Pramāṇa · Search · About · API

Ramayanakathasandoha 38

Rāmāyaṇakathāsandoha 38

Language
Sanskrit

Contents

38.1

37 anasūyānugrahaḥ
śithilāṃ valitāṃ vṛddhāṃ jarāpāṇḍuramūrdhajām
satataṃ vepamānāṅgīṃ pravāte kadalīmiva

38.2

tāṃ tu sītā mahābhāgāmanasūyāṃ pativratām
abhyavādayadavyagrā svaṃ nāma samudāharat

38.3

abhivādya ca vaidehī tāpasīṃ tāṃ damānvitām
baddhāñjalipuṭā hṛṣṭā paryapṛcchadanāmayam

38.4

tataḥ sītāṃ mahābhāgāṃ dṛṣṭvā tāṃ dharmacāriṇīm
sāntvayantyabravīdvṛddhā diṣṭyā dharmamavekṣase

38.5

tyaktvā jñātijanaṃ sīte mānavṛddhiṃ ca mānini
avaruddhaṃ vane rāmaṃ diṣṭyā tvamanugacchasi

38.6

nagarastho vanastho vā śubho vā yadi vā'śubhaḥ
yāsāṃ strīṇāṃ priyo bhartā tāsāṃ lokā mahodayāḥ

38.7

duḥśīlaḥ kāmavṛtto vā dhanairvā parivarjitaḥ
strīṇāmāryasvabhāvānāṃ paramaṃ daivataṃ patiḥ

38.8

nāto viśiṣṭaṃ paśyāmi bāndhavaṃ vimṛśantyaham
sarvatrayogyaṃ vaidehi tapaḥ kutamivāvyayam

38.9

na tvevamanugacchanti guṇadoṣamasatstriyaḥ
kāmavṛttavyahṛdayā bhartṛnāthāśvaranti yāḥ

38.10

prāpnuvantyayaśaścaiva dharmabhraṃśaṃ ca maithili
akāryavaśamāpannāḥ striyo yāḥ khalu tadvidhāḥ

38.11

tadvidhāstu guṇairyuktā dṛṣṭalokaparāvarāḥ
striyaḥ svarge cariṣyanti yathā puṇyakṛtastathā

38.12

tadevametaṃ tvamanuvratā satī patipradhānā samayānuvartinī
bhava svabhartuḥ sahadharmacāriṇī yaśaśca dharmaṃ ca tataḥ samāpsyasi

38.13

sā tvevamuktā vaidehī tvanasūyānasūyayā
pratipūjya vaco mandaṃ pravaktumupacakrame

38.14

naitadāścaryamāryāyāṃ yanmāṃ tvamanubhāṣase
viditaṃ tu mamāpyetadyathā nāryāḥ patirguruḥ

38.15

yadyapyeṣa bhavedbhartā anāryo vṛttivarjitaḥ
advaidhamatra vartavyaṃ tathāpyeṣa mayā bhavet

38.16

kiṃ punaryo guṇaślāghyaḥ sānukrośo jitendriyaḥ
sthirānurāgo dharmātmā mātṛvatpitṛvatpriyaḥ

38.17

yāṃ vṛttiṃ vartate rāmaḥ kausalyāyāṃ mahābalaḥ
tāmeva nṛpanārīṇāmanyāsāmapi vartate

38.18

āgacchantyāśca vijanaṃ vanamevaṃ bhayāvaham
samāhitaṃ hi me śvaśrvā hṛdaye yatsthiraṃ mama

38.19

pāṇipradānakāle ca yatpurā tvagnisaṃnidhau
anuśiṣṭaṃ jananyā me vākyaṃ tadpi me dhṛtam

38.20

patiśuśrūṣaṇānnāryāstapo nānyadvidhīyate
rohiṇī na vinā candraṃ muhūrtamapi dṛśyate

38.21

iti
tato'nasūyā saṃhṛṣṭā śrutvoktaṃ sītayā vacaḥ
śirasyāghrāya covāca maithilīṃ harṣayantyuta

38.22

niyamairvividhairāttaṃ tapo hi mahadasti me
tatsaṃśritya balaṃ sīte chandaye tvāṃ śucivrate

38.23

idaṃ divyaṃ varaṃ mālyaṃ vastramābharaṇāni ca
aṅgarāgaṃ ca vaidehi mahārhamanulepanam

38.24

mayā dattamidaṃ sīte tava gātrāṇi śobhayet
anurūpamasaṃkliṣṭaṃ nityameva bhaviṣyati

38.25

aṅgarāgeṇa divyena liptāṅgī janakātmaje
śobhayiṣyasi bhartāraṃ yathā śrīrviṣṇumavyayam

38.26

iti
sā vastramaṅgarāgaṃ ca bhūṣaṇāni srajastathā
maithilī pratijagrāha prītidānamanuttamam

38.26.p1

sa0 117, 118.

Linked texts (5)