Pramāṇa · Search · About · API

Ramayanakathasandoha 32

Rāmāyaṇakathāsandoha 32

Language
Sanskrit

32.1

31 rāmabharatasamāgamaḥ
evaṃ sa vilapaṃstasminvane daśarathātmajaḥ
dadarśa mahatīṃ puṇyāṃ parṇaśālāṃ manoramām

32.2

nirīkṣya sa muhūrtaṃ tu dadarśa bharato gurum
uṭaje rāmamāsīnaṃ jaṭāmaṇḍaladhāriṇam

32.3

siṃhaskandhaṃ mahābāhuṃ puṇḍarīkanibhekṣaṇam
dṛṣṭvaiva vilāpārto bāṣpasaṃdigdhayā girā

32.4

yaḥ saṃsadi prakṛtibhirbharvedyukta upāsitum
vanyairmṛgairupāsīnaḥ so'yamāste mamāgrajaḥ

32.5

adhārayadyo vividhāścitrāḥ sumanasaḥ sadā
so'yaṃ jaṭābhāramimaṃ sahate rāghavaḥ katham

32.6

yasya yajñairyathādiṣṭairyukto dharmasya saṃcayaḥ
śarīrakleśasaṃbhūtaṃ sa dharmaṃ parimārgate

32.7

candanena mahārheṇa yasyāṅgamupasevitam
malena tasyāṅgamidaṃ kathamāryasya sevyate

32.8

mānnimittamidaṃ duḥkhaṃ prāpto rāmaḥ sukhocitaḥ
dhigjīvitaṃ nṛśaṃsasya mama lokavigarhitam

32.9

ityevaṃ vilapandīnaḥ prasvinnamukhapaṅkajaḥ
pādāvaprāpya rāmasya papāta bharato rudan

32.10

bāṣpaiḥ pihitakaṇṭhaśca prekṣya rāmaṃ yaśasvinam
āryetyevābhisaṃkuśya vyāhartuṃ nāśakattataḥ

32.11

kathaṃcidabhivijñāya vivarṇavadanaṃ kṛśam
bhrātaraṃ bharataṃ rāmaḥ parijagrāha pāṇinā

32.12

āghrāya rāmastaṃ mūrdhni pariṣvajya ca rāghavam
aṅke bharatamāropya paryapṛcchatsamāhitaḥ

32.13

kva nu te'bhūtpitā tāta yadaraṇyaṃ tvamāgataḥ
na hi tvaṃ jīvatastasya vanamāgantumarhasi

32.14

kacciddaśaratho rājā kuśalī satyasaṃgaraḥ
kaccitsaumya na te rājyaṃ bhraṣṭaṃ bālasya śāśvatam

32.15

yannimittāmimaṃ deśaṃ kṛṣṇājinajaṭādharaḥ
hitvā rājyaṃ praviṣṭastvaṃ tatsarvaṃ vaktumarhasi

Linked texts (6)