Rupakashatka 16

Rūpakaṣaṭka 16

Language: Sanskrit

16.2 — 2 parts
16.4 — 1 part
16.6 — 2 parts
16.8 — 7 parts
16.11 — 4 parts
16.12 — 8 parts
16.14 — 2 parts

16.1

kṛṣṇaḥ- (lakṣmīṃ vibhāvya svagataṃ saharṣotkaṇṭham) nūnamīdṛgvidhastrīsargaśilpe
vaideśika eva vedhāḥ | tathāhiindoḥ kalāstridaśapādapapallavāni
pīyūṣamujjvalaruco maṇayaśca te te
yasyādbhutopakaraṇāvaliritthamasti
sraṣṭuṃ sa eva bhavati prabhurabdhirenām

16.2

( sakhedam ) kiṃ punarimāṃ viṣādavaśaṃvadāmiva vibhāvayāmi ? | ( vimṛśya )
nūnamasyāḥ pāṇigrahaṇasamayapratyāsattimākarṇya kanyābhāvasulabhamāvirbhavati
vaimanasyam | bhavatu sambodhayāmi | ( prakāśam )
muñca priye ! pitṛviyogabhayākulatvaṃ
netre niyantrayasi kiṃ caraṇāṅgulīṣu
tvatsaumanasyasukhasañcayanaikatānaḥ
sthāsyāmi subhru ! jalajantuvadantarabdheḥ

16.2.p1

lakṣmīḥ-( svagataṃ saharṣam ) evaṃpi bhodi, ādu āsāsedi maṃ suhao ?
( prakāśaṃ sabāṣpagadgadam ) kudo edaṃ mahaṇaveaṇādo pahudi daṃsaṇamettaṃpi maha dullahaṃ
devadārūvassa tādassa | edaṃtyeva tava rūvaṃ paḍaaṃḍaṃ pecchāmi 1
kṛṣṇaḥ- ayi sutanu ! pratyāsannameva tava tātadarśanam | nanu prabhuṇā
pinākinā prajāpatipramukhatridaśairapi lobhavaśavihitānaucityairaparādhīnamivātmānamāśaṅkamānairbhagavantamambhodhimānetuṃ varuṇaḥ preṣito'sti | gāmbhīryāvadheśca
tava tātasya mandarāvarttamātreṇa kā vedanā ? | mathanārjitadravyajātādapi yadyadyasya mahodadhirdāsyati tattasya bhaviṣyati | tatsamāśvasītu bhavatī
kṛṣṇaḥ- ( vibhāvya svagatam ) aho saṅkaṭaṃ kanyakānām

16.2.p2

lakṣmīḥ samāśvasya sakaruṇasnehaṃ sāgaramavalokate

16.3

jñātiviśleṣavaikalyātpriyalābhamahotsavāt
muhurjvalati kanyānāṃ prīyate ca muhurmanaḥ

16.4

tadevaṃ tāvat | ( prakāśam ) priye priye !
āśleṣalālasamiladbahuvīcibāhuḥ
kāraṇḍavakvaśitakalpitapeśalāsīḥ
tvāṃ draṣṭumutka iva sambhṛtanetralaśīḥ
lolākṣi ! rājati calattimiramburāśiḥ

16.4.p1

lakṣmīḥ saharṣamāste

16.5

kṛṣṇaḥ—( vāmākṣisyandanaṃ sūcayitvā svagataṃ savipādam ) āḥ ! kimadyāpi ko'pi pratyūho'sti ? | ( nepathye ) kaṣṭaṃ kaṣṭam
ahnāya lumpanniva sarvalokānākāśamāśāḥ pṛthivīṃ pidhāya
kalpāntakālābhinaye paṭīyānvijṛmbhate ko'pi naṭo'ndhakāraḥ

16.6

api ca—
upārjitāḥ sāgaramanthakhedāścandrādayo'mī paramāḥ padārthāḥ
durvātabādhāvidhurāḥ prasahma
punardhiyāsanti payodhimadhyam

16.6.p1

kṛṣṇaḥ—( śrutvā sasambhramamuccaiḥ kāram ) ayi dikpālāḥ ! pālayata pālayata
muhūrttaṃ prayatnena yāvadāyāti vainateyaḥ | sa hi mayā viṣavegaviklavasya kapardino
vārttāmupalabdhuṃ preṣitaḥ | ahaṃ ca pīyūṣaṃ kamalāṃ ca parirakṣannasmi | iha kila niralasā lālasatā durdetyānām | ( sanirvedakhedam ) āḥ ! kathaṃ so'pi śivo'satyaśiva iva saṃvṛtto yaḥ kālakūṭamātrārdapi dāruṇāṃ vipadamanubhavati

16.6.p2

tataḥ praviśati kṛtakapaṭakarpaṭivepo bhārgavaḥ

16.7

bhārgavaḥ—( sāvegaṃ sasambhramam )—
kṛṣṇa ! kṛṣṇa ! vilīyante mamāṅgāni viṣoṣmaṇā
dehi dehi tadetanme pīyūṣaṃ kiṃ vilambyase ?

16.8

kṛṣṇaḥ— (svagataṃ saviṣādam) āḥ! kaṣṭaṃ kaṣṭaṃ dṛṣṭamadṛṣṭapūrvam | ahaha !.
idameva durnimittaṃ yaddhoro'ndhakāro yaddāruṇaḥ samīraḥ | tatpāyayāmi pīyūṣaṃ, na
punarasya samīpe paśyāmi vainateyam | aho mahadidaṃ vimarśasthānam
tathāhi—
dahatu dahatu ghoraḥ śaṅkaraṃ kālakūḍho
nahi nahi tadapi syāditthamatyākulatvam
abhinayamapi divyasyānabhijño vidhātuṃ
sa hi parataratejomūrttirārttairadhṛṣyaḥ

16.8.p1

tannirūpayāmi dhyānena | (dhyānābhinayaṃ kṛtvā sakrodham ) āḥ śukra vaṭo !
kimidaṃ kṛtavānasi ? | śaṅkaraveṣadharo'si dvijo'si ceti kṛtāparādho'pi na me
vadhyo'si | tadgaccha yāvanna śivanayanagocaratāṃ prapadyase

16.8.p2

śukraḥ sabhayaṃ tirodhatte

16.8.p3

tataḥ praviśati vainateyenānugamyamānaḥ śaṅkaraḥ

16.8.p4

kṛṣṇaḥ— ( vilokya sapraśrayamutthāya sākūtasmitam ) namo namo niṣkapaṭaśaṅkarāya | ita āsyatām
śaṅkaraḥ—(vainateyopanītama| sanamabhiprādya sasmitam ) kṛṣṇa ! kṛṣṇa ! keyamadbhutā
tavādya viśeṣoktiḥ
kṛṣṇaḥ—( sasmitam ) kiṃ vijñapyate sarvajñāya ?
śaṅkaraḥ—(saharṣa vihasya) kṛte pratikṛtaṃ samucitamārabdhaṃ bhārgaveṇa | tvayā
hi kṛtakaitavakāntārūpeṇa vañcitā daityāḥ| pratyāhṛtaṃ pīyūṣam | kimucyate tvayaivedaṃ
vicitrarūpaṃ dviṣatkāryanirvahaṇakoṭimāropyate | tatkiṃ cirayati vārddhimānetuṃ
preṣito varuṇaḥ ?
kṛṣṇaḥ—ayi vainateya ! tvamapi maheśādeśena gatvā tvaritamānaya
sāgaram
vaina0—(katicitpadāni dattvā vyāvṛttya ) āyāntyamī brahmādayo devāḥ, eṣa
cābhyeti varuṇenānugamyamāno ratnākaraḥ | tatkimenemete pratyutthātuṃ gatāḥ ?
kṛṣṇaḥ—vainateya ! nahi nahi | ete kila bhārgavotpāditamāyāndhakāradurvṛttavidravacandrādidhāraṇodvignā nūnaṃ tīradeśe militāḥ samāyānti
(tataḥ praviśanti yathānirdiṣṭā brahmādayo devā varuṇenānugamyamānaḥ sāgaraśca )
maheśakṛṣṇau-(sapraśrayamutthāya ) abhivādayāvahe atrabhavantaṃ jagajjyeṣṭham | ita āsyatāṃ saha mahendrādibhiryathāyatham
sāgaraḥ-(sapraśrayam ) eṣa vaḥ praṇamati samudraḥ
kṛṣṇaḥ-(sagauravam ) niṣīdatu pratyāsanno'tra savaruṇo bhavān | •

16.8.p5

sāgaraḥ tathā karoti

16.8.p6

lakṣmī:-(sakaruṇaṃ sāstram ) tāda ! kiṃ edaṃ saṃvṛttaṃ ? | ( iti kaṇṭhe lagati )
samudraḥ-( sakaruṇaṃ ) putri putri ! mā viṣīda | bhadraṃ bhaviṣyati nirvahaṇaṃ rudraprasādena
maheśaḥ-(apavārya) kṛṣṇa kṛṣṇa ! na śaknomi mukhamasya darśayitum

16.8.p7

iti maviṣādamadhomukhyamabhinayati

16.9

samudraḥ-(sapraśrayam )
dākṣiṇyatastrijagadīśa ! kimākulo'si ?
paśya prasannanayano mukhamunnamayya
śreṣṭho'si me nahi nahi prabhumātrakastvaṃ
manye'vamānamapi mānamahaṃ bhavattaḥ

16.10

api ca | nāhaṃ klībo'smi na cānyena kenāpi parābhūto yadevaṃ viṣīdati
devastathāhicañcadvīcicapeṭatāḍitamugvairdṛṣṭo'smi daityaiḥ kadā
mainākaṃ parirakṣituṃ kuliśataḥ śakto'hamekaḥ param
sambuddho'smi mayā'ntaraurvadahanastrailokyadāhotsukaḥ
sarge'pi pralaye'pyakhaṇḍamahimā śambhoḥ prasādādaham

16.11

śaṅkaraḥ-( saharṣaṃ sagauravam ) kimucyate ?
sargastvamādyastvayi labdhajanmā
sasarja saptāpi jaganti vedhāḥ
sarvopajīvyo'si tavopajīvyo
na sindhurājaḥ kvacidasti kaścit

16.11.p1

tadidaṃ gṛhāṇa dravyajātam | kṣamasva naścāpalam
samudraḥ—( saharṣaṃ sapraśrayam ) bhagavanbharga ! anugraho'yaṃ mayi kṛtaḥ | kimidānīṃ pratyarpaṇena nigrahaḥ kriyate ?
śaṅkaraḥ—tadbhavaneva svamukhena vibhajya sammānayatu devān
• samudraḥ—eṣa sampādayāmi devādeśam | ( samantādavalokya ) vinodayanta
madutsaṅgamākandaviyogavedanāṃ viriñcivadanāravindakānane susvarā vedendindirā

16.11.p2

vedāḥ saṅkrāmanti

16.11.p3

samudraḥ—kṛtārthayatu māṃ pramathanāthaśironepathyapadavīmāsādya bha
ścandramāḥ

16.11.p4

candrastathā karoti

16.12

lakṣmīḥ—( svagataṃ saviṣādam ) kaṃṭhammi saṃṭhidaṃ maha jīvidaṃ | ṇa jāṇe kiṃ
bhaṇissadi tādo
kṛṣṇaḥ—( svagataṃ sotkaṇṭham ) idānīṃ me sukṛtaparipākasya phalāvasaraḥ
samudraḥ—( saharṣam ) ujjvalayatu matkulaṃ kamalākarakamala parigraheṇa
bhaktajanānugrahagrahelo govindaḥ | ( iti lakṣmīpāṇi kṛṣṇapāṇau niveśayati ) ayaṃ cāstu
kanyāmahādānasya dakṣiṇākaustubho maṇiḥ | ( iti kaustubhamarpayati )
kṛṣṇaḥ—( lakṣmīṃ vibhāvya svagataṃ sotkaṇṭham )
ye tanau sutanormagnāḥ kandarpasya śarāṅkurāḥ
matpāṇicumbakākṛṣṭaste'mī romāñcakaitavāt

16.12.p1

samudraḥ—ayaṃ ca niṣkandayatu durdāntadaityakulakamalakānanaṃ devarājādhyāsanopabṛṃhitasturagarājoccaiḥśravasahacaraḥ kumbhīndraḥ

16.12.p2

airāvataḥ sahoccaiḥśravasā puruhūtamāśrayati

16.12.p3

samudraḥ—ete'pi sakalajagadupakṛtiparāṇāṃ mahauṣadhīnāṃ ratnānāṃ cādhāratayā dhanyatarā bhavantu merumandarādayo dharādharāḥ | ( auṣadhayaḥ saha ratnairmerumandarādīnāśrayanti )
samudraḥ—svīkurvantu kṛtadāridyanidhanāni nidhānāni dhanādhinātham

16.12.p4

nidhānāni tathā kurvanti

16.12.p5

samudraḥ- aṅgīkarotu sakalajagadāhlādakāriṇīṃ vāruṇīṃ kṛtāhitavināśaṃ pāśaṃ ca varuṇaḥ| ( varuṇastathā karoti )
samudraḥ- aṅkuśaṃ mahāyudhamādāya pragalbhatāṃ ripuvaṃśaviśasane niraṅkuśo
gandhavāhaḥ| ( vāyustathā karoti )
samudraḥ- kalayatu jagadrakṣāparāyaṇaṃ kauṇapanāyakaḥ kṛpāṇam | ( nirṛtistathā karoti )
samudraḥ-bhavatu ca sakalajagatprāṇaśamanaḥ śamano'munā daṇḍena caṇḍataraḥ

16.12.p6

yamaḥ saharṣamutthāya daṇḍamādatte

16.12.p7

samudraḥ- viṣamurīkṛtya durdharṣatarā bhavantu vāsukipramukhā mahoragāḥ
viṣamataramidaṃ ca

16.12.p8

vāsukiḥ saharṣamutthāya viṣamādatte

16.13

samudraḥ-sarvadevamukhyamuparyuparyamadhitiṣṭhatu pīyūṣam | etatprāśanena bhavantu
nirjarā amarāḥ surāḥ | ( pīyūṣaṃ vahnimāśrayati )
samudraḥ- (saharṣollāsam ) ayi bhagavanpīyūṣamayūkhaśekhara !
adya tvayā pramathanātha ! kṛtaḥ kṛtārtho
manyopamardamahamutsavameva manye
dravyāṇyamūni vitarannamarārthisārthe
yadvātṛtāmupagato'smi kimanyadīhe

Rupakashatka 16

Contents