Kathakallolini p237
Kathākallolinī p237
- Language
- Sanskrit
p237
naranāthasya bindurekhā''khyā kanyā'smi | akasmātkasmāccidupagato jvalitalocano daitya upadhinā piturgṛhānmāmapahṛtyehānītavān | sa ca kṣudhārtta āmiṣāśī, darpāmayām̐vī, māyāvī, dhṛtavarāharūpo bahirgato'dyaiva kenacicchireṇa śaktyā viddha iha praviśya pañcatvamita ityadūṣitakaumaurā'haṃ vārāhaṃ tacchavaṃ patitaṃ tatrāvalokya palāyamānehāyātā yātā te dṛṣṭigocaratām | tacchrutvā 'mayaiva nijāpratihataśaktyā śaktyā varāho, varārohe, vyāpādito'hañca śaktidevākhyo vipra evaṃ paricāyitanijābhidhānīyakaḥ 'tarhi tvameva me bharttā nirdiṣṭaḥ' iti tayoktastayaiva saha biladvāreṇa nirgato nijabhavanamāsādyālaukikarūpavatyai tatsarvaṃ bindumatyai jhaṭityāvedya tacchraddhitaḥ kumārīṃ tāminduleṣāmiva bindurekhāmudavahat