Kathakallolini p262
Kathākallolinī p262
- Language
- Sanskrit
p262
sampadā cāsyā na tulyā kācidanyā kanyā sadṛśo vā bharttā| kevalameko vatsarāja enāmabhivāñchati | kintu vāsadttābhītyā so'pi sphuṭaṃ svakīyāmīhāṃ' nābhivyanakti| rūpalubdhaiṣā'pi somaprabhāmukhāttamākarṇya svayaṃ vivaripatīti yāvadasyā vivāho na bhavettāvadantaraiva dhṛtavatseśvarasvarūpastvaṃ gāndharveṇa vidhinā kulīnāṃ tāṃ nijabhāryāṃ kuryā iti sundarī sā te bhāryā bhavet | itthaṃ śarvādiṣṭo madanavegaḥ kṣititalamilanmaulimaṇḍalaḥ pārvatīpatiṃ praṇipatya kālakūṭagiritaṭāvasthitaṃ svabhavanaṃ jagāma| atrāntare vyomavāhinā yāntrikayānena pratiprabhātaṃ takṣaśilāpurīmāyāntyā, pratisāyañca tenaiva nijamandiraṃ prati nivartayantyā somaprabhayā saha krīḍantī kaliṅgase naikadā rahasi svasakhīmitthamuvāca- 'sakhi, madīyo vivāhaḥ samprāptaḥ | tatsambandhe bahubhirnṛpatibhiḥ preṣiteṣu dūteṣu śrāvastīśvaraprasenajinnāmno bhūpaterdūto mama pitrā satkṛta iti jāne'mbā'mbālikādikulotpannena prasenajitā saha mamopayamo bhaviteti | śrutaitadvṛttāntā somaprabhā sātiduḥkhamuvāca sakhi, prasenajid mayā dṛṣṭacaro rājātipravayāḥ putravāṃśceti tena saha ciraṇḍhyāste saṃyogo himaśubhreṇa hemantena padminyāḥ saṃyoga iva bhaviṣyatīti me viṣādaḥ| harṣastu tadaiva me bhavet yadā vatseśvareṇodyanena saha saṃyogaste syāditi | yato hi lāvaṇyena, kulena, śauryeṇa, vibhūtyā cānyo na kaścid nṛpatistattulāmārohatīti | tena bhartrā yojitāyāmeva tvayi, vidhātulaviṇyanirmāṇayalasāphalyam | evamākarṇitasomaprabhāvākyā, vatseśvarotkā, kaliṅgasenā'bhivyaktavatseśvaraviṣayajijñāsā, somaprabhayā''mūlaṃ tadvaṃśovaṃśādikamuktvā prattavāsavadattāvāsavadatteyādiparicayīkṛtā satī, sarvajñāṃ sarvapravīṇāñca tatkarmālaṅkarmīṇāṃ somaprabhāṃ sarvainayikaṃ tatkāryasāhāyyamayācata| somaprabhāpi ca 'daivāyattametatkāryamiti' nigadya sadyo vatseśasaṃgamasamutkamanasaṃ kaliṅgasenāṃ kathañcid vihāya nija gṛhāya niriyāya | athānyedyuḥ prātarāyātāṃ sakhīṃ somaprabhāṃ kaliṅgasenovāca 'tāto madīyo dāsyati māṃ prasenajite rāje' ityambāto mayā jñātam; sa ca vṛddhastvayā dṛṣṭaḥ | vatseśaśca yathā'timānavarūpastathā tvayaiva pratipādita iti śrutimārgeṇa madīya hṛdaya-