Pramāṇa · Search · About · API

Kathakallolini p236

Kathākallolinī p236

Language
Sanskrit

p236

prahṛṣṭastasyāḥ prārthanāṃ svīkurvāṇo bandhanānmuktaḥ svamalabdhadevyādeśaistadbhrātṛbhirvihitepsitāṃ tāṃ sumukhīṃ pariṇītavān | rūpāntaropāgatayā divyayā bhāryayaikadā prāsādapṛṣṭhasthaḥ śaktideva ūḍhagomāṃsabhārakaṃ mārgāgataṃ niṣṭhyamekamavalokya nijapriyāmabravīt- 'trailokyavandyā yā dhenavastāsāmapi palalaṃ pāṃpakṛdayamaśnātīti ko'nyo'smātpāpakṛttamo bhavet' etadākarṇya vindumatī nijapatimavadat-āryyaputra, acintyamatra pāpam | svalpāparādhaivāhaṃ gavāṃ prabhāveṇa dāśakule'sminnutpanneti kā'tra niṣkṛtiḥ | etadākarṇyātinirvvandhaparaḥ śaktidevo nijadāśakulotpattikāraṇaṃ tāmanuyuñjāna evamuktaḥyadi tvaṃ mama vacanaṃ kartuṃ pratijānīṣe tadā'tigopyamapyetattvāmahaṃ bravīmi | tadākarṇya śapathottaraṃ tathā kartuṃ pratijñāte śaktidevena, sā''dāvevaṃ taṃ svasamīhitamuktavatī yadihaivāparā'pi te'dhunā bhāryā bhavitrī | sā cācirādāpannasattvā bhaviṣyatītyaṣṭamāsaṃjātastasyā garbhastaddudaraṃ pāṭayitvā tvayā nirghṛṇamākṛṣṭavyaḥ| evamākarṇyātivismitaṃ śaktidevaṃ bhūyo dāśaputrī jagāda, etāvanmātraṃ tvayā kasyāpi hetormamoktaṃ kartavyam | atha yathā me dāśagṛhe janma tad bruvantyā mattaḥ sāvahiti samākarṇaya-janmāntare'haṃ kā'pi vidyādharī samabhavam | tasyāśca me dantaiśchittvā vīṇāsu tantrīryojayantyā śuṣkeṇa gavāṃ snāyunā vadanaṃ spṛṣṭamityepā'dhogatirmayopalabdhā | evaṃ bruvantyāṃ tasyāṃ sasambhramamekatastaddbhātā samāgatya śaktidevamabhāṣata- uttiṣṭha mahattaro'yaṃ sūkaraḥ kvāpyutthāya hṛtānekajanaḥ sadarpamita evāgacchati | tadākarṇya rakṣaṇaṃ yatnavyastaḥ śaktihastaḥ śaktidevo'śvām̐ruḍho varāhaṃ taṃ prajahāra kintu naikanirasūkaraḥ sūkaraḥ sa semāṃ palāyya satvaraṃ sum̐ṣiramekamaviśat | śaktidevo'pi ca vilaṃ praviśya tamanusaran ekasminnudyāne'dbhutākṛtiṃ kanyāmekāmapaśyat | sasambhramaṃ tena 'kā tvam' iti pṛṣṭā sā'bhāṣata-subhaga, ahaṃ dakṣiṇadiṅnāthasya caṇḍavikrama-

Linked texts (1)