Pramāṇa · Search · About · API

Ramayanakathasandoha 13

Rāmāyaṇakathāsandoha 13

Language
Sanskrit

13.1

12 sumantrakrodhaḥ
pāṇiṃ pāṇau viniṣpiṣya dantānkaṭakaṭāyya ca
kopābhibhūtaḥ sahasā sumantraḥ pratyabhāṣata

13.2

na hyakāryatamaṃ kiṃcittava devīha vidyate
patighnīṃ tvāmahaṃ manye kulaghnīmapi cāntataḥ

13.3

māvamaṃsthā daśarathaṃ bhartāraṃ varadaṃ patim
bharturicchā hi nārīṇāṃ putrakoṭyaca viśiṣyate

13.4

yathāvayo hi rājyāni prāpnuvanti nṛpakṣaye
ikṣvākukulanāthe'smiṃstaṃ lopayitumicchāsi

13.5

rājā bhavatu te putro bharataḥ śāstu medinīm
vayaṃ tatra gamiṣyāmo yatra rāmo gamiṣyati

13.6

ābhijātyaṃ hi te manye yathā mātustathaiva ca
na hi nimbātsavetkṣaudraṃ loke nigaditaṃ vacaḥ

13.7

pituste varadaḥ kaściddau varamanuttamam
sarvabhūtarutaṃ tasmātsaṃjajñe vasudhādhipaḥ

13.8

tato jṛmbhasya śayane virutādbhūrivarcasaḥ
pituste vidito bhāvaḥ sa tatra bahudhāhasat

13.9

tataste jananī kruddhā jijñāsāmīti cābravīt
nṛpaścovāca tāṃ devīṃ hāsaṃ śaṃsāmi te yadi
tato me maraṇaṃ sadyo bhaviṣyati na saṃśayaḥ

13.10

iti
mātā te pitaraṃ devī punaḥ kekayamabravīt
śaṃsa me jīva vā mā vā na māṃ tvaṃ prahāsiṣyasi

13.11

iti
priyayā ca tathoktaḥ sa kekayaḥ pṛthivīpātiḥ
mātaraṃ te nirasyāśu vijahāra yathāsukham

13.12

satyaścātra pravādo'yaṃ laukikaḥ pratibhāti me
pitṝnsamanujāyante narā mātaramaṅganāḥ

13.13

naivaṃ bhava gṛhāṇedaṃ yadāha vasudhādhipaḥ
bharturicchāmupāsyeha janasyāsya gatirbhava

13.14

jyeṣṭho vadānyaḥ karmaṇyaḥ svadharmasyāpi rakṣitā
rakṣitā jīvalokasya balī rāmo'bhiṣicyatām

13.15

iti sāntvaiśva tīkṣṇaiśca kaikeyīṃ rājasaṃsadi
bhūyaḥ saṃkṣobhayāmāsa sumantrastu kṛtāñjaliḥ

13.16

naiva sā kṣubhyate devī na ca sma paridūyate
na cāsya mukhavarṇasya lakṣyate vikriyā tadā

Linked texts (3)