Pramāṇa · Search · About · API

Kathakallolini p154

Kathākallolinī p154

Language
Sanskrit

p154

etadākarṇya prayāteṣu teṣu 'kenemaumālātilakau kṛtau' iti jijñāsāparaṃ rahasi rājānaṃ padmāvatī pratyuvāca 'madgehe vipreṇaikena nyastā yaiṣā''vantikā'bhidhā, tasyāḥ prathamaśilpametaditi śrutvaiva vatseśo nūnaṃ sā vāsavadattaiva bhavediti cintayan mahattarasanāthitadvāramantaḥsthadevīgopālakamantrivvayavasantakaṃ gopālakagṛhaṃ praviśya nijaviśleṣapāṇḍuram̐gātrīṃ kṣāmakṣāmāṃ cāndramasamūrtimiva vāsavadattāṃ dadarśa | pārasparikasākṣātkṛtisamanantarameva ca śokavikalendriyāvubhau śokadīnau ciraṃ rurudatuḥ | dampatyośca tathābhūtāmavasthāmavalokya yaugandharāyaṇo'pi bāṣpākulitanetro'varuddhakaṇṭhaśca saṃjāta itotthaṃ sarvataḥ pravṛtte kolāhale'tivyākulā padmāvatyapi tatraivājagāma | vyatikarañca sarvamimamākarṇya tulyāvasthāyāḥ padmāvatyāḥ pratyakṣaṃ bhṛśamākrośantī vāsavadattā bhartuduḥkhadāyinyā me jīvitena kiṃ prayojanamityātmānaṃ nyakkurvvatī sātiśaya mantastāpamāpa