Pramāṇa · Search · About · API

Kathakallolini p259

Kathākallolinī p259

Language
Sanskrit

p259

tadākarṇya kīrtisenā tadāmayanivāraṇe nijaśaktiṃ taṃ gopālakamuktvā tenaiva saha rājadvāramāsādyoktarājaroganivāraṇanijaśaktiḥ pratīhāreṇa saha rājāntikaṃ jagāma | tatra ca rogagrasto rājā'dbhutākṛtiṃ tāmavalokyāśvasta 'imāṃ madīyāṃ rujamapaneṣyasi cedrājyārddhaṃ te pradāsyāmīti' tāṃ pratijānānaḥ, svapne madīyapṛṣṭhātkācitstrī kṛṣṇakambalaṃ jahāra' iti bhavatī nūnaṃ madīyaṃ rogamapaneṣyatīti draḍhīyān me viśvāsaḥ itthaṃ tāṃ vyājahāra | tacchrutvā kīrtisenā 'deva, kṛcchrād dvaiyahiko'yaṃ vyādhiḥ | idānīṃ kinvastaprāyo dyumaṇiriti śvaste rogamapanetāsmi mā'to'trabhavānadhṛtiparavaśo bhūddevaṃ devaṃ bruvantī tasya mūrddhānaṃ haiyaṅgavīnenābhyañjijat | yena vigatavedano narapatī rātrau sukhena nyadrāsīt | aparedyuśca dyumadhyamadhyārohati haritahaye, mantryādiṣu sarveṣu paśyatsu, rājñastyuktādbhutavidhinā kīrtisenā karṇamārgeṇa kṣitipatiśirasaḥ sārddhaṃ śatapadīśataṃ nissāryaṃ ghṛtakṣīrādisekena tamaitarpayat | kramādevaṃ vigatomaye mahīpatau, ghaṭe tān prāṇino'valokya sarvo'pitatratyo janasamudāyo vismayavismṛtavivekoccācintyacamatkṛticarcitacetāḥ adhatasthe | rājā cāpi svaśironirgatām̐stān kṛkīṭānavalokya punarjanmātmāno manyamānaḥ, samājñāpitamahāmahotsavaḥ, snātānuliptaḥ, rājyārddhena, 'ayamasmākaṃ prabhuprāṇapradaḥ pūjyo bhiṣagiti kathayantyo devyo haimābharaṇakauśeyorṇakāvaraṇādibhiḥ, mantriṇaścāpi grāmairhastibhiraśvādibhiśca yathāsvaṃ tāṃ sadakurvan | puṃveṣā kīrtisenā ca sarvaṃ tatkupyamakupyañca tasyaiva rājño haste nighāya, vratopadhinā bhartrapekṣiṇī taiḥ sarvairbahumanyamānā, kānicidahāni puruṣaveṣeṇa tatrāvatiṣṭhamānā, tenaiva pathā valabhītaḥ samāgataṃ devasenaṃ nijapatim-lokācchuśrāveti bhartāraṃ nijamupagamya cirautsukyasantāpapravilāyineva cittenānandabāṣpeṇa dattārghā tasya pādayorapatat | so'pi ca cchannaveṣām, virahakṛśānu-bhāvām, kṛśānubhāvām, bhāvasanluptaṇavicakṣaṇām, vilakṣaṇākṛticaṇām, api tāṃ suciraṃ nirūpya pratyabhijñāya ca kimetaditi citrīyamāṇacetāḥ kṣaṇamatiṣṭhat | vismayastimitād vaṇiggrāmācca sarvaṃ tad buddhvā rājā vasudatto'pi tatrājagāma

Linked texts (1)