Kathakallolini p26
Kathākallolinī p26
- Language
- Sanskrit
p26
gaṅgādvāre pavitraikanakhalatīrthe bhāryayā saha tapasyataḥ kasyaciddākṣiṇātyadvijasya tatraiva putrāstrayaḥ samajāyanta | samayānukrameṇa bhūsure tasmin sabhārye svaryāte tatsutā vidyādhyayanecchayā rājagṛhamupājagmuḥ | tatra cādhītavidyāste dainyaduḥkhitāḥ skandadarśanārthaṃ dakṣiṇāpathamupeyuḥ | tatra cārthavattaṭe vartamānāyāṃ ciñcinīnāmakanagaryāṃ bhojikābhidhasya kasyacidviprasyasadane nyavasan | tasya tisrassutā āsan | ananyasantānaḥ sa viprastā ebhyastribhyo dattvā sarvāṃ nijasampattiñcaibhyaḥ samarpya sabhāryo virahitaihikacintāsantānavitānastapaścaryārthaṃ gaṅgātaṭamaśiśriyat | atha teṣvevaṃ śvaśuraveśmani nivasatatsvavagrahaṃkṛto mahān durbhikṣo jāta iti trayo'pi te sādhvīrapi svavadhūstatraiva parityajya jagmuḥ | tāśca svapitṛmitrasya yajñadattasya sadanamāśritya kliṣṭavṛttayo'pi svadhavān dhyāyantyastasthuḥ | tāsāṃ madhyamā tadānīmāsīddantarvartīti yathāsamayaṃ sā sūnumasūta | tasmiṃścānyonyasnehastāsāṃ śanaiḥ śanairavardhata | ekadā gavendramāruhya gacchantī śambhunā saha śāmbhavī śiśuṃ tamavalokya sadyā śambhumavadat— devehi, paśyārbhake'sminnetāstisro'pi vadhvo baddhabuddhayo yadayamasmān jīvayediti tvaṃ tathā kuru yenāyamāsāmāśryaiḥ