Kathakallolini p23

p23

varṣapatnīsa etacchrutvā pracuraṃ dhanaṃ tasyai pradāya nagarādvahirāvāṃ nirgatavantau, śrutadharaviprānveṣaṇatatparauśrāntau cāvāmadya bhavatyā bhavanamāgatavantau, ayañca tava sūnuḥ sakṛcchratadhara ityenaṃ vidyādraviṇopalabdhaye nau dātuṃ dayase cet 6ṛṇāvāvāṃ te bhavāvaḥ| vyāḍervacanametadākarṇya nijagāda māmakīnātidīnā jananī 'satyaṃ sarvaṃ, viśvasimi caitadahamapi, yato hi putrasyāsya janmakāle jātayā'śarīriṇyā vācā'hamevaṃ vijñāpitā yad bāle, bālo'yaṃ śrutadharo nāmnā vararucirvarṣādvidyāmavāpsyati vyākaraṇaṃ ca loke pratiṣṭhāpayiṣyatīti | vivṛddhe'dhunā'smin bālake kva sa varṣopādhyāyo bhavediti naktaṃ divaṃ cintayantyahamadya yuṣmanmukhādakhilaṃ vijñāya nitarāṃ paryatuṣyam | ataḥ svakīyabhrātaramamaṃ yuvāṃ nayatam | nātra kācit kṣatiḥ evaṃ māmakīnamātṛvacanamākarṇya harṣanirbharamānasau tau tatra tāṃ kṣapāṃ kṣaṇopamaṃ kṣapayitvā vyāḍinopanīya vedarhoṅkṛtaṃ kathamvidavaruddhabāṣpayā tayā'bhyanujñātaṃ māmādāya varṣasya gurorgṛhaṃ tāvupām̐cchittavantau | so'pi ca skandaprasādamiva vigrahiṇaṃ māmākalayamāno'nyedyurasmākaṃ puraḥ pavitrabhūmiparikalpitāsanopaviṣṭo divyayā girā 'oṃ' ityevodacarat | tatkṣaṇameva ca tasya sāṅgāḥ sarahasyāḥ sarveḥ vedāḥ samupasthitāḥ | tāṃścādhyāpayituṃ so'smān prāvarttata | tatra sakṛcchrataṃ mayā, dviḥśrutaṃ vyāḍinā, triḥśrutam indradattena ca gṛhītam | evamadhyayanādhyāpanadivyadhvani-