Ramayanakathasandoha 3
Rāmāyaṇakathāsandoha 3
- Language
- Sanskrit
Contents
- 3.9 — 1 part
3.1
3 yauvarājyābhiṣekasaṃkalpanivedanam
daśarathaḥ|| rāma vṛddho'smi dīrghāyurbhuktā bhogā yathepsitāḥ
adya prakṛtayaḥ sarvāstvāmicchanti narādhipam
atastvāṃ yuvarājānamabhiṣekṣyāmi putraka
3.2
suhṛdaścāpramattāstvāṃ rakṣantvadya samantataḥ
bhavanti bahuvighnāni kāryāṇyevaṃvidhāni hi
3.3
viproṣitaśca bharato yāvadeva purāditaḥ
tāvadevābhiṣekaste prāptakālo mato mama
3.4
kāmaṃ khalu satāṃ vṛtte bhrātā te bharataḥ sthitaḥ
kiṃ tu cittaṃ manuṣyāṇāmanityamiti me matam
satāṃ ca dharmanityānāṃ kṛtaśobhi ca rāghava
3.5
ityuktaḥ so'pyanujñātaḥ śvobhāvinyabhiṣecane
tatkṣaṇādeva niṣkramya māturantaḥpuraṃ yayau
3.6
uvāca ca vacanaṃ rāmo harṣayaṃstāmidaṃ varam
bhavitā śvo'bhiṣeko me yathā me śāsanaṃ pituḥ
3.7
etacchrutvā tu kausalyā cirakālābhikāṅkṣitam
harṣabāṣpākulaṃ vākyamidaṃ rāmamabhāṣata
3.8
vatsa rāma ciraṃ jīva hatāste paripanthinaḥ
jñātīnāṃ me tvaṃ śriyā yuktaḥ sumitrāyāśca nandaya
3.9
kalyāṇe bata nakṣatre mayā jāto'si putraka
yata ikṣvākurājyaśrīḥ putra tvāṃ saṃśrayiṣyati
3.9.p1
sargaḥ 4
Linked texts (4)
- Critical edition (Baroda) — Sanskrit
- Umāsaṃhitā — Sanskrit
- Laghurāmāyaṇa (Govindanātha Guha) — Govindanātha Guha, Sanskrit
- Āryacarita — Sanskrit