Prasannaraghava 7

Prasannarāghava 7

Language: Sanskrit

7.5 — 2 parts
7.7 — 4 parts
7.12 — 2 parts
7.14 — 3 parts
7.19 — 2 parts
7.20 — 2 parts
7.22 — 1 part
7.23 — 3 parts
7.24 — 1 part
7.25 — 3 parts
7.29 — 2 parts
7.30 — 4 parts
7.33 — 1 part
7.36 — 1 part
7.37 — 1 part
7.38 — 2 parts
7.39 — 2 parts
7.41 — 2 parts
7.42 — 2 parts
7.43 — 2 parts
7.44 — 4 parts
7.46 — 1 part
7.49 — 1 part
7.50 — 2 parts
7.53 — 3 parts
7.63 — 1 part
7.64 — 1 part
7.69 — 2 parts
7.70 — 1 part
7.72 — 4 parts
7.88 — 1 part
7.90 — 1 part
7.91 — 1 part
7.92 — 2 parts
7.94 — 2 parts
7.95 — 1 part

7.1

karālakaḥ-mune, praṇamyase
muniḥ-samīhitaṃ labhasva | kathaya tāvanme bibhīṣaṇasya bhavanam
karālakaḥ-kiṃ tatra
muniḥ-ādiṣṭo'smi bhagavatā pulastyena kamapi saṃdeśamupanetuṃ
pautrasya
karālakaḥ-na tāvadidānīmiha bibhīṣaṇaḥ
muniḥ-kathaya kimetat
karālakaḥ-ekadābhipraṇamato bibhīṣaṇasya karātsakautukaṃ likhitākṣarapaṅktipatramekaṃ gṛhītaṃ laṅkeśvareṇa vācitaṃ ca'udarkabhūtimicchadbhiḥ sadbhiḥ khalu na dṛśyate
caturthīcandralekheva parastrībhālapaṭṭikā

7.2

'
muniḥ-aho, prabhuvijñapticāturī bibhīṣaṇasya
karālakaḥ-tato vihasyaivaṃ laṅkeśvareṇoktam- 'nūnaṃ kenāpi bhīruṇā bhāṣitametat | khyātaṃ hi yatkila
parastrīkucakumbheṣu kumbheṣu paradantinām
nipatanti na bhīrūṇāṃ dṛṣṭayaḥ śaravṛṣṭayaḥ

7.3

'
muniḥ-aho, nijacittavṛttibhittibhūmikānusārīṇi vākcitrāṇi
lokasya
karālakaḥ -tataḥ pragayakopaviṣādamidamāha laṅkeśvaraṃ bibhīṣaṇaḥ'yasya tryambakamaulikheladamalaślokākakallolinīlīlālaṅghanalampaṭena yaśasā digbhittayaḥ kṣālitāḥ
so'pi tvaṃ janakādhirājatanayābaddhābhilāṣaḥ kathaṃ
hā jāto'si pulastyasaṃtatiyaśaḥśītadyuterlāñchanam

7.4

muniḥ—(sakautukam |) tatastataḥ
karālakaḥ—tataśca
kopapāṭalitaloladṛṣṭinā kiṃcidunnamitakhaṅgayaṣṭinā
rāvaṇena nayadharmabhūṣaṇastāḍito hṛdi padā bibhīṣaṇaḥ

7.5

muniḥ—hanta, nūnaṃ
laṅkeśvareṇa duṣṭena nayadharmavibhūṣaṇaḥ
bibhīṣaṇaśca na paraṃ vibhavo'pi padā hataḥ

7.5.p1

tatastataḥ
karālakaḥ—tataḥ katipayaparivāreṇa bibhīṣaṇena laṅkeśvaraṃ vihāya
rāma eva samāśritaḥ
muniḥ—(svagatam |) anuṣṭhitaṃ tarhi pulastyasaṃdeśarahasyaṃ bibhīṣaṇena
(prakāśam |) bhavānpunaḥ kimaghunā kartukāmaḥ
karālakaḥ—ahamādiṣṭo'smi mālyavatā jānakīvirahavihvalahṛdayasya laṅkeśvarasya manovinodanāya kenāpi citrakāreṇa viracitaṃ citramidaṃ
dṛggocarīkaraṇīyamiti
muniḥ—(vihasya |) kathamitthamāsannaśatrau laṅkeśvareṇa tādṛśasya mahāmantriṇo mālyavata evamupacaritumucitam | tannūnaṃ prastutocitameva kimapyetadbhaviṣyati

7.5.p2

nepathye

7.6

re re candanamindumaṇḍalaśilāpaṭṭe samuddhṛṣyatāṃ
re re cāmaramujjvalaiḥ śaśikaraiḥ śvetaṃ vinirmāyatām
re re bālamṛṇālakantulatikāsūtreṇa pāthojinīpatrasthairudabindubhirmaṇimayo hāraḥ samāsūlyatām

7.7

muniḥ—(sopahāsamātmagatam |) yādṛśo'yaṃ śītopacārastādṛśa eva
sītopacāro laṅkeśvarasya bhaviṣyatīti | (prakāśam |) kathamidaṃ virahataptasya daśakaṃdharasya śītopacārārthamādiśyante niśācarāḥ
karālakaḥ—khecarāśca | idānīṃ hi
aṅgaṃ limpati candanena mṛdubhiḥ śītadyutiḥ khaiḥ karaiḥ
kiṃciccañcalakālavṛntakalanavyagro vasantānilaḥ
kiṃcāyaṃ nalinīdalairvitanute talpaṃ pratīcīpatirdevairitthamanaṅgataptahṛdayo laṅkeśvaraḥ sevyate

7.7.p1

muniḥ—(svagatam |) aye, alīkavāgḍambaraṃ niśācarasya
karālakaḥ—(nepathyābhimukhamavalokya |) kathamayaṃ prahasto rājadvāramupasarpati | tadasya haste citrapatamarpayiṣye | bhavānapi samīhitaṃ sādhayatu

7.7.p2

iti niṣkrāntau

7.7.p3

iti viṣkambhakaḥ

7.7.p4

tataḥ praviśati rāvaṇaścitrahastaḥ prahastaśca

7.8

rāvaṇaḥ—(svagatam)
rājallalāṭaphalakā kamanīyakūjatkāñcīguṇapraṇayinī dhṛtakeśapakṣā
hā kiṃ karomi mama sā hṛdayaṃ praviṣṭā
nārācayaṣṭiriva puṣpaśilīmukhasya

7.9

(vimṛśya |) aho, kathamadyāpi haṭhāharaṇakhinnāṃ nitāntakṛśadhūsarāṅgīmapi
jānakīṃ janasthānasthitāmivāhamakhaṇḍamaṇḍanāṃ paśyāmi | athavocitamidam
ācāntakāntirunnidrairmayūkhairahimatviṣaḥ
dhūsarāpi kalā cāndrī kiṃ na badhnāti locanam

7.10

prahastaḥ—ayi deva, idamālokyatāṃ cittavinodanaṃ citram
rāvaṇaḥ—kiṃ punarihālikhitam
prahastaḥ—ayaṃ tāvattaralatiminikarakarālakallolakolāhalonnāgaraḥ
sāgaraḥ
rāvaṇaḥ—(vilokya |) kimidamuttareṇa taraṅgamālinamanutamālakhaṇḍamākhaṇḍaladhanuḥsahasrānukāri kapiśayati gaganatalam
prahastaḥ—tadidaṃ sugrīvapālitaṃ kapikulam
rāvaṇaḥ—(vihasya |) api vālipālitamiti vaktavyam | bhavatu
kiṃ punaranena | kau punaribhau kārmukadharau
prahastaḥ—tāvimau rāmalakṣmaṇau yayoragrajasya bāṇapātavilasitena
sugrīvapālitamadhunā kapikulam
rāvaṇaḥ—(anākarṇitakena |) kaḥ punarayaṃ nitāntakṛśakamanīyatanuramandamandarāghātanirmanthānotthitataralataraṅgadūravikṣiptaśaṃkaraśiraḥśekharādhirohaṇakutūhalī kalānidhiriva taraṅgamālinastaṭabhuvamadhiśete
prahastaḥ—sa eva laṅkāgamanakutūhalī nijakulaguruṃ sāgaramupacarituṃ
kuśaśayanavinyastagātraḥ prathamo dāśarathiḥ
rāvaṇaḥ—(vihasya |) kathamitthameva jānakīlābhakautukaḥ so'yamasmānapyupacariṣyati
prahastaḥ—ito vilokyatāmayaṃ rāmanārācanirmuktabahalānalahelātaraladīnamīnanikaraparivāraḥ pārāvāraḥ
rāvaṇaḥ—kau punarimau jyeṣṭhatāpasasya sādaraṃ vānaravīraiḥ pārśvaparisaramānīyate
prahastaḥ—ayaṃ tāvatsāgara eva | ayamapi devasyaiva-(ityardhokte |)
athavā kimasya bandhuvirodhino nāmagrahaṇena
rāvaṇaḥ—kathamayaṃ bibhīṣaṇo'smadvirodhena rāmamāśrayati | bhavatu
niśācaraśiroratnarāñjitāṅghriśiroruhaḥ
priyo'pi daśakaṇṭhasya naiṣa darśanameṣyati

7.11

rāvaṇaḥ—(sakautukam |) kiṃ punaridamakṣarapaṅktidvayam
prahastaḥ—nūnamidaṃ samudrabibhīṣaṇau prati lakṣmaṇasya vacanadvayaṃ
bhaviṣyati
rāvaṇaḥ—ekaṃ tāvadvācaya
prahastaḥ—(vācayati |) ·
‘trāsaṃ muñca samudra kopadahano rāmasya pāsyatyayaṃ
bandībhūtasurendrasundaradṛśāmakṣṇoramudraṃ payaḥ
kāmaṃ te makarīgaṇo viharatāmetasya laṅkeśvarastrīgaṇḍasthalapatrabhaṅgamakarīvidhvaṃsinaḥ sāyakāḥ

7.12

’
rāvaṇaḥ—anyadapi vācaya
prahastaḥ—(vācayati |)
‘adyaivāsya bibhīṣaṇasya śaraṇāpannasya mūrdhnā naterānṛṇyaṃ vidadhātvayaṃ raghupatirlaṅkādhipatyaśriyam
etasyaiva bhujāviha pratibhuvau sugrīvarājyārpaṇatrailokyaprathamānasatyacaritau sarve vayaṃ sākṣiṇaḥ

7.12.p1

'
rāvaṇaḥ—aho, vāgaḍambaraikasāratā kaniṣṭhatāpasasya | bhavatu | kiṃ
punaridaṃ madhyesamudramālokyate
prahastaḥ—sa eṣa kapikulonmūlitaśailaśikharanirmitaḥ kākutsthakulakīrtiprasaktiprabandhaḥ setubandhaḥ
rāvaṇaḥ—aho citrakarasya cāturī | yadalīkamapi satyamiva
darśitavān
prahastaḥ—kathamadyāpīdamalīkamiti saṃbhāvanā devasya

7.12.p2

nepathye kalakalaḥ

7.13

rāvaṇaḥ—kimetat
prahastaḥ—
eṣāmayaṃ rāmacamūrcarāṇāṃ darpoddhatānāṃ kapikuñjarāṇām
navodgatānāmiva nīradānāṃ kolāhalaḥ ko'pi samujjihīte

7.14

prahastaḥ—tadidaṃ śaṅkitavyaṃ pratividhātavyaṃ vā
rāvaṇaḥ—āḥ | kimiha śaṅkayā pratividhānena vā | anena hi
kolāhalenollasatā kapīnāṃ mano madīyaṃ mudameva dhatte
mandodarībhūṣaṇanūpurāṇāṃ mahāmaṇīnāmiva śiñjitena

7.14.p1

praviśya

7.14.p2

mandodarī—jedu jedu devo
rāvaṇaḥ—devi, ita āsyatām

7.14.p3

mandodarī yathocitamupaviśyādhomukhī tiṣṭhati

7.15

rāvaṇaḥ—
bhugnārkaṃ smitaparājitacandralekhaṃ
dṛglīlayā kuvalayaśriyamādadhānam
etanmukhaṃ diviṣadāmiva durnirīkṣyaṃ
tanvaṅgi māmiva mudhā kimadhaḥ karoṣi

7.16

prahastaḥ—deva, kapisenākolāhalacintayaiva nūnamadharīkṛtamukhī
devīti tarkayāmi
rāvaṇaḥ—āḥ, ka eṣa cintāviṣayaḥ
iyaṃ līlālolāṅgadabhujalatā nīlacikurā
samunmīlattārā kumudahasitā cārunayanā
plavaṅgānāṃ senā yuvatiriva tārāpatimukhī
mamāgre kaṃdarpaṃ prakaṭayitumadya prabhavati

7.17

mandodarī—devaṃ, aṇṇaṃ pi atthi kāraṇaṃ | ajja hi mae devassa
sauṇaṇirūva ṇatthaṃ girisiharagahaṇagabbhaṭṭhihāṃ sabarapallīṃ paṭhṭhāvidā ṇiapariāriā | tāe a kīe vi sabarakuḍumbiṇīe ṇiagharaperantavāsiṇaṃ kesarikisoraaṃ ullāvaantīe erisaṃ vaaṇaṃ āaṇiṇadam—
‘mā hohi ṇāavaiṇo parihavametteṇa gavvaṇivvūḍho
vasuhamamaṃ girisaṃkaḍaṃ mainda sarahassa ṇandaṇo patto

7.18

’
rāvaṇaḥ—kimiha viṣādasthānamasāmpratyudāsīnamevaitat | tathā hi
mā bhava nāgapateḥ paribhavamātreṇa garvanirvyūḍhaḥ
vasudhāmimāṃ girisaṃkaṭāṃ mṛgendra śarabhasya nandanaḥ prāptaḥ

7.19

prahastaḥ—deva, anyathāghaṭamānamidam
mā bhava nāgapateḥ paribhavamātreṇa garvanirvyūḍhaḥ
vasudhāmimāṃ girisaṃkaṭamayīṃ daśarathasya nandanaḥ prāptaḥ

7.19.p1

rāvaṇaḥ—āḥ, keyaṃ nisarganiḥśaṅke laṅkeśvare mayi śakunopaśrutiparīkṣā

7.19.p2

nepathye

7.20

helāsphālitarāmalakṣmaṇadhanurjyāvallarījhallarījhāṅkāraprasaraprarūḍhapulakaprāgbhāranīrandhritāḥ
vyāvalgatka pikaṇṭhakāṇḍakadanakrīḍatkṛpāṇāñcalasphūrjaddurjayadorbalaikacapalāśraśvanti rātriṃcarāḥ

7.20.p1

rāvaṇaḥ—(saharṣam |) aye, niśācaravīravijayottaraḥ samaraḥ

7.20.p2

punarnepathye

7.21

agresarī raghupateḥ pariṇaddhapākakiṃpākapāṭalamukhī kapivīrasenā
niḥśeṣamāpibati rākṣasavīracakraṃ
prātaḥ prabheva tapanasya tamisrajālam

7.22

rāvaṇaḥ—āḥ, kathamutkaṇṭhāyitaṃ markaṭaiḥ | (uccaiḥ |) kaḥ ko'tra
bhoḥ | madājñayā
kṛtvā vinidramapanidrabhujāvalepaḥ
proddāmarāmasamarāya sa kumbhakarṇaḥ
ādiśyatāṃ nijabhujārditavajrapāṇiradyaiva lakṣmaṇaraṇāya ca meghanādaḥ

7.22.p1

punarnepathye

7.23

deva, bhavadāśayavidā mahāmantriṇā mālyavatā pūrvameva saṃvihitamidam
idānīṃ hi
rāmeṇa sārdhamayamuddhatabāhudarpaḥ
saṃgrāmabhūmikamadhitiṣṭhati kumbhakarṇaḥ
rakṣaḥśikhaṇḍihṛdayotsavameghanādaḥ
saumitriṇā samamasāvapi meghanādaḥ

7.23.p1

punarnepathye

7.23.p2

yadaṃṣṭrāvajraghātaiḥ samiti vidalitāḥ śailakalpāḥ kapīndrā
yannārācāmbuvarṣairdavadahanasamāḥ śāmitā vānarendrāḥ
vīro'sau kumbhakarṇaḥ sa ca samarakalākautukī meghanādaḥ
saṃjālau
rāvaṇaḥ—kimataḥparaṃ vadiṣyati

7.23.p3

punarnepathye

7.24

hā pataṅgau daśarathasutayordāruṇe bāṇavahrau

7.24.p1

mandodarīrāvaṇau mūrcchataḥ

7.25

prahastaḥ—deva, samāśvasihi samāśvasihi
rāvaṇaḥ—(samāśvasya |) devi, samāśvasihi samāśvasihi
mandodarī—(samāśvasya |) parittāadu maṃ ajjautto | esā
ṇimaggammi soatimire
rāvaṇaḥ—ayi, alaṃ kātaratayā | ayaṃ candrahāsacandra eva
śokatimirāduddhariṣyati bhavatīm | (punarutthāya khaḍgamudyamya |) paśyāyamaptau me
bhinnaprabhinnasurakuñjarakumbhamuktamuktāphalairviculitaiḥ kalitādhivāsaḥ
adyaiva khecaraniśācaralocanānāmunmīlayanmudamudañcati candrahāsaḥ

7.25.p1

iti prahastena saha niṣkrāntaḥ

7.25.p2

mandodarī—aye, accariaṃ | samarasaṃrambhaviloaṇavihmaatthimidmidaṃ vijjāharamihuṇaṃ kiṃpi mantedi | teṇa hi ajjauttassa
vijaatthaṃ ahaṃ pi ṇiakuladevadāo acciduṃ gacchahni | (iti
niṣkrāntā |)

7.25.p3

tataḥ praviśati vidyādharamithunam

7.26

vidyādharī—ajjautta, ko imo raṇarahasavilasantapulaabharakuḍḍumalidbhuavago kavicamūcakkaṃ ahivaṭṭadi
vidyādharaḥ—priye, sa eṣa rāmasamarakautukī daśakaṇṭhaḥ
vidyādharī—ko uṇa imo añjaṇapuñjacchavisarīro kavivīro
tassa saṃmuhaṃ parāvaṭṭadi
vidyādharaḥ—priye, sa eṣa vicitrasamaraśīlo nīlaḥ | (vilokya
savismayam |) aho,
vakṣaḥsthale kimapi nīlakarojjhitena
nīlācalasya śikhareṇa kṛtaprahāraḥ
laṅkeśvaraḥ smarati nūnamasau vasantanīlotpalapraharaṇaṃ hariṇekṣaṇānām

7.27

(punaḥ sakautukam |) paśya paśya
nīlo'yaṃ daśamukhapāṇipaṅkajānāmaṅkeṣu bhramaratulāṃ bhramanbibharti
apyeko daśasu kirīṭapīṭhikāsu
drākpreṅkhannanubhavatīndranīlalīlām

7.28

vidyādharī—1ko uṇa imo ṇisāarendeṇa samaṃ samarasāhasamaṅgīkaria ciṭṭhadi
vidyādharaḥ—sa eṣa svāmipakṣapātī bibhīṣaṇaḥ | (saviṣādam |)
hanta bhoḥ,
yeyaṃ bibhīṣaṇe śaktirmuktā krūreṇa rakṣasā
vidyādharī—2aha kiṃ tāe
vidyādharaḥ—
lakṣmaṇena gṛhīteyaṃ priyeva nijavakṣasā

7.29

vidyādharī—3haddhi haddhi
vidyādharaḥ—
varṣanneva samantato daśamukhaṃ cāpacyutaiḥ sāyakaiḥ
saumitriṃ ca visaṃjñamaṅkanihitaṃ netracyutairambubhiḥ
etattarkaya harṣaśokataralāḥ kurvankapīnāṃ dṛśo
rāmaścāmalakelivīrakaruṇāvyāmiśratāṃ gāhate

7.29.p1

(vilokya |) kathamapagata eva rāmabāṇapīḍito daśakaṇṭhaḥ

7.29.p2

nepathye

7.30

hā vatsa lakṣmaṇa vikāsaya netrapadme
māgādidaṃ yugapadeva samastamastam
bhāgyaṃ divākarakulasya ca jīvitaṃ ca
rāmasya kiṃ ca nayanāñjanamūrimalāyāḥ

7.30.p1

vidyādharaḥ-hanta, so'yamanujavatsalasya rāmasya vilāpaḥ

7.30.p2

nepathye

7.30.p3

deva, samāśvasihi samāśvasihi
vidyādharī-kahaṃ suggīveṇa samāsāsīadi rāmacando | tā kiṃ
dāṇīṃ ālavissadi
vidyādharaḥ-ākarṇayāmastāvatsugrīveṇa samāśvāsyamānaḥ kimāha
rāmaḥ

7.30.p4

nepathye

7.31

sakhe sugrīva, kathamāśvāsyate
ayi rāghavāviti sudhāmadhuraṃ vinipīya pauramunilokavacaḥ
ayi rāghaveti garalapratimaṃ kathamadya rāmahatakaḥ pibatu

7.32

api ca
kanīyasyā mātuḥ kṛtacaraṇapātaḥ kathamahaṃ
sahiṣye matpārśve vifalaparivartaṃ nayanayoḥ
aye śāntaṃ pāpaṃ kaṭhina iva cejjīvitumanā
vinā vatsaṃ rāmaḥ punarayamayodhyāṃ praviśati

7.33

7.33.p1

punarvilokya | saharṣam

7.34

āmodamāghrāya mahauṣadhīnāṃ saumitrirunmīlitapadmanetraḥ
bhūyo'pi cakrīkṛtacārucāpaḥ karoti rāmaḥ paripūrṇakāmam

7.35

vidyādharī-1kahaṃ puṇo vi rāmaraṇakodūhalaphullantamuamaṇḍalo
ṇisāarākhaṇḍalo parāvaḍido jevva
vidyādharaḥ-priye, tadidānīṃ sāvadhānaṃ vilokaya | tulādhirohaḥ
khalvayaṃ vīrakṣmyāḥ | yannāma rāmarāvaṇayoḥ samara iti
vidyādharī-2kahaṃ uṇa saalaloavīrassa rāmacandassa aṇekavīraparihūdassa rāvaṇassa tulādhiroho vīralacchīe havissadi
vidyādharaḥ-priye, na jānāsi | kathaṃ daśakaṇṭhaṃ vinā
vinyāsaṃ nākanārīkucakalaśalasatkuṅkumasthāsakānāmaspṛṣṭvā mārṣṭumāsīdasikalahakalākovidaḥ ko vidagdhaḥ
bhinnasvargaibhakumbhasthalabahalagalanmauktikavyaktahāsaḥ
kasyākrīḍatkarāgre tridaśapatiyaśaścandrahāścandrahāsaḥ

7.36

api ca
kiṃ brūmo daśakandharaṃ nijacamūrakṣākapāṭībhavadvakṣaḥpīṭhapatatkaṭhorakuliśāghāteṣu jātakiṇam
vyomābhogasarovilāsiina vane yatpāṇipaṅkeruhāṃ
kailāsena śiraḥsthitendukalikottaṃsena haṃsāyitam

7.36.p1

nepathye

7.37

helonmūlitacandracūḍagirayastrailokyadattāpado
laṅkātaṅkaharāḥ puraṃdarapurastrīvṛndabandīkṛtaḥ
vaidehīkucakumbhakuṅkumarasavyāsaṅgabaddhaspṛhāḥ
sotkaṇṭhaṃ daśakandharasya jayinaḥ khelanti doḥkelayaḥ

7.37.p1

punarnepathye

7.38

helonmūlitacandracūḍadhanuṣastrailokyadattābhayā
laṅkātaṅkakarāḥ puraṃdarapurastrīvṛndabandīmucaḥ
vaidehīkucakumbhakuṅkumarasavyāsaṅgalabdhotsavāḥ
sotkarṣaṃ raghunandanasya jayinaḥ khelanti doḥkelayaḥ

7.38.p1

vidyādharaḥ-nūnamayaṃ rākṣasavānarayornijasvāmivarṇanānusārī vyāhāraḥ
vidyādharī-kaṃhaṃ uṇa rahaṭṭhideṇa rāvaṇeṇa samaṃ bhūmidvidassa rāhavassa samaro havissadi
vidyādharaḥ-priye, paśya | ānīta eva mātalinā puruhūtarathaḥ
adhiṣṭhitaśca vinayābhirāmeṇa rāmeṇa

7.38.p2

nepathye

7.39

aye, kathaṃ
pūrvameva prayātānāṃ kharamārīcavālinām
saujanyamugdhaḥ panthānamadhivartitumīhase

7.39.p1

vidyādharaḥ-ākarṇayāmastāvadanena rāmavacanena pīḍitaḥ kimāha
rāvaṇaḥ

7.39.p2

nepathye

7.40

kharaḥ kīdṛgvālī kapirapi ca mārīcahatakaḥ
kuraṅgastānhatvā kathamapi kathaṃ dṛpyasi manāk
ayaṃ paśya prāpto daśavadananāmā surapurīkarīndrāṇāṃ helāracitakadanaḥ pañcavadanaḥ

7.41

athavā
kālīkesarikesarāñcalasaṭāsāṭopasaṃpāditakrīḍācāmarakomalānilalavācāntaśramāmbhaḥkaṇaḥ
śrīmāneṣa daśānano vijayate tasyāsyapañcānanavyāpārapratipādanairapi yaśaḥ kīdṛksamunmīlati

7.41.p1

vidyādharaḥ—aye, daśavadanavacanakupitaḥ kimapi vaktukāma iva
lakṣyate lakṣmaṇaḥ

7.41.p2

nepathye

7.42

kiṃ te pañcānanatayā daśānanatayā vā | tvamidānīṃ
dūronmuktamado vibhīṣaṇa iva nyañcacchiraḥśekharaḥ
svacchandaṃ caraṇāravindayugale rāmasya bhṛṅgo bhava
re naktaṃcara kumbhakarṇa iva vā karṇāntacakrībhavaccāpotsaṅgavimuktabāṇadahane sadyaḥ pataṅgo bhava

7.42.p1

vidyādharī—pekkha pekkha | iṃdo sarandhaāraṃ vitdhāraanteṇa ṇisāmuhāyidaṃ dasamuheṇa
vidyādharaḥ—nvitastadeva nijaviśikhamayūkhadhārayā vinivārayatā
candrāyitaṃ rāmacandreṇa | (punaḥ sakautukam |) aye, nūnamayaṃ divyāstralīlayā pratihatadivyāstraṃ nikṛttacāpaṃ rāvaṇaṃ kimapi vaktukāma iva rāmaḥ

7.42.p2

nepathye

7.43

nikṛttacāpa iti mā saṃkṣobhataralo bhava
śastramanyadapi svairaṃ nanu re samare kuru

7.43.p1

vidyādharī—ākaṇṇiadu dāva kiṃ dāṇīṃ bhaṇadi rāvaṇo

7.43.p2

nepathye

7.44

ākarṇitastava daśānana bāhudaṇḍaśrīkhaṇḍakānanaphaṇī navacandrahāsaḥ
yena khanāmamavasāmyaruṣeva pītaḥ
strīlolalolanayanāmūkhacandrahāsaḥ

7.44.p1

vidyādharaḥ—līlādalitacandrahāsaḥ sotprāsaḥ kimadhunā vadati
rāvaṇaṃ rāmacandraḥ

7.44.p2

nepathye

7.44.p3

ayi, tāvadadhunā laṅkeśvaraḥ khidyate
vidyādharī—kiṃpi dāṇīṃ jappissadi rāvaṇo

7.44.p4

nepathye

7.45

kathamadyaiva laṅkeśvaraḥ khidyate | nanu re,
vidhvastā daśabhirbhujairdaśadiśaḥ pratyekamete punardhārāyaiva daśāpare mama giriprāmbhārabhājo bhujāḥ
ārādhyaḥ śaśimaulirambudhijale nidrāti nārāyaṇaḥ
kiṃkartavyatayānayānudivasaṃ laṅkeśvaraḥ khidyate

7.46

vidyādharī—vam̐aṇamettaṃ dāṇīṃ
vidyādharaḥ—nahi nahi | paśya paśya | nanvayamidānīmapi
dhanurnistriṃśādipraharaṇagaṇacchedakupito
daśāsyaḥ svānmūrbho raghupatiśaraśreṇidalitān
karairaikaraikernabhasi bhṛśamādāya yugapatkṣipannanyairanyaiḥ saphalayati dorviṃśatimapi

7.46.p1

punaḥ sakautukam

7.47

etānyasya yathātathā suviśikhaiḥ kṛttāni rakṣaḥpaterudgacchanti śirāṃsi bhīputilakaiḥ sārkaṃ divaukaḥpateḥ
unmīlanti tathātathā raghupaterantaḥ pramodormayaḥ
kaṇṭhacchedavinodakautukabharavyagrībhavaccetasaḥ

7.48

vidyādharī—kam̐haṃ ajjāvi ṇisāarendabandīkidasurasundarīṇaṃ daṃsaṇaṃ
dullahaṃ jaṃ imassa sīsāīṃ puṇo puṇovi ummīlanti
vidyādharaḥ—alaṃ tāpena | krīḍati khalu rāmaḥ saha rāvaṇena | na
punaradyāpi kupyati | (punarvilokya | sakautukam |) priye, paśya paśya
antaḥsāndravahanmaheśvaraśiraḥśītāṃśulekhollasatpīyūṣadravaśīkaravyatikaraprāgbhārabhājāmiva
chinnānāmapi rāmacandraviśikhairbhūyaḥ samudgacchatāṃ
kāpyanyaiva niśācarendraśirasāṃ kāntiḥ samujjṛmbhate

7.49

(punaḥ sakautukam | vihasya |) aho asya cittavṛttiḥ
ayaṃ yāvadyāvatpṛthuhṛdayapīṭhī raghupatiḥ
śiraśchedāsakto na daśavadanasya vyathayati
ayaṃ tāvattāvadvahati mudamuccairdaśamukhaḥ
kilaitasmindevī janakapatiputrī nivasati

7.49.p1

nepathye

7.50

ayi priya rāma,
kiṃ krīḍasi śarastomairnanvekenaiva patriṇā
paripūraya naḥ kāmaṃ yaśasā ca jagattrayam

7.50.p1

vidyādharaḥ—nūnamamī divaukasastvarayanti rāmacandram | tacchrutvankimadyunā vakṣyati rāvaṇaḥ

7.50.p2

nepathye

7.51

re re mama bhujāḥ,
muktvaikāṃ haraśekharapraṇayinīṃ pīyūṣabhānoḥ kalāṃ
dikpālāvalimaulimaṇḍanamaṇīngṛhīta sarvānapi
taiḥ kāñcīṃ racitāṃ cirāya vahatu śroṇītaṭe jānakī
gāyantī kamanīyaśiñjitabharairmaddhikramāḍambaram

7.52

vidyādharaḥ—(vihasya |) laṅkeśvara, samayajño'si yadbhujāneva niyuktavānasi | adhunā hi bhujamaṇḍalameva parivāravargaste | (vilokya sākūtam |) aye, kathamanena daśānanavacanena kiṃcitkupita iva dṛśyate
jānakīkāntaḥ | (punaḥ saharṣaviṣādam |) hanta bhoḥ,
vikacakusumastomākīrṇe parāgavibhūṣitaḥ
śaśimaṇiśilātalalpe'nalpe salīlamarauta yaḥ
ayamayamasau roṣārūḍhe kṣaṇaṃ raghunandane
bhuvi daśamukhaḥ śete dhūlicchaṭāparidhūsaraḥ

7.53

vidyādharī—(saharṣam |) tā dāṇīṃ jevva jaṇaaṇandiṇī rāmacandeṇa
samaṃ saṃgamissadi
vidyādharaḥ—atha kim
uddāmahetivalayaiḥ paridīpitāśaṃ
paśya praviśya janakendrasutā hutāśam
pratyudgatā samadhikāṃ dyutimāvahantī
prātarmayūkhakalikeva divākarasya

7.53.p1

vidyādharī—pekkha pekkha | imo asamasamarakaatthidaṃ padesaṃ
avatarai rāmacando
vidyādharaḥ—tadehi | karṇāmṛtaṃ pulomajāyai nivedayāvaḥ

7.53.p2

iti niṣkrāntau

7.53.p3

tataḥ praviśati rāmaḥ sītālakṣmaṇau sugrīvabibhīṣaṇau ca

7.54

rāmaḥ—aye, kathamupagata eva bhagavānambaramaṇiścaramācalacūḍam
lakṣmaṇaḥ—paścimapayodhivelāṃ ca | nanvidānīm
uddāmadigdviradacañcalakarṇapūragaṇḍasthaloccaladalistabakākṛtīni
mīlanrabhāṃsi mṛganābhisamānabhāṃsi
dikkandareṣu vilasantitamāṃ tamāṃsi

7.55

rāmaḥ—aye, kathamujjṛmbhitameva niśācaracakrānukāriṇā timiranikareṇa
bibhīṣaṇaḥ—nanvito'pi samunmīlitameva rāmanārācānukāriṇā
tuhinakarakiraṇaprakareṇa
sugrīvaḥ—evametat | amī hi
kṣīrābdherlaharīṣu phenadhavalāścandropaleṣu sravatpāthaḥsīkariṇo vikāsikumudakroḍe rajaḥpiñjarāḥ
unmīlanti cakoracañcugahane chinnaprarūḍhāśramatkurvantaḥ priyaviprayukta ramaṇīgātre sudhāṃśoḥ karāḥ

7.56

bibhīṣaṇaḥ—evametat | idānīṃ hi
śaṃkarārdhatanubaddhapārvatīkuṅkumāktakucakorakākṛtiḥ
sūcyate kamalinībhirunnamatpadmakośakaralīlayā śaśī

7.57

lakṣmaṇaḥ—(sakautukam |) evametat | aho
dhvāntaughe śitikaṇṭhakaṇṭhamahasi prāpte pratīcīmukhaṃ
prācīmañcati kiṃca dugdhalaharīmugdhe vidhordhāmani
etatkokacakoraśokarabhasammlānaprasannollasadṛkpātormikadambacumbitamiva trailokyamābhāsate

7.58

rāmaḥ—vatsa, evametat | idānīṃ hi
śītāṃśusphaṭikālavālavalayadrāgullasatkaumudīvallīnūtanapallavāñcitamiva prāpya kṣaṇaṃ tāmratām
cañcanmattacakoracañcughaṭanācchinnāgrakāṇḍasrutakṣīrasyandanirantarāplutabhiva śvetaṃ viyadbhāsate

7.59

(punarvilokya sakautukam |) vatsa lakṣmaṇa,
paśyodeti viyogināṃ dinamaṇiḥ śṛṅgāradīkṣāmaṇiḥ
prauḍhānaṅgabhujaṅgamastakamaṇiścaṇḍīśacūḍāmaṇiḥ
tārāmauktikahāranāyakamaṇiḥ kaṃdarpasīmantinīkāñcīmadhyamaṇiścakorapariṣaccintāmaṇiścandramāḥ

7.60

lakṣmaṇaḥ—evametat | ayamasau
svairaṃ kairavakorakānvidalayanyūnāṃ manaḥ khedayannambhojāni nimīlayanmṛgadṛśāṃ mānaṃ samunmīlayan
jyotsnāṃ kandalayandiśo dhavalayannudvelayanvāridhīnkokānākulayaṃstamaḥ kavalayanninduḥ samujjṛmbhate

7.61

bibhīṣaṇaḥ—sakhe sugrīva, paśya
mayūravanakharatruṭattibhirakumbhikumbhasthalocchalattaralatārakākapaṭakīrṇamuktāgaṇaḥ
puraṃdaraharid‌darīkuharagarbhasuptotthitastuṣārakarakesarī gaganakānanaṃ gāhate

7.62

sugrīvaḥ—sakhe bibhīṣaṇa, paśya
yaḥ śrīkhaṇḍatamālapatrati diśaḥ prācyāḥ smarakṣmāpateḥ
pāṇḍucchatrati dantapatrati viyallakṣmīkuraṅgīdṛśaḥ
keliśvetasahasrapatrati rateḥ kiṃ ca kṣapāyoṣitaḥ
krīḍārājatasīdhupātrati śaśī so'yaṃ jagannetrati

7.63

rāmaḥ—(nirvarṇya |)
sitakiraṇakapolīmālimālokayantī
timiravirahatāpavyākulāṃ vyomalakṣmīm
rajaniramalatārāśīkaraiḥ siktamasyāḥ
parimalayati gātraṃ candrikāvandanena

7.63.p1

punarvimṛśya | svagatam

7.64

indurinduriti kiṃ durāśayā bindureṣa payaso vilokyate
nanvidaṃ vijayate mṛgīdṛśaḥ śyāmakūmalakapolamānanam

7.64.p1

punaḥ sītāṃ pratyapavārya

7.65

tanvi tvadvadanasya vibhramalavaṃ lāvaṇyavārāṃnidherinduḥ sundari dugdhasindhulaharībinduḥ kathaṃ vindatu
utkallolavilocane kṣaṇamayaṃ śītāṃśuralambatāmunmīlannavanīlanīrajavanīkhelanmarālaśriyam

7.66

sītā—(lajjāṃ nāṭayati | vilokya saharṣam |) aho, kahamimo ummīlido jevva
muulīkidāravindo māṇavaīmāṇavāraṇamaindo
tihuaṇaṇaaṇāravindo raaṇīmuhacandaṇo cando

7.67

rāmaḥ—sakhe sugrīva, paśya paśya
indorasya triyāmāyuvatikucataṭīcandanasthāsakasya
vyomaśrīcāmarasya tripuraharajaṭāvallarīkorakasya
kaṃdarpakṣoṇipālasphaṭikamaṇigṛhasyaitadākhaṇḍalāśānāsāmuktāphalasya sthagayati jagatīṃ ko'pi bhāsāṃ vilāsaḥ

7.68

sugrīvaḥ—aye raghunātha, punaruktamidamācaṣṭe candramasaḥ kiraṇavilāsaḥ
rāmaḥ—kathamiva
sugrīvaḥ—nanvata eva
karpūrādapi kairavādapi dalatkundādapi svarṇadīkallolādapi ketakādapi calatkāntādṛgantādapi
dūronmuktakalaṅkaśaṃkaraśiraḥśītāṃśukhaṇḍādapi
śvetābhistava kīrtibhirdhavalitā saptārṇavā medinī

7.69

rāmaḥ—alaṃ tucchaprāyajalpitena
bibhīṣaṇaḥ—deva, tucchaprāyameva jalpitaṃ sugrīveṇa | yaduktaṃ
medinī dhavaliteti | nanu trilokītalameva dhavalitamiti vaktavyam
saṃprati hi—
samunnataghanastanastabakacumbitumbīphalakvaṇanmadhuravīṇayā vibudhalokavāmabhruvā
tvadīyamupagīyate harakirīṭakoṭisphurattuṣārakarakandalīkiraṇapūragauraṃ yaśaḥ

7.69.p1

rāmaḥ—ayi laṅkeśvara, bhavānapi kiṣkindhānādhamatamevānugataḥ

7.69.p2

punarvilokya saharṣaṃ sugrīvaṃ prati

7.70

saṃrambhodrikta naktaṃsamayadaśamukhoddaṇḍadordaṇḍahelākailāsaḥ saptalokījayamuditamanojanmavāditraśaṅkhaḥ
lolākṣīgaṇḍapālīlavaṇimajaladherudgataḥ phenapiṇḍaḥ
paśya vyomāvakāśaṃ viśati virahiṇāṃ dattaśaṅkaḥ śaśāṅkaḥ

7.70.p1

nirvarṇya | svagatam

7.71

ayaṃ netrādatre rajanīvallabha iti
bhramaḥ ko'yaṃ prajñāparicayaparādhīnamanasām
sudhānāmādhāraḥ sa khalu ratibimbādharasudhārasāsekasnigdhādajani nayanātpuṣpadhanuṣaḥ

7.72

lakṣmaṇaḥ—ārye jānaki, paśya paśya
ānandaṃ kumudādīnāminduḥ kandalayannayam
laṅghayatyambarābhogaṃ hanūmāniva sāgaram

7.72.p1

sītā—aye sulakkhaṇa lakkhaṇa, so uṇa dāṇīṃ kahiṃ rahuulakuḍumbasantāvasamaṇacandaṇo pavaṇaṇandaṇo
lakṣmaṇaḥ—ārye, sa eṣa rāmacandreṇa bandhumānanditumayodhyāyāṃ
prahitaḥ
sītā—tā amhehiṃ kiṃti vilambīadi

7.72.p2

rāmo vibhīṣaṇamukhamālokate

7.72.p3

bibhīṣaṇaḥ—(nirgatya praviśya ca |) idaṃ tatpuṣpakābhidhānaṃ vimānaratnamāruhyatām

7.72.p4

sarve vimānāvarohaṇaṃ nāṭayanti

7.73

rāmaḥ—(sakautukam |) aye, tadidaṃ vimānaratnaṃ yatkila tribhuvanaikavīraḥ .kuberāpujaḥ kuberādājahāra
lakṣmaṇaḥ—(sāmarṣam |) kathamayaṃ kiṣkindhāmahiṣmatīpatibhyaḥ samabhāgavibhaktalakṣmīko'pi tribhuvanaikavīra iti vyapadiśyate
rāmaḥ—(vihasya |) vatsa, evametat
tādṛkkaṭhorabhujayantranipīḍanena
niḥśabdatāmupagatairdaśakaṇṭhakaṇṭhaiḥ
yatkīrttighoṣaṇamakāri catuḥsamudravelāsu kiṃ sa vacasāṃ viṣayaḥ kapīndraḥ

7.74

api ca
kopapradīptanijalocanadīpavahninirbhinnasāndratimire sa daśānano'pi
kārākuṭīrakuhare vasati sma yasya
so'pyeṣa haihayapatirviṣayo na vācām

7.75

kiṃtu paribhāvaya vatsa,
yasya drākkaravālakṛttaśirasaḥ kaṇṭhālavālasthalīṃ
cūḍācandramasaṃ nipīḍya nibiḍaṃ siñcansujhānirjharaiḥ
svāṃ mene daśakhaṇḍamaṇḍana iti khyātiṃ kṛtārtho haraḥ
panthānaṃ daśakandharaḥ sa ca kathaṃkāraṃ girāṃ gāhate

7.76

(nirvarṇya |) aye, kimucyate'sya khalu trikūṭagiriśikharakaṇṭhīravasya daśakaṇṭhasya lokottarāṇi caritāni
yaddoḥśāyini candraśekharagirau bhārāvatāronnamannāgādhīśaphaṇāvalīmaṇirucāṃ pūre samunmīlati
jātāstulyamakālabālatapanātāmrāścatasro diśo
devasyāpi ruṣā tuṣārakiraṇottaṃsasya tisro dṛśaḥ

7.77

lakṣmaṇaḥ—ārya,
eṣa me manasi bhāsate'dhunā mūrtimāniva manoratho rathaḥ
nāsti no yadadhirohalīlayā dūramāgatavatāmapi śramaḥ

7.78

rāmaḥ—evametat | tathāhi
ullaṅghya nīradhimatītya ca daṇḍakāni
nadyau ca mekalakalindasute vyatītya
prāptāḥ śikhaṇḍiśatakhaṇḍitaśākhikhaṇḍamete vayaṃ śikhariṇaṃ nanu citrakūṭam

7.79

sītā—(tiryagvilokya |) ahaha kalindaṇandiṇi, saccappasādāsi
jaṃ puṇovi ṇiakuḍumbassa diṇṇadaṃsaṇāsi
rāmaḥ—ayi, tadidaṃ nirmuktavirodhaśvāpadaṃ bhagavato bhāradvājasyāśramapadam
lakṣmaṇaḥ—evametat | atra hi
vyājṛmbhamāṇavadanasya hareḥ kareṇa
karṣanti kesarasaṭāḥ kalabhāḥ kilaike
anye ca kesarikiśorakapītamuktaṃ
dugdhaṃ mṛgendravanitāstanajaṃ pibanti

7.80

api ca
krīḍanmāṇavakāṅghritāḍanaśatairūjjāgarasya kṣaṇaṃ
śārdūlasya nakhāṅkuraiṣu kurute kaṇḍūvinodaṃ mṛgaḥ
vañcaccandraśikhaṇḍituṇḍaghaṭanānirmokanirmocitaḥ
kiṃcāyaṃ pibati prasṛptanakulaśvāsānilaṃ pannagaḥ

7.81

rāmaḥ—aye, kathamayaṃ saṃprāpta eva cakravākaramaṇīsaṃrambhasamayaḥ
prabhātasamayaḥ | tathāhi
ete ketakadhūlidhūsararucaḥ śītadyuteraṃśavaḥ
prāptāḥ saṃprati paścimasya jaladhestīraṃ jarājarjarāḥ
apyete vikasatsaroruhavanīdṛkpātasaṃbhāvitāḥ
prācīrāgamūdīrayanti taraṇestāruṇyabhājaḥ karāḥ

7.82

lakṣmaṇaḥ—(sakautukam |)
sadyaḥ saṃghaṭamānakokamithunavyājena pīnastanadvandvavyañjitayauvanojjvalaruco nirmāya dikanyakāḥ
durdaivākṣaramālikāmiva jhagityākṛṣya bhṛṅgāvalīṃ
lakṣmīmambujinījanasya tanute devastviṣāmīśvaraḥ

7.83

sugrīvaḥ—bibhīṣaṇa, paśya paśya
unmīlanti niśāniśācaravadhūnirvāsanāmāntrikāḥ
sāyaṃ sālasasuptapaṅkajavanaprodhavaitālikāḥ
phullatpaṅkajakośagarbhakuharapraudbhūtabhṛṅgāvalījhāṅkārapraṇavopadeśaguravastīvradyuteraṃśavaḥ

7.84

bibhīṣaṇaḥ—evametat | tathāhi
āyāntyā divasaśriyaḥ padatalasparśānubhāvādiva
vyomāśokatarornavīnakalikāgucchaḥ samujjṛmbhate
ātanvannavataṃsavibhramamasāvāśākuraṅgīdṛśāmunmīlattaruṇaprabhākarakarastomaḥ samudbhāsate

7.85

rāmaḥ—priye,
etattarkaya cakravākasudṛśāmāśvāsanādāyinaḥ
prauḍhadhvāntapayodhimagnajagatodattāvalambotsavāḥ
dīptāṃśorvikasanti diṅmṛgadṛśāṃ kāśmīrapaṅkodakavyātyūkṣīcaturāḥ saroruhavanaśrīkelikārāḥ karāḥ

7.86

(apavārya |) paśya paśya
śithilayati sarāgo yāvadako nalinyāḥ
kamalamukulanīvīgranthimudrāṃ kareṇa
pravikasadalimālā guñjitairmañjuśabdā
janayati mudamuccaiḥ kāmināṃ kāminīva

7.87

sītā—(vihasya vilokya ca |) kahaṃ imo ummīlido jevva
puvvagiripammarāyo paaḍīkidaṇaaṇaśīalasahāo
kuṅkumakiaṅgarāo ṇaliṇījaṇavallaho devo

7.88

rāmaḥ—(prakāśam |) aye, jānaki, paśya
taralatarataraṅgabhaṅgahelābahalavilāsadilolahaṃsamālā
amarapurataraṅgiṇīyamambā suranaramaṅgalakāriṇī na dūre

7.88.p1

sītā saharṣaṃ tadeva paṭhati saṃskṛtaṃ prākṛtaṃ ca

7.89

rāmaḥ—(saharṣam |) vatsa lakṣmaṇa, iyamadūre raghukulamaṅgalāṅkuraprarohakedāradharaṇītaraṅgiṇī sarayūḥ | iyaṃ ca sarayūtaraṅgaśīkaraśītalīkṛtaparisarā nagarīsīmantamaṇirayodhyā
lakṣmaṇaḥ—(saharṣam |) ayamasau bharatānuyātastvadabhiṣekakṛtamatirbhagavānarundhatīpatiḥ
dilīpakulamāṇikyaṃ sakalāśāvikāsakam
āvirbhavantaṃ bhāsvantaṃ bhavantaṃ saṃpratīkṣate

7.90

tena puṣpakādavattarāmaḥ
rāmaḥ—vatsa, pratīkṣannehaiva tāvatsulabhasakalamaṇḍalālokamākhaṇḍalāśāmaṇḍanaṃ bhagavantaṃ caṇḍamarīciṃ namasyāmaḥ | (añjaliṃ baddhvā |)
prācīkuṅkumatilakaṃ pūrvācalaśekharaikamāṇikyam
tribhuvanagṛhaikadīpaṃ vande lokaikalocanaṃ devam

7.90.p1

nepathye

7.91

aye vatsa rāmabhadra
rāmaḥ—aho adbhutam
vikāsayantī nitarāṃ padmānīva manāṃsi naḥ
prabheva bhāratī kāpi bhānubimbādvijṛmbhate

7.91.p1

nepathye

7.92

yaśaḥpūraṃ dūraṃ tanu sutanunetrotpalavanītamastandrī caṇḍāttapa tapa sahasrāṇi śaraddām
iyaṃ cāstāṃ yuṣmadguṇakathanapīyūṣapaṭalaśritotsaṅgā nandatsuranarabhujaṅgā trijagatī

7.92.p1

rāmaḥ—anugṛhīto'smi

7.92.p2

punarnepathye

7.93

anyacca te kimāśāsmahe
sugrīvaḥ—aye tāta dinakara, paripūrṇamanoratha eva rāmabhadraḥ
anena hi
prāptā nirbharamunnatirnijaguṇairājñā pituḥ pālitā
sugrīvaśca bibhīṣaṇaśca paramāṃ rājyaśriyaṃ prāpitau
saṅgrāme daśakandharaḥ suraripurnīto yaśaḥśeṣatāṃ
dṛṣṭo bandhujanaśca harṣavigaladvāṣpollasallocanaḥ

Linked texts (3)

Mahānāṭaka — Hanumān, Sanskrit
Subhāṣitaratnabhāṇḍāgāra — Kāśīnātha Pāṇḍuraṅga Paraba 1886, Sanskrit
Śārṅgadharapaddhati — Śārṅgadhara, Sanskrit

Discussed in (2)

A History of Sanskrit Literature: Classical Period, Vol. I — Dasgupta & De 1947, English
The Sanskrit Drama in its Origin, Development, Theory & Practice — Keith 1924, English

Prasannaraghava 7

Contents