[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Drama (rūpaka)](https://indike.org/pramana/in.lit.plays) › [Udayana and other classical court plays](https://indike.org/pramana/in.lit.plays.udayana) › [Mitabhashini](https://indike.org/pramana/in.lit.plays.udayana.mitabhasini) › 2 # Mitabhashini 2 Mitabhāṣiṇī 2 - **Language:** Sanskrit ## Contents - [2.3](https://indike.org/pramana/in.lit.plays.udayana.mitabhasini.2.3) — 2 parts - [2.7](https://indike.org/pramana/in.lit.plays.udayana.mitabhasini.2.7) — 2 parts - [2.8](https://indike.org/pramana/in.lit.plays.udayana.mitabhasini.2.8) — 2 parts - [2.10](https://indike.org/pramana/in.lit.plays.udayana.mitabhasini.2.10) — 2 parts - [2.15](https://indike.org/pramana/in.lit.plays.udayana.mitabhasini.2.15) — 4 parts ### [2.1](https://indike.org/pramana/in.lit.plays.udayana.mitabhasini.2.1) (tataḥ praviśati yathānirdiṣṭaparivāro rājā) | rājā (ātmagatam)kāmaṃ priyā na sulabhā manastu tadbhāvadarśanāśvāsi akṛtārthe'pi manasije ratimubhayaprārthanā kurute ### [2.1-2](https://indike.org/pramana/in.lit.plays.udayana.mitabhasini.2.1-2) (smitaṃ kṛtvā) evamātmābhiprāyasambhāviteṣṭajanacittavṛttiḥ prārthayitā viḍambyate rājā-kuto'yaṃ gātropaghātaḥ ? vidūṣakaḥ- kudo kila macca acchī āulīkaria assu(tataḥ praviśati yathānirdiṣṭaparivāro rājā) | rājā (ātmagatam)-kāmaṃ priyā na sulabhā manastu tadbhāvadarśanāśvāsi akṛtārthe'pi manasije ratimubhayaprārthanā kurute ### [2.2](https://indike.org/pramana/in.lit.plays.udayana.mitabhasini.2.2) (smitaṃ kṛtvā) evamātmābhiprāyasambhāviteṣṭajanacittavṛttiḥ prārthayitā viḍamvyate 1 yathānirdiṣṭa &c —paricāryyate anena iti pari + dṛ + ṇic + ghañ karaṇe snigdhaṃ vīkṣitamanyato'pi nayane yat prerayantyā tayā yātaṃ yacca nitambayogurutayā mandaṃ vilāsādiva mā gā ityuparuddhayā yadapi sā sāsūyamuktā sakhī sarvaṃ tat kila matparāyaṇamaho kāmo svatāṃ paśyati ### [2.3](https://indike.org/pramana/in.lit.plays.udayana.mitabhasini.2.3) vidūṣakaḥ ( tathāsthita eva )—bho vayassa, ṇa me hatthapādā pasaranti vāṅmātteṇa jjayāvīasi—jayadu jayadu bhavaṃ \[ bho vayasya, na me hastapādaṃ prasarati | vāṅmātreṇa jāpyase jayatu jayatu bhavān \] rājā—kuto'yaṃ gātropaghātaḥ ? vidūṣakaḥ-kudo kila sayaṃ acchī āulīkaria assukāraṇaṃ pṛcchasi \[ kutaḥ kila svayamakṣi ākulīkṛtya aśrukāraṇaṃ pṛcchasi \] rājā-na khalvavagacchāmi vidūṣakaḥ-bho vayyassa jaṃ vedaso kujjalīlaṃ viḍambedi taṃ kiṃ attaṇo pahāveṇa ṇaīveassa \[bho vayasya yat vetasaḥ kubjalīlāṃ viḍambayati tat kimātmanaḥ prabhāveṇa nanu nadīvegasya \] rājā-nadīvegastatra kāraṇam vidūṣakaḥ-mama vi bhava' \[ mamāpi bhavān \] rājā-kathamiva vidūṣakaḥ-evva rājakajjāṇi ujjhia eārise āulappadese vaṇacaravuttiṇā tue hodavvaṃ, jaṃ saccaṃ paccahaṃ sāvadasamucchāraṇehiṃ saṃkhohiasaṃdhibaṃ'dhāṇaṃ mama gattāṇa aṇīsomhi saṃvutto tā pasīda me ekkāhampi dāva visammīadu \[ eva' rājakāryāṇi ujjhitvā etādṛśe ākulapradeśe vanacaravṛttinā tvayā bhavitavyaṃ yat satyaṃ pratyahaṃ śvāpadamamutsāraṇaiḥ saṃkṣobhitasandhivandhānā mama gātrāṇām anīśo'smi savṛttaḥ | tat prasīda me, ekāhamapi tāvat viśramyatām \] rājā ( svagatam ) - ayaṃ caivamāha | mamāpi kāśyapasutāmanusmṛtya mṛgayāvikalavaṃ cetaḥ | kutaḥna namayitumadhijyamasmi śakto dhanuridamāhitasāyakaṃ mṛgeṣu sahavasatiyupetya yaiḥ priyāyāḥ kṛta iva mugdhavilokitopadeśa ### [2.3.p1](https://indike.org/pramana/in.lit.plays.udayana.mitabhasini.2.3.p1) vidūṣakaḥ ( rājño mukhaṃ vilokya )—attabhavaṃ kiṃ vi hiae karia mante di | araṇṇe mae rudiyaṃ āsi \[atrabhavān kimapi hṛdaye kṛtvā mantrayate | araṇye mayā ruditam āsīt \] rājā—( sasmitam )—kimanyat | anatikramaṇīyaṃ me suhṛdvākyamiti sthito'smi vidūṣakaḥ—ciraṃ jovva \[ ciraṃ jīva \] | ( gantumicchati ) rājā—vayasya tiṣṭha | sāvaśeṣaṃ me vacaḥ vidūṣakaḥ—āṇavedu bhavaṃ \[ ājñāpayatu bhavān \] rājā—viśrāntena bhavatā mamāpyekasmin anāyāse karmmaṇi sahāyena bhavitavyam vidūṣakaḥ—kiṃ modaakhajjiāe teṇa hi ayaṃ sugahīdo jaṇo ### [2.3.p2](https://indike.org/pramana/in.lit.plays.udayana.mitabhasini.2.3.p2) \[ kiṃ modakakhādikāyām | tena hi ayaṃ sugṛhīto janaḥ \] ### [2.5](https://indike.org/pramana/in.lit.plays.udayana.mitabhasini.2.5) rājā—yatra vakṣyāmi | kaḥ ko'tra bhoḥ (praviśya) dauvārikaḥ (praṇamya)—āṇavedu bhaṭṭā \[ājñāpayatu bharttā\] rājā-mandotsāhaḥ kṛto'smi mṛgayāpavādinā mādhavye na senāpatiḥ (janāntikam)-sakhe sthirapratibandho bhava| ahaṃ tāvat svāminaścittavṛttimanuvarttiṣye| (prakāśam) pralapatyeṣa vaidheyaḥ| nanu prabhureva nidarśanam medaśchedakṛśodaraṃ laghu bhavatyutthānayogyaṃ vapuḥ sattvānāmapi lakṣyate vikṛtimaccittaṃ bhayakrodhayoḥ utkarṣaḥ sa ca dhanvināṃ yadiṣavaḥ sidhyanti lakṣye cale mithyaiva vyasanaṃ vadanti mṛgayāmīdṛgvimodaḥ kutaḥ ### [2.6](https://indike.org/pramana/in.lit.plays.udayana.mitabhasini.2.6) vidūṣakaḥ (saroṣam) -avehi re uccāhahetua | attabhavaṃ pakidi āvanno ! tumaṃ dāva aḍavīdo aḍavīṃ āhiṇḍanto ṇaraṇāmiāloluvassa jiṇṇaricchassa kamsavi mūhe paḍissasi \[apehi re utsāhahetuka | atrabhavān prakṛtimāpannaḥ | tvaṃ tāvat aṭavyot. aṭavīmāhiṇḍamāna. naranāsikā lolupasya jīrṇarkṣasya kasyāpi mukhe pataṣyasi \] rājā—bhadra senāpate, āśramasannikarṣe sthitāḥ smaḥ| atastai vaco nābhinandāmi| adya tāvat— gāhantāṃ mahiṣā nipānasalilaṃ śṛṅgairmuhustāḍitaṃ chāyābaddhakadambakaṃ mṛgakulaṃ romanthamabhyasyatu viśrabdhaṃ kriyatāṃ varāhapattibhirmustākṣatiḥ palvale viśrāmaṃ labhatāmidañca śithilajyābandhamasmaddhanuḥ ### [2.7](https://indike.org/pramana/in.lit.plays.udayana.mitabhasini.2.7) mahiṣā nipānasalilaṃ śṛṅgairmuhustāḍitaṃ gāhantām | mṛgakulaṃ chāyābaddhakadambakaṃ romanthamabhyasyatu | varāhatatibhi viśrabdhaṃ palvale mustākṣatiḥ kriyatām | idam asmaddhanuśca śithilajyābandhaṃ ( sat ) viśrāmaṃ labhatām senāpatiḥ—yat prabhaviṣṇave rocate rājā—tena hi nivarttaya pūrva gatān vanagrāhiṇaḥ | yathā na me sainikāstapovanamuparundhanti tathā niṣeddhavyāḥ | paśya— śamapradhāneṣu tapodhaneṣu gūḍhaṃ hi dāhātmakamasti tejaḥ sparśānukūlā iva sūryyakāntāstadanyatejo'bhibhavādvamanti ### [2.7.p1](https://indike.org/pramana/in.lit.plays.udayana.mitabhasini.2.7.p1) senāpatiḥ-yadajñāpayati svāmī vidūṣaka—dhaṃsadu de ucchāhuvuttanto \[dhvaṃsatāṃ te utsāhavṛttāntaḥ \] | (niṣkrāntaḥ senāpatiḥ ) rājā ( parijanaṃ vilokya )—apanayantu bhavatyo mṛgayāveṣam | raivataka, tvamapi svaṃ niyogam aśūnyaṃ kuru parijanaḥ—jaṃ devo āṇavei \[ yad devaḥ ājñāpayati \] ### [2.7.p2](https://indike.org/pramana/in.lit.plays.udayana.mitabhasini.2.7.p2) niṣkrāntaḥ ### [2.8](https://indike.org/pramana/in.lit.plays.udayana.mitabhasini.2.8) vidūṣakaḥ—kidaṃ bhavadā ṇimmacchiyaṃ | mappadaṃ imassiṃ pādavacchāyāviraidavidāṇasaṇāhe silāale uvavisadu bhavaṃ yāva ahampi suhāsoṇo homi \[ kṛtaṃ bhavatā nirmakṣikam | sāmpratam asmin pādapacchāyāviracitavitānasanāye śilātale upaviśatu bhavān, yāvadahamapi sukhāsīno bhavāmi \] rājā—gacchāgrataḥ vidūṣaka—edu bhavaṃ \[ etu bhavān \] | (ubhau parikramya upaviṣṭau ) rājā—mādhavya, anavāptacakṣuḥphalo'si yena tvayā darśanīyaṃ na dṛṣṭam vidūṣakaḥ-naṃ bhavaṃ aggado me vaṭṭai \[ nanu bhavān agrato me varttate \] rājā-sarvaḥ kāntamātmīyaṃ paśyati| ahaṃ tu tām āśramalalāmabhūtāṃ śakuntalāmadhikṛtya bravīmi vidūṣakaḥ (svagatam)—hodu se avasaraṃ ṇa dāissaṃ \[bhavatu asmai avasaraṃ na dāsyāmi\] | (prakāśam) bho vayassa, de tāvasakaṇṇaā avabbhatthaṇīyā dissati \[bho vayasya, te tāpasakanyakā abhyarthanīyā dṛśyate\] rājā—sakhe, na parihārye vastuni pauravāṇāṃ manaḥ pravarttate surayuvatisambhavaṃ kila munerapatyaṃ tadujjhitādhigatam arkasyopari śithilaṃ cyutamiva navamallikākusumam ### [2.8.p1](https://indike.org/pramana/in.lit.plays.udayana.mitabhasini.2.8.p1) vidūṣakaḥ (vihasya)—jaha kassavi piṇḍakhajjūreṃhiṃ uvvejidassa tittalīe ahilāso bhave. taha itthiaraaṇaparibhoiṇo bhavado iaṃ abbhatthanā \[yathā kasyāpi piṇḍakharjūrairudve jitasya tittiḍyām abhilāṣo bhavet tathā strīratnaparibhogiṇo bhavata iyamabhyarthanā\] rājā—na tāvadenā paśyasi yenaivamavādo. vidūṣakaḥ—taṃ khu ramaṇijjaṃ jaṃ bhavado vi visumaaṃ uppādedi ### [2.8.p2](https://indike.org/pramana/in.lit.plays.udayana.mitabhasini.2.8.p2) \[ tat khalu ramaṇīyaṃ yat bhavato'pi vismayamutpādayati \] ### [2.10](https://indike.org/pramana/in.lit.plays.udayana.mitabhasini.2.10) rājā—vayasya, kiṃ bahunā— citre niveśya parikalpitasatvayogā rūpoccayena manasā vidhinā kṛtā nu strīratnasṛṣṭiraparā pratibhāti sā me dhāturvi bhutvamanucintya vapuśca tasyā. || 8. vidūṣaka—jai evvaṃ pañcādeso dāṇiṃ rūavadīṇaṃ \[yadi evaṃ pratyādeśa idānīṃ rūpavatīnām \] rājā—idañca me manasi varttate anāghrātaṃ puṣpaṃ kisalayamalūnaṃ kararuhair anāviddhaṃ ratnaṃ madhu navamanāsvāditarasam akhaṇḍaṃ puṇyānāṃ phalamiva ca tadrūpamanaghaṃ na jāne bhoktāraṃ kamiha samupasthāsyati vidhiḥ ### [2.10.p1](https://indike.org/pramana/in.lit.plays.udayana.mitabhasini.2.10.p1) vidūṣakaḥ-tena hi lahu parittāadū ṇaṃ bhavaṃ | mā kassavi tavassiṇo iṅgudītellacikkaṇasīsamsa hatthe paḍissadi \[ tena hi laghu paritrāyatāmenāṃ bhavān | mā kasyāpi tapasvinaḥ iṅgudītailacikkaṇaśīrṣasya haste patiṣyati \] rājā-paravatī khalu tatrabhavatī ! na ca sannihito'tra gurujana vidūṣakaḥ — atha bhavantaṃ antareṇa kīdaso se diṭṭhirāo ### [2.10.p2](https://indike.org/pramana/in.lit.plays.udayana.mitabhasini.2.10.p2) \[ atha bhavantam antareṇa kīdṛśa asyā dṛṣṭirāgaḥ \] ### [2.11](https://indike.org/pramana/in.lit.plays.udayana.mitabhasini.2.11) rājā — nisargaddeva apragalbhastapasvikanyājanaḥ | tathāpi tu — abhimukhe mayi saṃhṛtamīkṣitaṃ hasitamanyanimittakṛtodayam vinayavāritavṛtciratastayā na vivṛto madano na ca saṃvṛtaḥ ### [2.12](https://indike.org/pramana/in.lit.plays.udayana.mitabhasini.2.12) vidūṣakaḥ—ṇa kkhu diṭṭhamettassa tuha aṅka' ārohadi \[ na khalu dṛṣṭamātrasya tava aṅkam ārohati \] rājā—mithaḥ prasthāne puna śālīnatayāpi kāmam āviṣkṛto bhāvastatrabhavatyā | tathāhi— darbhrāṅkureṇa caraṇaḥ kṣata ityakāṇḍe tanvī sthitā katicideva padāni gatvā āsīdvivṛttavadanā ca vimocayantī śākhāsu valkalamasaktamapi drumāṇām ### [2.16](https://indike.org/pramana/in.lit.plays.udayana.mitabhasini.2.16) vidūṣaka -tena hi gahodapāheo hohi | kidaṃ tue uvavaṇaṃ tavovaṇaḥ tti pekkhāmi \[ tena hi gṛhītapātheyo bhava kṛtaṃ tvayā upavanaṃ tapovanamiti prace \] rājā-sakhe, tapasvibhiḥ kaiścit parijñāto'smi | cintaya tāvat kenāpadeśena punarāśramapadaṃ gacchāma. vidūṣakaḥ-ko avaro avadeso tumhāṇaṃ raṇṇāṇa \[ ko aparaḥ apadeśo yuṣmākaṃ rājñām \] | nīvāracchahabhāgaṃ amhāṇaṃ uvaharantu tti \[nīvāraṣaṣṭhabhāgam asmākam upaharantu iti\] rājā (karṇaṃ datvā)—aye dhīrapraśāntasvaraistapasvibhirbhāvitavyam (praviśya) dauvārikaḥ—jedu jedu bhaddā| ede duve isikumārao paḍihārabhūmiṃ uvaṭṭhidā \[ jayatu jayatu bharttā | etau dvau ṛṣikumārakau pratihārabhūmim upasthitau \] rājā-tena hi avilambitaṃ praveśaya tau dauvārikaḥ-eso pavesemi \[ eṣa praveśayāmi \] (niṣkramya ṛṣikumārakābhyāṃ saha praviśya ) ido ido bhavanto \[ ita itau bhavantau \] ( ubhau rājānaṃ vilokayataḥ ) | prathamaḥ—aho doptimato'pi viśvasanīyatāsya vapuṣaḥ | athavā upapannametadasmin ṛṣibhyo nātibhinne rājani | kutaḥ— adhyākrāntā vasatiramunāpyāśrame sarva bhogye rakṣāyogādayamapi tapaḥ pratyahaṃ sañcinoti asyāpi dyāṃ spṛśati vaśinaścāraṇadvandvagītaḥ puṇyaḥ śabdo muniriti muhuḥ kevalaṃ rājapūrvaḥ ### [2.15](https://indike.org/pramana/in.lit.plays.udayana.mitabhasini.2.15) dvitīyaḥ—gotama, ayaṃ sa valabhitsakho duṣyantaḥ ? prathamaḥ—atha kim ? dvitīyaḥ—tena hi, naitaccitraṃ yadayamudadhiśyāmasomāṃ dharitrīm ekaḥ kṛtsnāṃ nagaraparighaprāṃśubāhurbhunakti āśaṃsante samitiṣu surā baddhavairā hi daityairasyādhijye dhanuṣi vijayaṃ pauruhūte ca vajre ### [2.15.p1](https://indike.org/pramana/in.lit.plays.udayana.mitabhasini.2.15.p1) ubhau (upagamya)-vijayasva rājan rājā (āsanāt utthāya )-abhivādaye bhavantau ubhau-svasti bhavate | ( phalāni upaharata ) rājā ( sapraṇāmaṃ parigṛhya )- ājñāmicchāmi ubhau-vidito bhavān āśramasadāmihasthaḥ, tena bhavantaṃ prārthayanterājā-kimājñāpayanti ? ubhau-tatrabhavataḥ kaṇvasya maharṣerasānnidhyāt rakṣāṃsi na iṣṭivighnamutpādayanti | tat katipayarātraṃ sārathidvitīyena bhavatā sanāthīkriyatāmāśrama iti rājā-anugṛhīto'smi vidūṣaka (apavāryya) esā dāṇiṃ aṇukūlā de abbhatthaṇā ### [2.15.p2](https://indike.org/pramana/in.lit.plays.udayana.mitabhasini.2.15.p2) \[ eṣā idānīmanukūlā te abhyarthanā \] ### [2.15.p3](https://indike.org/pramana/in.lit.plays.udayana.mitabhasini.2.15.p3) rājā ( smitaṃ kṛtvā )—raivataka, maddacanāducyatāṃ sārathiḥ sabāṇāsanaṃ rathamupasthāpayeti dauvārikaḥ—jaṃ devo āṇavedi \[ yat deva ājñāpayati \] ### [2.15.p4](https://indike.org/pramana/in.lit.plays.udayana.mitabhasini.2.15.p4) niṣkrāntaḥ ### [2.16-2](https://indike.org/pramana/in.lit.plays.udayana.mitabhasini.2.16-2) ubhau ( saharṣam )— anukāriṇi pūrveṣāṃ yuktarūpamidaṃ tvayi āpannābhayasatre ṣu dīkṣitāḥ khalu pauravāḥ ### [2.17](https://indike.org/pramana/in.lit.plays.udayana.mitabhasini.2.17) rājā (sapraṇāmam )—gacchatāṃ puro bhavantau | ahamapi anupadam āgata eva ubhau—vijayasva | (niṣkrāntā) rājā—mādhavya, apyasti śakuntalādarśane kutūhalam vidūṣakaḥ—paḍhamaṃ saparivāhaṃ āsi | dāṇiṃ rakkhasavvanteṇa bindūvi ṇa avasesido \[ prathamaṃ saparivāham āsīt | idānīṃ rākṣasavṛttāntena binduḥ api na avaśeṣitaḥ \] rājā—mā bhaiṣīḥ | nanu matsamīpe vattiṃṣyase vidūṣakaḥ—esa rakkhamādo rakkhidomhi \[ eṣa rākṣasādrakṣito'smi \] karabhakaḥ—jedu jedu bhaṭṭā| devī āṇavedi, āgāmiṇi cautthadivase puttapiṇḍapālaṇo ṇāma ubavāso bhavissadi tahiṃ dīhāuṇā avassaṃ amhe sambhāvaidavvetti \[jayatu jayatu bharttā| devī ājñāpayati āgāmini caturthadivase putrapiṇḍapālano nāma upavāso bhaviṣyati| tatra dīrghāyuṣā avaśyaṃ vayaṃ sambhāvayitavyā iti \] rājā—itastapasvikāryya m itò gurujanājñā| dvayamapyanatikramaṇīyam| kimatra pratividheyam vidūṣakaḥ—tisaṅka viya antarā ciṭṭha \[triśaṅka riva antarā tiṣṭha \] rājā-satyamākulībhūto'smikṛtayorbhinnadeśatvādvaidhībhavati me manaḥ puraḥ pratihataṃ śaile srotaḥ srotovaho yathā ### [2.19](https://indike.org/pramana/in.lit.plays.udayana.mitabhasini.2.19) ( vicintya ) sakhe, tvamambayā putra iti pratigṛhītaḥ | ato bhavān itaḥ pratinivṛtya, tapasvikāryyavyagramānasaṃ māmāvedya tatrabhavatonā putrakāryyaṃ manuṣṭhātumarhati vidūṣakaḥ- ṇa kkhu maṃ rakkhobhoruaṃ gaṇesi \[ na khalu māṃ rakṣobhīrukaṃ gaṇayasi \] rājā-( sasmitam ) -kathametadbhavati sambhāvyate vidūṣakaḥ-jaha rāāṇueṇa gantavvaṃ taha gacchāmi \[ yathā rājānujena gantavyaṃ tathā gacchāmi \] rājā-nanu tapovanoparodhaḥ pariharaṇīya iti sarvānanuyāyikāṃstvayaiva saha prasthāpayāmi vidūṣakaḥ-tena hi juvarāomhi dāṇiṃ saṃvṛtto \[ tena hi yuvarājo'smi idānīṃ saṃvṛttaḥ \] rājā (svagatam)-capalo'yaṃ vaṭuḥ | kadācit asmatprārthanāmantaḥpurebhyaḥ kathayet | bhavatu enamevaṃ vakṣye-(vidūṣakaṃ haste gṛhītvā prakāśam)-vayasya, ṛpigauravādāśramaṃ gacchāmi | na khalu matyameva tāpamakanyāyāṃ mamābhilāṣaḥ | paśya - kva vayaṃ kva parokṣamanmatho mṛgaśāvaiḥ samamedhito janaḥ parihāsavijalpitaṃ sakhe paramārthena na gṛhyatāṃ vacaḥ ## Linked texts (4) - [Devanāgarī recension](https://indike.org/pramana/in.lit.plays.sakuntala*devanagari.2.1) — Sanskrit - [Mahāsubhāṣitasaṃgraha](https://indike.org/pramana/in.lit.subhasita.subhasita.adhunika.mahasubhasitasangraha.1149) — Sanskrit - [Sūktimuktāvalī](https://indike.org/pramana/in.lit.subhasita.subhasita.kosa.suktimuktavali.45.9) — Jalhaṇa (Devagiri), Sanskrit - [Subhāṣitasudhānidhi](https://indike.org/pramana/in.lit.subhasita.subhasita.daksina.subhasitasudhanidhi.3.14) — Sāyaṇa, Sanskrit --- Source: [https://indike.org/pramana/in.lit.plays.udayana.mitabhasini.2](https://indike.org/pramana/in.lit.plays.udayana.mitabhasini.2) · Pramāṇa