Ramayanakathasandoha 22
Rāmāyaṇakathāsandoha 22
- Language
- Sanskrit
Contents
- 22.12 — 1 part
22.1
21 sūtasaṃmukhe daśarathasya rāmahetorvilāpaḥ
daśarathaḥ:- kaikeyyā viniyuktena pāpābhijanabhāvayā
mayā na mantrakuśalairvṛddhaiḥ saha samarthitam
22.2
bhavitavyatayā nūnamidaṃ vā vyasanaṃ mahat
kulasyāsya vināśāya prāptaṃ sūta yadṛcchayā
22.3
sūta yadyasti te kiṃcinmayāpi sukṛtaṃ kṛtam
tvaṃ prāpayāśu māṃ rāmaṃ prāṇāḥ saṃtvarayanti mām
22.4
yadyapyapi mamaivājñā nivartayatu rāghavam
na śakṣyāmi vinā rāmaṃ muhūrtamapi jīvitum
22.5
atha vāpi mahābāhurgato dūraṃ bhaviṣyati
māmeva rathamāropya śīghraṃ rāmāya darśaya
22.6
vṛttadaṃṣṭro maheṣvāsaḥ kāsau lakṣmaṇapūrvajaḥ
yadi jīvāmi sādhvenaṃ paśyeyaṃ sītayā saha
22.7
ato nu kiṃ duḥkhataraṃ yo'hamikṣvākunandanam
imāmavasthāmāpanno neha paśyāmi rāghavam
22.8
hā rāma rāmānuja hā hā vaidehi tapasvini
na māṃ jānītha duḥkhena mriyamāṇamanāthavat
22.9
rāmaśokamahāvegaḥ sītāvirahapāragaḥ
śvasitormimahāvarto bāṣpavegajalāvilaḥ
22.10
bāhuvikṣepamīno'sau vikranditamahāsvanaḥ
prakīrṇakeśaśaivālaḥ kaikeyīvaḍavāmukhaḥ
22.11
mamāśruvegaprabhavaḥ kubjāvākyamahāgrahaḥ
varavelo nṛśaṃsāyā rāmapravrājanā yataḥ
22.12
yāsminvata nimagno'haṃ kausalye rāghavaṃ vinā
dustaro jīvitā devi mayāyaṃ śokasāgaraḥ
22.12.p1
sa0 59.
Linked texts (3)
- Critical edition (Baroda) — Sanskrit
- Rāmakathāmañjarī — Sanskrit
- Āryacarita — Sanskrit