Ramayanakathasandoha 16
Rāmāyaṇakathāsandoha 16
- Language
- Sanskrit
16.1
15 saprajasya rājño rāmānudhāvanam
tataḥ sabālavṛddhā sā purī paramapīḍitā
rāmamevābhidudrāva dharmārtiḥ salilaṃ yathā
16.2
paurāḥ- saṃyaccha vājināṃ raśmīnsūta yāhi śanaiḥ śanaiḥ
mukhaṃ drakṣyāma rāmasya durdarśo no bhaviṣyati
16.3
iti
atha rājā vṛtaḥ strībhirdīnābhirdīnacetanaḥ
nirjagāma priyaṃ putraṃ drakṣyāmīti bruvangṛhāt
16.4
dṛṣṭvā tu nṛpatiḥ śrīmānekācittagataṃ puram
nipapātaiva duḥkhena kṛttamūla iva drumaḥ
16.5
pratyāgāramivāyāntī savatsā vatsakāraṇāt
baddhavatsā yathā dhenū rāmamātābhyadhāvata
16.6
tiṣṭheti rājā cukrośa yāhi yāhīti rāghavaḥ
sumantrasya babhūvātmā cakrayoriva cāntarā
16.7
yamicchetpunarāyātaṃ nainaṃ dūramanuvrajet
ityamātyā mahārājamūcurdaśarathaṃ vacaḥ
16.8
nyavartata jano rājño rāmaṃ kṛtvā pradakṣiṇam
manasāpyāśuvegena na nyavartata mānuṣam
Linked texts (2)
- Śākuntalopākhyāna — Sanskrit
- Critical edition (Baroda) — Sanskrit