Karpuramanjari 3

Karpūramañjarī 3

Language: Śaurasenī Prakrit

3.6 — 2 parts
3.7 — 1 part
3.8 — 1 part
3.9 — 2 parts
3.29 — 4 parts
3.40 — 2 parts
3.41 — 2 parts
3.42 — 4 parts
3.43 — 7 parts
3.45 — 2 parts
3.46 — 2 parts
3.49 — 2 parts
3.50 — 4 parts

3.1

pratīhārī—( parikrāmitakena | ) ido ido mahārāo
rājā—( katicitpadāni gatvā | tāmanusaṃdhāya | ) tahiṃ khu avasare
ṇaṭṭhāṇāhiṃ tilaṃtaraṃ pi calidā sutthā ṇiaṃbatthalī
thoudvellavalītaraṃgamudaraṃ kaṃṭho tiricchaṭṭhido
veṇīe uṇa āṇaṇendubhamaṇe laddhaṃ thaṇāliṃgaṇaṃ
jādā tīa caubbihā taṇuladā taṃsaṃ valaṃtī mae

3.2

pratīhārī-(svagatam |) kahaṃ ajja vi so jjeva siritālīvattāsaṃcao, tāo jjeva akkharapaṃtīo | tā vasaṃtavaṇṇaṇeṇa siḍhilāmi se
taggadaṃ hiaāvajjaṃ | (prakāśam |) diṭṭhiṃ dedu mahārāo īsīsi jaraḍhāamāṇe kusumāarammi
mūlāhiṃto parahudavahūkaṃṭhamuddaṃ dalaṃtā
deṃtā dīḍhamahurimaguṇaṃ jaṃpie chappaāṇaṃ
saṃcāreṃtā virahiṃsu ṇavaṃ paṃcamaṃ kiṃ ca rāaṃ
rāummattā raikulaharā vāsaro vittharaṃti

3.3

rājā—( tadanākarṇya sānurāgam | )
ātthāṇījaṇaloaṇāṇa vahalā lāvaṇṇakalloliṇī
līlāvibbhamahāsavāsaṇaarī sohaggapāḷittiā
ṇettendīvaradīhiā maha puṇo siṃgārasaṃjīviṇī
¹jaṃ jādā maha mammaheṇa dhaṇuhe tikkho saro ²saṃdhido

3.4

(sonmādamiva |) daṃsaṇakkhaṇādo pahudi kuraṃgacchī
citte bahuṭṭadi ṇa tuṭṭadi sā guṇesuṃ
sejjāe luṭṭhadi visappadi diṅmuhesuṃ
bolammi vahṭadi paaṭṭadi kavvabandhe
jhāṇe ṇa tuṭṭadi ciraṃ taruṇī taraṭṭhī

3.5

avi a,–
je tīa tikkhacalacakkhutihāyadiṭṭhā
te kāmacaṃdamahapaṃcamamāraṇijjā
jesuṃ puṇo ṇivaḍiā saalā vi diṭṭhī
dhaṭṭhatti te tilajalaṃjalidāṇajoggā

3.6

( sammaraṇamiva | ) avi a,–
aggammi bhiṃgasaraṇī ṇaaṇāṇa tīe
majjhe puṇo phaḍhidaduddhataraṃgamālā
pacchā a se saradi taṃsaṇirikkhidesuṃ
āaṇṇamaṃḍalidacāvaharo aṇaṃgo

3.6.p1

( vicintya |) cirāadi piavaasso

3.6.p2

praviśya vidūṣako vicakṣaṇā ca parikrāmataḥ

3.7

vidūṣakaḥ—ai viakkhaṇe ! saccaṃ saccaṃ edaṃ ?
vicakṣaṇā—saccaṃ saccaaraṃ
vidūṣakaḥ—ṇāhaṃ pattijjāmi, jaṃdo parihāsasīlā khu tumaṃ
vicakṣaṇā—ajja ! mā evaṃ bhaṇa | aṇṇo vaṃkkarakālo, aṇṇo
kajjaviārakālo
vidūṣakaḥ- (puro'valokya |) eso piavaasso haṃso via vimukkamāṇaso, karī via maakkhāmo, muṇāladaṃḍo via ghaṇaghammamilāṇo,
diṇadiṇṇadīvo via vialiacchāyo, pabhādapuṇṇimācaṃdo via
paṃḍuraparikkhīṇo ciṭṭhadi
ubhau-(parikramya |) jaadu jaadu mahārāo
rājā-vaassa ! kahaṃ puṇo vi viakkhaṇāe milido si !
vidūṣakaḥ-ajja viakkhaṇā mae saha saṃdhiṃ kāduṃ āgadā
kidasaṃghīe edāe saha maṃtaaṃtassa ettiā velā laggā
rājā-saṃdhikaraṇassa kiṃ phalaṃ ?
vidūṣakaḥ—esā ahiṃmadajaṇapesidalehahatyā ṇaṃ viakkhaṇā
āgadā
rājā—(gandhaṃ sūcayitvā |) kedaīkusumagaṃdho via āādi
vicakṣaṇā—kedaīdalaleho eṣa eso mahaṃ hatthe
rājā—mahusamae kiṃ kedaīkusumaṃ ?
vicakṣaṇā—bhairavāṇaṃdadiṇṇamaṃtappahāveṇa devībhavaṇujjāṇe kedaīlaṭṭhīe ekko dāva pasavo daṃsido| tassa dohi dalasaṃstate/puḍehiṃ ajja hiṃdolaappabhaṃjaṇīe cautthīe haravallahāe devīe devī accidā | aṇṇaṃ ca
dalasaṃpuḍhajualaṃ puṇa kaṇiṭhṭhabahiṇiāe kappūramaṃjarīe pasādīkidaṃ
tīe vi ekkeṇa dalasaṃpuḍeṇa bhaavadī gorī jjeva accidā | aṇṇaṃ ca,—
kedaīkusumapattasaṃpuḍaṃ pāhuḍaṃ tua sahīa pesidaṃ
eṇaṇāhimasicaṇṇasohiṇā taṃ siloajumaleṇa laṃchidaṃ

3.7.p1

iti lekhamarpayati

3.8

rājā—( prasārya vācayati | )
haṃsiṃ kuṃkumapaṃkapiṃjarataṇuṃ kāūṇa jaṃ vaṃcido
tabbhattā kila cakkavāagharaṇī esa tti maṇṇaṃtao
evaṃ taṃ maha dukkidaṃ pariṇadaṃ dukkhāṇa sikkhāvaṇaṃ
ekkattho vi ṇa jāsi jeṇa visaaṃ diṭṭhītihāassa vi

3.8.p1

rājā tadeva dvistrirvācayati

3.9

vidūṣakaḥ—edāīṃ tāīṃ maaṇarasāaṇāīṃ akkharāīṃ
vicakṣaṇā—dudio uṇa mae piasahīe avatthāṇivedao kaṭua
siloo lihido ettha | taṃ vācedu mahārāo
rājā—(vācayati|)
saha divasaṇisāhiṃ dīharā sāsadaṃḍā
saha maṇivalaehiṃ bāhadhārā galaṃti
tuha suhaa vioe tīa uvviggiṇīe
saha a taṇuladāe duvvalā jīvidāsā

3.9.p1

vicakṣaṇā—iha jeva edāe avatthāe maha mahallavahiṇīāe
sulakkhaṇāe olagrā bhavia silogo kado, taṃ mahārāo suṇadu

3.9.p2

paṭhati

3.10

ṇīsāsā hārajaṭṭīsarisapasaraṇā caṃdaṇucchedakārī
caṃḍo dehassa dāho sugaraṇasaraṇā hāsasohā muhammi
aṃgāṇaṃ paṃḍubhāvo diahasasikalākomalo kiṃ ca tīe
ṇiccaṃ bāhappavāhā tuha suhaa ! kade hoṃti kulyāhi tullā

3.11

rājā-(niḥśvasya|) kiṃ bhaṇṇai-kaittaṇeṇa tuha jeṭṭhabahiṇiā khu
esā ?
vidūṣakaḥ-esā viakkhaṇā mahīalasarassaī| edāe uṇa jeṭṭhabahiṇiā tihuaṇasarassaī| tā edāhiṃ samaṃ pāḍisiddhiṃ ṇa karissaṃ
kiṃ puṇa piavaassassa purado maaṇāvatthaṃ attaṇo ucidehiṃ akkharehiṃ
ṇivedemi
rājā-paḍha| edaṃ suṇīadi
vidūṣakaḥparaṃ joṇhā uṇhā garalasariso caṃdaṇaraso
sarakkhāro hāro raaṇipavaṇo dehattavaṇo
muṇālī bāṇālī jalai a jaladdhā taṇuladā
variṭṭhā jaṃ diṭṭhā kamalabavaaṇā sā suṇaaṇā

3.12

rājā—vaassa ! tumaṃ pi thoeṇa caṃdaṇaraseṇa samālihijjasi
tā kahesu taggadaṃ kiṃ pi vuttaṃtaṃ | adha aṃteure ṇaia devīe kiṃ kidaṃ
tissā ?
vidūṣakaḥ—viakkhaṇe ! kiṃ kidaṃ ?
vicakṣaṇā—deva ! maṃḍidā ṭikkidā bhūvidā tosidā a
rājā—kadhaṃ via ?
vicakṣaṇā—
ghaṇamuvvaṭṭidamaṃgaṃ kuṃkumarasapaṃkapiṃjaraṃ tissā
rājā—
rosāṇia phuḍaṃ tā kaṃcaṇamayavāliyārūvvaṃ

3.13

vicakṣaṇā—
maragayamaṃjīrajuaṃ caraṇā se laṃbhiā vayaṃsīhiṃ
rājā—
bhamiamahomuhapaṃkaajualaṃ tā bhamaramālāe

3.14

vicakṣaṇā—
rāasaapicchaṇīlaṃ paṭṭaṃsuajualaa ṇivatthā sā
rājā—
kayalīa kaṃdalī tā sarapavaṇappaṇolliadalaggā

3.15

vicakṣaṇā—
tīe ṇiaṃbaphalae ṇivesiyā pomarāamaṇikaṃcī
rājā—
kaṃcaṇaselasilāe barihī tā kārio ṇaṭṭaṃ

3.16

vicakṣaṇā—
diṇṇā valaāvalīu karakamalapaoṭṭhaṇālajualammi
rājā—
tā bhaṇa kiṃ ṇa rehai viparīaṃ maaṇatoṇīraṃ

3.17

vicakṣaṇā—
kaṃṭhammi tīa ṭhavido chammāsiamottiāṇa varahāro
rājā—
sevai tā paṃtīhiṃ muhacaṃdaṃ tāraāṇikaro

3.18

vicakṣaṇā—
uhaesu vi sayaṇesuṃ ṇivesiśraṃ rayaṇakuṃḍrulajuaṃ se
rājā—
tā śraṇammaharaho dohi vi cakkehiṃ caṃkamido

3.19

vicakṣaṇā—
jayaṃaṇajaṇiprasāhaṇāīṃ jādāham̐ tīe kaāham̐ ṇaaṇāhaṃ
rājā—
tā uppīu ṇaśrakuvalaasilimmudde paṃcavāṇassa

3.20

vicakṣaṇā—
kuḍilālakāṇa mālā lalāḍololaggasaṃgiṇī rahaā
rājā—
tā sasivivassovari vahai majjhāu¹ sāraṃgo

3.21

vicakṣaṇā—
ghaṇasāratāraṇaaṇāi gūḍhakusumurucao cihurabhāro
rājā—
sasirāhumallajujjhaṃ va daṃsidamaiṇaṇaaṇāe

3.22

vicakṣaṇā—
ia devīa jahicchaṃ pasāhaṇehiṃ pasāhiā kumarī
rājā—
tā kelikāṇaṇamahī vihūsiā surahilacchīe

3.23

vidūṣakaḥ-deva ! hṛdaṃ paramattha viṣṇavīadi,jissā diṭṭhī saraladhavalā kajjalaṃ tīa joggaṃ
jā ṇinthiṇṇatthaṇakalasiṇī rehai tīa hāro
cakkāāre ramaṇaphalae ko vi phaṃcīmaraṭṭho
jissā tissā puṇa vi bhaṇimo bhūṣaṇa dūsaṇaṃ ca

3.24

rājā-(punastāmanudhyāya |)
tivalivaliyaṇāhīgāhamūlesu laggaṃ
thaṇakalasaṇiagāḍamvaresūsamaṃta
jalaṇiviḍamimīe leṇhaaṃ ṇhāṇapottaṃ
pisuṇadi taṇulacchīlaṃgimaṃ caṃgimaṃ ca

3.25

vidūṣakaḥ—(sakrodhamiva |) bho ! mae sabālaṃkārasahidā vaṇṇidā
tumaṃ puṇa jalaviluttapasāhaṇaṃ jeva sumarasi | tā kiṃ ṇa sudaṃ deveṇa ?
ṇissaggacaṃgassa vi māṇusassa sohā samummīladi bhūsaṇehiṃ
maṇīṇaṃ jaccāṇaṃ vi kaṃcaṇeṇa vibhūsaṇe labbhadi kā vi lacchī

3.26

rājā—
muddhāṇa ṇāma hiaāīṃ haraṃti haṃta
ṇevacchakappaṇaguṇeṇa ṇiaṃbiṇīo
cheā puṇo paaicaṃgimabhāvaṇijjā
dakkhāraso ṇa mahurajjadi sakkarāe

3.27

vicakṣaṇā—jadhā deveṇa ādihaṃ,—
thorāṇaṃ thaṇaāṇa kaṇṇakaliālaṃghīśa acchīṇa vā
bhūcaṃdassa muhassa kaṃtisariāsottarasa gattassa a
ko ṇevacchakalāa kīradi guṇo jaṃ taṃ pi savvaṃ piaṃ
suṃttavvaṃ suṇa tattha kāraṇamimaṃ ruḍhīa kā khaṃḍaṇā

3.29

rājā—( vidūṣakamuddiśya | ) suppaṃjala kaviṃjala! esa sikkhāvīasi
kiṃ kajjaṃ kittimeṇaṃ viraaṇavidhiṇā so ṇaḍīṇaṃ viḍaṃgho
taṃ ceṃgaṃ jaṃ ṇisaggaṃ jaṇamaṇaharaṇaṃ teṇa sīmaṃtiṇīo
jamhiṃ savvaṃgasaṃgo saalaguṇagaṇo so adaṃbho alaṃbho
tamhiṃ ṇecchaṃti kāle paramasuhaare kiṃ pi ṇevacchalacchiṃ 28
vicakṣaṇā—deva ! idaṃ viṇṇavīadi—ṇa kevalaṃ devīṇiameṇa
tissā aṇugada mhi | tārāmettīe vi sahittaṇaṃ uṃvagadā kappūramaṃjarīe
teṇa takkajjasajjā ahaṃ puṇa olabdhāviā bhavissaṃ
vicakṣaṇā—
tissā tāvaparikkhaṇāa ṇihido hattho thaṇutthaṃgado
dāhuddāmarido sahīhi bahuso helāa kahjijjaḍhi
kiṃ teṇāvi imaṃ ṇisāmaya giraṃ saṃtosaṇiṃ tāsāṇiṃ
hatthacchattaṇivāridiṃdukiraṇā volei sā jāmiṇīṃ

3.29.p1

kajjasesaṃ kaviṃjalo ṇivedaddassadi | taṃ ca deveṇa tathā kādavvaṃ | ( iti
parikramya niṣkrāntā |)
rājā—vaassa ! kiṃ puṇa taṃ kajjasesaṃ ?
vidūṣakaḥ—ajja hiṃdolaacautthī | tahi goriṃ kahua devīe
kappūramaṃjarī hiṃdolae āroidavvā | tā maragaapūṃjaṭṭhideṇa jjeva deveṇa
kappūramaṃjarī hiṃdolaaṃtī daṭṭhavvā | edaṃ taṃ kajjasesaṃ
rājā—(vicintya |) tā adiṇiuṇā vi chalidā devī
vidūṣakaḥ—pāidā juṇṇamajjāriā duddhaṃ tti takkaṃ
rājā—vaassa ! ko aṇṇo tumhāhiṃto me kajjasajjo ? ko
aṇṇo caṃdāhiṃto samudbhavaḍḍhaṇaṇiṭṭho ?

3.29.p2

iti parikramya kadalīgṛhapraveśaṃ nāṭayataḥ

3.29.p3

vidūṣakaḥ—iaṃ uttuṃgā phalihamaṇivediyā | tā iha uvavisadu
piavaasso

3.29.p4

rājā tathā karoti

3.30

vidūṣakaḥ—(hastamudyamya) bho dīsadu puṇṇimācaṃdo
rājā—(vilokya |) ae ! dolārūḍhāe maha vallahāe vaaṇaṃ
puṇṇimācaṃdo tti ṇiddisadi | (samantādavalokya |)
vicchāaṃto ṇaararamaṇīmaṃḍalabsāṇaṇāiṃ
vicchāḷaṃto gaaṇakuharaṃ kaṃtijoṇhājaleṇa
pecchaṃtīṇaṃ hiaaṇihidaṃ ṇiddalaṃtto a dappaṃ
dolālīlāsaralataralo dīsae se muheṃdū

3.31

avi a,—
uccehiṃ gourehiṃ dhuadhavalavaḍāḍaṃbarillāvalīhiṃ
ghaṃṭāṃrhi ciṃdurillāsurataraṇivimāṇāṇusāraṃ lahaṃtī
pāāraṃ laṃghayaṃtī kuṇadi raavasā uṇṇamaṃtī ṇamaṃtī
eṃtī jaṃtī a dolā jaṇamaṇaharaṇī cuṭṭuṇuvvuṭṭhaṇehiṃ

3.32

avi a, -
raṇaṃtamaṇiṇeuraṃ jhaṇajhaṇaṃtahāracchaḍaṃ
kalakkaṇidakiṃkiṇīmuharamehalāḍaṃbaraṃ
vilolevelāvalījaṇidamaṃjusiṃjāravaṃ
ṇa kassa maṇamohaṇaṃ sasimuhīa hiṃdolaṇaṃ

3.33

vidūṣakaḥ-bho ! suttaāro tuvaṃ | ahaṃ puṇa vittiāro bhavia
vitthareṇa vaṇṇemi
uvariṭṭhiathaṇavvabbhāraṃcipiaṃ caraṇapaṃkaāṇa juaṃ
pukkārai va maaṇaṃ raṇaṃtamaṇiśeuraraveṇa

3.34

hiṃdolaṇalīlālalaṇalaṃpaṭaṃ raha cakkavakkalaṃ ramaṇaṃ
kikilai va saharisaṃ kaṃcīmaṇikiṃkaṇiraveṇa

3.35

tāraṃdolaṇahelāmaraṃtasariacchaleṇa se hāro
vikkirai va kusumāuhaṇaravaiṇo kittivallīo

3.36

saṃmuhapavaṇapalolliavarāhaddaradāviāī aṃgāī
haṃkāriūṇa maaṇaṃ pāsammi ṇivesaaṃti va

3.37

tāḍaṃkajuaṃ gaṃṭesu bahalaghusiṇesu ghaḍaṇalīlāhiṃ
dei va dolaṃdolaṇarehāo gaṇaṇakaṃtveṭṭhaṇa

3.38

ṇaaṇāīm̐ pasaisarisāim̐ jhatti phullāīm̐ koduhaleṇa
appem̐ti va kuvalaasilimmuhe paṃcavāṇassa

3.39

dolāraaviccheo kahaṃ pi mā hodi itti paḍai vva
piṭṭhimmi veṇidaṃḍo mammahacammaṭṭiāaṃto

3.40

ia eāī vilāsujjalāīm̐ dolāpavaṃcacariāīṃ
kassa ṇa lihai va citte ṇiuṇaṃ kaṃdappacittaaro

3.40.p1

rājā—(saviṣādam |) avaiṇṇā kappūramaṃjarī ? riktā dolā, rittaṃ
a majjha cittaṃ, rittāīṃ daṃsaṇussuajaṇaṇaaṇāīṃ
vidūṣakaḥ—tā vijjaleha vva khaṇadiṭṭhanaṭṭhā
rājā—mā evaṃ bhaṇa | hariaṃdapuri va diṭṭhā paṇaṭṭhā a

3.40.p2

smṛtināṭitena

3.41

maṃjiṭṭhī oṭṭhamuddā ṇavaghaḍiasuvaṇṇaujjalā aṃgalaṭṭhī
diṭṭhī bāliṃdulehādhavalimajaaṇī kuṃtalā kajjalāhā
itthaṃ vaṇṇāṇa rehā viharai hariṇīcaṃcalacchī a esā
kaṃdappo 1jāyadappo juvajaṇajaaṇe puṇṇalakkho 2vibhāi

3.41.p1

vidūṣakaḥ—edaṃ taṃ maragaapuṃjaṃ | iha ucavisia piavaasso
paḍivāledu taṃ | sajhā vi saṇihidā vahnidi

3.41.p2

ubhau tathā kurutaḥ

3.42

rājā—aisisiraṃ pi himāṇiṃ satāvadāiṇiṃ majjhaṇṇacelaṃ aṇuhavāmi
vidūṣakaḥ—tā lacchīsahaaro khaṇaṃ ciṭṭhadu devo, jāva ahaṃ sisirovaārasāmaggiṃ saṃpādemi | (iti nāṭyena niṣkramya puro'valokya ca |) kiṃ
puṇa esā viakkhaṇā ido ṇiaḍiā āgacchadi
rājā—saṇihido saṃkedakālo kahido 1maṃtīhiṃ pi | (smṛtvā
madanāvasthāmabhitīya |)
kisalaakaracaraṇā vi hu kuvalaaṇaaṇā miaṃkavaaṇā vi
ahaha ṇavacaṃpaagī taha vi hu tāvei accariaṃ

3.42.p1

vidūṣakaḥ—( samyagavalokya |) aho, viakkhaṇā sisirovaāresāmaggīsahidā ādadā

3.42.p2

tata praviśati śiśiropacārasāmagrīsahitā vicakṣaṇā

3.42.p3

vicakṣaṇā—( parikramya |) aho, piasahīe mahaṃto khu virahadāhajjaro
vidūṣakaḥ—( upasṛtya |) bhodi ! ki edaṃ ?
vicakṣaṇā—sisirovaārasāmaggī
vidūṣakaḥ—kassa kade ?
vicakṣaṇā—piasahīe kade
vidūṣakaḥ—tā maha vi addhaṃ dehi
vicakṣaṇā—kiṃ ṇimittaṃ ?
vidūṣakaḥ—mahārāassa kade
vicakṣaṇā—ki puṇa kāraṇaṃ tassa ?
vidūṣakaḥ—kappūramaṃjarīe vi ki ?
vicakṣaṇā—kiṃ ṇa jāṇāsi mahārāassa daṃsaṇaṃ ?
vidūṣakaḥ—tuvaṃ pi kiṃ ṇa jāṇāsi mahārāassa kappūramaṃjarīe
daṃsaṇaṃ ?

3.42.p4

ityubhau hasataḥ

3.43

vicakṣaṇā—tā kahiṃ mahārāo ?
vidūṣakaḥ—tuha vaaṇeṇa maragaapūṃje ciṭṭhadi
vicakṣaṇā—tā mahārāeṇa saha maragaapyuṃjaduāre ciṭṭha khaṇaṃ,
jeṇa uhaadaṃsaṇe jāde sisirovaārasāmaggīe jalaṃjalī dijjadi
vidūṣakaḥ—(tāmupasṛtya |) tarhi gaccha jado ṇāgacchasi
(iti kṣipati |) ( punastā prati |) tā kīsa duāradese bhavidavvaṃ ?
vicakṣaṇā—devīe ādeseṇa kappūramaṃjarī samāacchadi
vidūṣakaḥ—kiṃ tīe ādeso ?
vicakṣaṇā—tahi devīe bālataruṇo tiṇṇi ārovidā
vidūṣakaḥ—ke ke ?
vicakṣaṇā—kuravaatilaaasoā
vidūṣakaḥ—tā. kiṃ tehi ?
vicakṣaṇā—bhaṇidā sā devīe | jadhā,—
kuravaatilaaasoā āliṃgaṇadaṃsaṇaggacalaṇahaā
viasaṃti kāmiṇīṇaṃ tā tāṇaṃ dehi dohalaa

3.43.p1

eṇhi taṃ saṃpādissadi
vidūṣakaḥ—tā maragaapūṃjādo piavaassaṃ āṇia tamālaviḍhavaṃtariaṃ ṭhāvia edaṃ paccakkhaṃ karaissaṃ | ( tathā nāṭayitvā | rājānaṃ prati | )
bho bho, uṭṭhia pekkha ṇiahiaasamuddacaṃdalehaṃ

3.43.p2

rājā tathā karoti

3.43.p3

tataḥ praviśati viśeṣabhūṣitāṅgī karpūramañjarī

3.43.p4

karpūramañjarī—kahiṃ puṇa viakkhaṇā ?
vicakṣaṇā—( tāmupasṛtya | ) sahi ! kīradu devīe samādiṭṭhaṃ
rājā—vaassa ! kiṃ puṇa taṃ ?
vidūṣakaḥ—tamālaviḍavaṃtarido bhavia jāṇa

3.43.p5

rājā tathā karoti

3.43.p6

vicakṣaṇā—esa kuravaatarū

3.43.p7

karpūramañjarī tamāliṅgati

3.44

rājā—
ṇavakuravaarukkho kuṃbhathoretthaṇīe
rahasaviraideṇaṃ ṇibbharāliṃgaṇeṇaṃ
taha kusumasamiddhiṃ laṃbhido suṃdarīe
jaha bhasalakulāṇaṃ pettha jattā samattā

3.45

vidūṣakaḥ—bho, pekkha pekkha maheṃdajālaṃ | jeṇa,—
bālo vi kuravaatarū taruṇīe gāḍhamuvagūḍho
sahasa tti kusumaṇiaraṃ maṃaṇasare via samuggirai

3.45.p1

rājā—īdiso jjeva dohalassa pahāvo
vicakṣaṇā—aaṃ tilaaddumo

3.45.p2

karpūramañjarī ciraṃ nirvarṇayantyavekṣate

3.46

rājā—
tikkhāṇaṃ taralāṇaṃ kajjalakalāsaṃvaggidāṇaṃ pi se
pāse paṃcasaraṃ silīmuhadharaṃ ṇiccaṃ kuṇaṃtāṇam̐ a
ṇettāṇaṃ tilaaddume ṇivaḍidā dhāḍī maacchīa jaṃ
taṃ so maṃjaripuṃjadaṃturasiro romaṃcido vva ṭṭhio

3.46.p1

vicakṣaṇā—eso vi asoasāhī

3.46.p2

karpūramañjarī caraṇatāḍanaṃ nāṭayati

3.47

rājā—
asoatarutāḍaṇaṃ ruṇidgeureṇaṃghriṇā
kadaṃ ca maalaṃchaṇacchavimuhīa helulasaṃ
sihāsu saalāsu vi tthavaamaṃḍaṇāḍaṃvaraṃ
ṭhidaṃ ca gaaṇagaṇe jaṇaṇirikkhaṇijjaṃ khaṇaṃ

3.48

vidūṣakaḥ—bho vaassa ! jaṃ saaṃ ṇa kadaṃ dohaladāṇaṃ devīe
jāṇāsi ettha kiṃ kāraṇaṃ ?
rājā—tumaṃ jāṇāsi ?
vidūṣakaḥ—bhaṇāmi jai devo ṇa kuppadi
rājā—ko ettha rosāvasaro ? bhaṇa ummuddidā jīhā
vidūṣakaḥ—
iha jai vi kāmiṇīṇaṃ suṃdaraṃ dharai avayavāṇa sirī
addilevaa vva ṇivasai taha vi hu tārunnae lacchī

Commentaries (1)

Karpūramañjarīprakāśa — Vāsudeva, Sanskrit

Discussed in (1)

The History and Culture of the Indian People — Majumdar et al. 1951, English

Karpuramanjari 3

Contents

Commentaries (1)

Discussed in (1)