Kathakallolini p181
Kathākallolinī p181
- Language
- Sanskrit
p181
duḥkhadainyadehāviva dvau dārako, vidārakau hṛdo darśakasya tadvainyadaśāyāḥ, sahavāsajanyasahajadoṣeṇeva sūtradāridryeṇa yuktena, tanmāneneva viśīrṇavāsasā viśurīkṛtā, antaḥ praviśya pradarśitocitasamudācārā rājānamuvāca—'deva kulīnā'haṃ brāhmaṇīdṛśīṃ durgatiṃ gatā | asyāmevāvasthāyāṃ mama niyamasaṃyamāviva yamāvimaudvau tanayau sañjātau | kulalajjayā prātidvārikaṃ yācitakaṃ kartumapārayantī nāhamudaudanamapyudaraṃpūraṃ bhoktuṃ labhe | dadhyodanasya guḍadhānām̐yā sūpagaindhino vā'śanajātasya tu vāttaiva dūre'pāstām | ato nirāhārāyā mama stanayoretannavāharjātaśiśupālanārthaṃ stanyaṃprati na vartate | saṃjātadayodayena mama prativeśimahodayena svopabhogāvaśiṣṭena kathaṃ kathañcitsnigdhem̐ttenājakṣīreṇādyāvadhīmau stanandhayau parirakṣitāvityatikṛpaṇā'hamaśaraṇā śaraṇāgatavatsalaṃ bhavantaṃ prāptā'smīti śrutvā devaḥ pramāṇam | etadākarṇya sadyodayojjvalo vatseśaḥ pratīhāramādiśya tāṃ devyā vāsavadattāyāḥ samīpe praiṣayat | sā pi ca tāṃ rājñā preṣitāṃ buddhā tasyā hṛdispṛgbhirvāgbhiśca dravībhūtā tayā saha samālapantī samacintayat—aho ! vāmaikavṛttittā'vastuni bhaktiśca vidheḥ | yo nādyāvadhyekamapi mattaḥ sutaṃ samutpādya durgatāyā asyā imau yamalāvutpāditavān | evamātmasantānaviṣayakānekacintāsantānavitānaikatānā siktāsurāśu samutthitāṃ dvijadayitāṃ tāṃ snapayituṃ ceṭikāḥ samādiśat | snātām̐nuliptāṃ ca tāṃ niṣprairvāṇi sarvaśvetāṃ śāṭīṃ samvrāsya manohem̐tyai vividhāśanajātaścāśayaditi brāhmaṇī sā salilasiktā tṛṣā bhūriva samucchrasantī kṣaṇānantaraṃ devyā vāsavadattayā nijavṛttāntaṃ vaktumanurudhyamānā'kṣasā vaktumitthamupacakrame—