Pramāṇa · Search · About · API

Kathakallolini p100

Kathākallolinī p100

Language
Sanskrit

p100

mavatatāra, kintu keśeṣu grāhyāmapi dūramambhasi magnāṃ tāmanusaran so'pi maṃkṣu -nyamāṅkṣīt, kṣaṇādeva cātmānamabhito ramaṇīyamekamudyānaṃ tatra śaivaṃ divyaṃ devālayaṃ caikamapaśyan na punarnāraṃ nāpi nārīm; ityāścaryacakito bhaktāyai bhacikaṃ dhārayantaṃ bhagavantaṃ bhavaṃ praṇamya tatraivodyāne kṣapāṃ tāṃ kṣapayāmāsa | prātaśca tatraivāyātā sakatipayavayasyā samyaksampāditapaśupaticarivasyā sā svāvāsaṃ parāvartamānā śrīdattenānugatā| kiñciddūraṃ gatvā samāsāditanijasadanāntaḥ praviṣṭā śīlasaujanyavyavahārāyai parikrītānāmantarveśimaṃ vanitānāṃ sahasreṇopasevitā māninī sā sāvamāneva tadantikopaviṣṭamapi śrīdattamabhāṣamāṇeva paryaṅkenyaṣīdat | anantaramakasmādeva pravṛttaruditāṃ tāmavalokya śrīdattasyāpi cakṣuṣī avāṣpāyetāmiti tenatadduḥkhakāraṇaṃ pṛṣṭā sā kathaṃciditthamuvāca- 'daityapaterbaleḥ pautrī daśaśatakeṣu śreṣṭhā jyeṣṭhā'haṃ vidyutprabhā nāma | viṣṇunā dīrghabandhanaṃ nīte asmatpitāmahe pitāpi nastenaiva bāhūvāhavi yuddhvā'dhvago'bhavatpretapatipuryyāḥ | puryāścāsyāḥ kuryāt gamanamityasmānnirvāsya tenaiva viṣṇunā kuberaśāpātsiṃhatvamavāpto yakṣaścaiko'smatpurīpraveśāvarodhako vihita iti kesarī sa tvayā jīyatām | etadarthameva tvamihānītaḥ | parābhūtācca tasmādavāptamṛgāṅkakākhyakhaḍgastvaṃ sārvabhaumo rājā bhaviṣyasi | etadākarṇyātītataddivasaḥ środatto'nyedyustatsiṃhahananāya tāḥ kanyā anugacchan tatpuraṃ gatvā hatvā ca bāhuyuddhe'bhyuddhataṃ taṃ kesariṇaṃ śāpavimuktācca puruṣākṛtestasmādavāptoktakhaḍgo'surāṅganāduḥkhabhāreṇa sahaivādarśanatāṃ ca gate tasmin yakṣe sānujayā tayā daityakanyayā saha śrīdattastatpuraṃ viveśa | daityasutā ca tatra tasmai vipannāṅgulīmakamekaṃ dadau | katipayadināni tatra sthitaḥ śrīdattaḥ pārasparikaparicayādhikyāttasyāṃ sābhilāṣo jāta iti gṛhītagrāhamayāpahakhaḍgahasto vāpyāṃ snātuṃ nirdiṣṭaḥ san tathākurvannavatīrṇapūrvajāhnavītaṭe samudamajjat | itthaṃ khaḍgāṅgulīyahastaḥ, pātālādutthitaḥ, sa sāsurasutābhilāṣāvañcanāyai me samapadyateti khinnacetāḥ svasuhṛddvyaiḥ svagṛhābhimukhamāgacchanniṣṭhurakākhyaṃ svamitraṃ mārge dadarśa | pṛṣṭasvajano-

Linked texts (1)