Kathakallolini p10
Kathākallolinī p10
- Language
- Sanskrit
p10
ṣitavantāviṣyāvirbhūtena mayā 'ko'pi varo vriyatām' ityuktayostayorbrahmā svaputrarūpeṇa māṃ prāptumabhyarthitavānityatyārūḍhyā sa nindāpātramanabhyarhitaśca saṃjātaḥ | dhātraṃśastu 'ahaṃ tava varivasyāparaḥ syām' ityeva māmayācat | ato viṣṇurūpā śaktimato me śaktiḥ sarvatra pūjyate | tvañca madīyā bhūtapūrvajāyā | itthaṃ bhavenoktā bhavanī kathametaditi punastaṃ paryapṛcchat | śaṅkaraśca dākṣāyaṇīrūpeṇotpannāyāstasyāḥ prāgjanmakathayā dakṣakṛtāvamānanānimittakatattanūtyāgaṃ tasyāḥ smāritavān | taccākarṇya nātiśayamudamāpannāṃ bhavānīṃ pūrvoktakathāvyājena pratāryamāṇāñcātmānaṃ manyamānāminabhaśaṃsitoditakathāvṛttāṃ tāṃ punarapi pañcavaktro vaktumārabhata vidyādharāṇāṃ kathām | kintu yāvadeva sa kathāṃ vaktumudyuyuje tāvadeva devadevamahādevagaṇottamo gaṇaḥ puṣpadantastatkathāśuśrūṣāsamāsaktamanā nandinā pratiṣiddho'pi antaḥpraveṣṭum, yogavaśādalakṣitastatra praviśya vidyādharasaptakāpūrvacaritamākarṇitavān | gṛhañcāgatya rahasyametadakhilaṃ nijajāyāyai jayāyai samudghāṭitavān | tasyāñca tatsarvaṃ śivāsanmakhamabhidadhatyāṃ nahyanyapūrvaṃ kiñcidvarṇitaṃ tvayā, etattu sarvaṃ puṣpadantajāyā jayāpi jānāti' iti śivā śivāyākrudhyat | tataḥ praṇidhānena sarvamākalayya yogavaśātpuṣpadantena sarvametacchrutvā nijajāyāyaiyudghāṭitam ityumāmumādhavo bodhayāmāsa | etena cātyarthamabhikruddhā dharādharendrajā tatkṛte vijñāptiṃ kurvāṇaṃ. mālyavantaṃ puṣpadantañca 'martyo bhavatāṃ bhavantau' iti śaśāpa | jayayā saha pārvatīpādayoḥ patitau tau śāpād vimuktyarthaṃmitthamuktau yatkuberasya śāpāt piśācatāṃ gataṃ supratīkākhyayakṣamadānīṃ kāṇabhūtyākhyayā vindhyāṭavyāṃ sthitamavalokya svajātiṃ smaran yadā tasmai kathāmimāmabhidhāsyati tadā puṣpadanto vigataśāpo bhavithyati,