Ramayanakathasandoha 19
Rāmāyaṇakathāsandoha 19
- Language
- Sanskrit
19.1
tadā striyo rāmanimittamāturā yathā sute bhrātari vā vivāsite
vilapya dīnā rurudurvicetasaḥ sutairhi tāsāmadhiko'pi so'bhavat 23
18 guhasamāgamaḥ
viśālānkosalānramyānyātvā lakṣmaṇapūrvajaḥ
ayodhyāmunmukho dhīmānprāñjalirvākyamabravīt
19.2
āpṛcche tvāṃ puri śreṣṭhe kākutsthaparipālite
daivatāni ca yāni tvāṃ pālayantyāvasanti ca
19.3
nivṛttavanavāsastvāmanṛṇo jagatīpateḥ
punardrakṣyāmi mātrā ca pitrā ca saha saṃgataḥ
19.4
iti
tatra tripathagāṃ divyāṃ śītatoyāmaśaivalām
viṣṇupādacyutāṃ divyāmapāpāṃ pāpanāśinīm
19.5
śaṃkarasya jaṭājūṭādraṣṭgāṃ sāgaratejasā
dadarśa rāghavo gaṅgāṃ ramyāmṛṣiniṣevitām
19.6
āsāsāda mahābāhuḥ śṛṅgaverapuraṃ prati
rathādvātarattasmātsabhāryaḥ sahalakṣmaṇaḥ
19.7
tatra rājā guho nāma rāmasyātmasamaḥ sakhā
tamārtaḥ saṃpariṣvajya guho rāghavamabravīt
yathāyodhyā tathedaṃ te rāma kiṃ karavāṇi te
19.8
rāmaḥ- diṣṭyā tvāṃ guha paśyāmi hyarogaṃ saha bāndhavaiḥ
api te kuśalaṃ rāṣṭre mitreṣu ca vaneṣu ca
19.9
iti
tataścīrottarāsaṃgaḥ saṃdhyāmanvāsya paścimām
jalamevādade bhojyaṃ lakṣmaṇenāhṛtaṃ svayam
19.10
guho'pi saha sūtena saumitrimanubhāṣayan
anvajāgaratato rāmamapramatto dhanurdharaḥ
19.11
prabhātāyāṃ tu śarvaryāṃ pṛthuvakṣā mahāyaśāḥ
uvāca rāmaḥ saumitriṃ lakṣmaṇaṃ śubhalakṣaṇam
tararāma jāhnavīṃ saumya śīghragāṃ sāgaraṃgamām
19.12
sa tu rāmasya vacanaṃ niśamya pratigṛhya ca
upohya rucirāṃ nāvaṃ guho rāghavamabravīt
upasthiteyaṃ naurdeva bhūyaḥ kiṃ karavāṇi te
Linked texts (5)
- Critical edition (Baroda) — Sanskrit
- Rāmakathāmañjarī — Sanskrit
- Laghurāmāyaṇa (Govindanātha Guha) — Govindanātha Guha, Sanskrit
- Āryacarita — Sanskrit
- Vālmīkiratna — Vālmīki, Sanskrit