabandhuriti smāhaṃ bāhubhyāṃ parirambhitaḥ - [Previous: 8.2.p6](https://indike.org/pramana/in.lit.plays.krsna.caitanyacandrodaya.8.2.p6) - [Next: 8.4](https://indike.org/pramana/in.lit.plays.krsna.caitanyacandrodaya.8.4) - [Up: 8](https://indike.org/pramana/in.lit.plays.krsna.caitanyacandrodaya.8) ## Linked texts (1) - [Bhāgavatapurāṇa](https://indike.org/pramana/in.purana.bhagavata.10.81.16) — Vyāsa, Sanskrit --- Source: [https://indike.org/pramana/in.lit.plays.krsna.caitanyacandrodaya.8.3](https://indike.org/pramana/in.lit.plays.krsna.caitanyacandrodaya.8.3) · Pramāṇa