Kathakallolini p233

p233

śvapaśvātpādāhṛtastasyāṃ vāpyāṃ nipatitaḥ | nimagnaśca tatra sa kṣipraṃ vardhamānapure nijodyānadīrghikāmadhyātsasambhramamunmagno nijajanmabhūmivāpījalasthitamapi candraprabhāṃ vinā'tidīnaṃ kumudamivātmānamanvabhavat | etena. khedaṃ vardhamānapuraṃ ! kva sā vaidyādharī purī !! nūnamahaṃ mandabhāgyaḥ kenāpi vañcito'thavā bhagavatī bhavitavyatā sarvathā aparijñeyetyādi vicintayan vāpimadhyādutthāya piturgṛhamagāt | tatra pitrā svajanaiścābhinanditāgamanastiṣṭhannaparedyurgṛhād bahirnirgataḥ punaḥ sapaṭakaṃ ghoṣyamāṇam'viprakṣatriyamadhyāt, kanakapurī yena tattvato dṛṣṭā | vaktu, sa tasmai tanayāṃ, sayauvarājyāṃ dadāti nṛpaḥ ||' ityaśrauṣīt | etadākarṇya sa tān paṭahopaghoṣakānupagatya mayā sā purī dṛṣṭeti punarbravāṇastūrṇamabhyarthanamānīto bhūpateḥ, pūrvavadeva vitathavādī vṛddhaḥ | kintu sarvān, pratyāyayitumidānīṃ so'bravīt 'na mayā sā nagarī dṛṣṭā ceccharīrasya nigraheṇa paṇo vartate | adya rājaputrī yathecchaṃ māmanuyuṅktām |' tasminnityamukterājā svasutāṃ tatrānāyayāmāsa | kintu dṛṣṭapūrvaṃ taṃ vipramavalokya kṣipram ayam punarapi kimapi mithyaivābhidhāsyatīti vadantīṃ tāṃ śaktidevo'bravīt, 'ahamavitathaṃ vitathaṃ vā vacmī'tyetadvicāraṇīyam | kintu rājasute, kanakapuryā paryaṅke vigataprāṇā'pi prāṇatīha dṛśyase kautukametanme tvamapanaya | śaktidevena sābhijñānamitthamuktā kanakarekhā pitaramuvāca- 'tāta, satyameṣa mahātmā bravītyadhunā acireṇaiva tatrasthāyā me'yaṃ bhartā bhavitā | tatratyāścānyā api madīyāstisraḥ svasṛrayaṃ pariṇeṣyati | tasyāṃ puri vidyādharādhirājyañcādhikariṣyati | ato muniśāpādivotpannayā mayā svatanuḥ purī ca praveṣṭavyā | etadavadhiścāsīnmadīyaḥ śāpaḥ iti mānuṣye'pi jātismarādhunā sukhajātā'haṃ nijavidyādharīpadaṃ pratinivarte | etatkathanānantaraṃ parityaktatanvāmantarhitāyāñca rājakanyāyāṃ, rājamandire mahānākrandaḥ samudapadyata | śaktidevo'pi cobhayato bhraṣṭamātmānaṃ nindannasampūrṇamanoratho nirānandaśca rājabhavanānnirgatya kanakarekhayoktāṃ bhāvisvābhīṣṭasiddhimanucintayan , punarapi kanakapurīṃ jigamiṣuḥ, svapurānnirgatya, jalanidhipulinasthitaṃ viṭaṅkapuraṃ punaravāpa | tatra ca sammukhamāyāntaṃ samudradattanāmānaṃ nijapari-