Kathakallolini p249

p249

asti trilokīvikhyāto mayo nāmāsuraḥ | sa cotkṛṣṭāsurasvabhāvaḥ śauriśaraṇamāśrityābhayattvaṃ lebha iti daityā devapakṣīyaṃ taṃ matvā tasmai cukrudhuratastadbhayebhīlukò'sau vindhyādrau bahvāścaryamayamasurāgamyaṃ māyāvivaramandiramekamaracayaditi . tadīyāvāvāṃ dve duhitarau | jyeṣṭhā svayaṃ prabhā nāma kumārī brahmacāriṇī tadgṛhasthitā; kaniṣṭhā cāhaṃ somaprabhā nāma kuberasūnave nalakūbarāya pradattā | pitrā cāhamanekadhā māyāyantrāṇi nirmātuṃ śikṣiteti svatprītyā tatpūrṇeyaṃ karaṇḍikā | evamuktvā karaṇḍikāmudghāṭya sā naikānekakautukā māyāyantraputtalikāḥ kaliṅgasenāmaharśayat | tāsu ca kācit kīlikāhatamātreṇa bhūmiṃ vihāya, sā vihāyasā gatvā, tadājñānusāreṇa sumanaḥsrajamādāya drutamādrutā | anyā ca tathaiva kācit pānīyamānīyedānīmetadādānīyamiti bhāvaṃ prākaṭīt| kācinnanarta, cakataṃ cāparā'parasyāḥ śiro'vaguṇṭhanenetyādibhirmahāścaryaiḥ kāścitkālakalāstāṃ vinodya, suracitasthāpitayantrakaraṇḍikā somaprabhā, samutkāṃ kaliṅgasenāmāmantrya, bhartṛparādhīnā'dhvanīnā vihāyasā nijabhavanamabhajat