[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Drama (rūpaka)](https://indike.org/pramana/in.lit.plays) › [Kṛṣṇa plays](https://indike.org/pramana/in.lit.plays.krsna) › [Caitanyacandrodaya](https://indike.org/pramana/in.lit.plays.krsna.caitanyacandrodaya) › 8.4 # Caitanyacandrodaya 8.4 Caitanyacandrodaya 8.4 - **Language:** Sanskrit ### [8.4](https://indike.org/pramana/in.lit.plays.krsna.caitanyacandrodaya.8.4) iti paṭhanneva sadyo'tidyotiprakṛtasundarāṅgaḥ samajane | tadanu punastenoktam bhagavan, kathamayamīdṛśo me nigrahaḥ kṛtaḥ | tathāvidhena mayā āmayāvinā vinā duḥkhaṃ nirudvegena sthitaṃ saṃprati saṃpratipadyamānamānatayā sarvā eva manovṛttaya uttiṣṭheyuḥ | bhagavatoktam | brahman, napunaste bhagavadanusmaraṇamantareṇa manaso bāhyavyāpārā bhaviṣyanti | tadalamudvegeneti rājā—bhaṭṭācārya, satyamevāyamīśvaraḥ| anyathā īdṛkkaruṇā jīvasya na ghaṭate| kuṣṭhahāritvaṃ tu yogīndrasyāpi saṃgacchate sārvabhaumaḥ—tatastataḥ vipraḥ—tataśca nṛsiṃhakṣetramupagamyāgamyānubhāvo bhagavantaṃ nṛsiṃhaṃ dṛṣṭvā stutvā praṇamya pradakṣiṇīkṛtya pratasthe kāñcanācalamarīcīvīcibhirgaurayankimapi dakṣiṇāṃ diśam darśanena karuṇātaraṅgiṇā drāvayañjanamanāṃsi sarvataḥ - [Previous: 8.3](https://indike.org/pramana/in.lit.plays.krsna.caitanyacandrodaya.8.3) - [Next: 8.5](https://indike.org/pramana/in.lit.plays.krsna.caitanyacandrodaya.8.5) - [Up: 8](https://indike.org/pramana/in.lit.plays.krsna.caitanyacandrodaya.8) --- Source: [https://indike.org/pramana/in.lit.plays.krsna.caitanyacandrodaya.8.4](https://indike.org/pramana/in.lit.plays.krsna.caitanyacandrodaya.8.4) · Pramāṇa