Kathakallolini p28

p28

ekadā yajñadatto rahasi putrakamuvāca, 'rājan ! tava pitaro durbhikṣapīḍitāḥ itaḥ kvāpīto'taḥ sadā dātavyaṃ draviṇaṃ dvijebhyo yena te tava ṛddhiṃ dānaśālitāṃ ca niśamyātrāyāntu | etadviṣaye'haṃ brahmadattakathāṃ tvāmekāṃ kathayāmi, tāmākarṇayapurā vārāṇasyāmāsīd brahmadattābhidho nṛpaḥ | sa caikadā niśi gagane gacchaddhaṃsa śatasamāvṛtaṃ āsverasvarṇasaṅkāśam, akāṇḍasitapayodapariveṣṭitavidyutpuñjamiva haṃsayugalamapaśyat | taddarśanena tathā tadavalokotkaṇṭhā rājño vavṛdhe yatsa rājakīyasaukhyebhyo'pi virakto mantribhiśca sammantryaikamatiramaṇīyaṃ saro viracayya tatrāgamanārthaṃ prāṇināmabhayamadadāt | kālenānyaiḥ tiryagbhiḥ saha taddhaṃsadvayamapi tatrāgāditi tasya sauvarṇe vapuṣi nṛpaḥ kāraṇamapṛcchat | rājñaḥ praśnamākarṇya vyaktavāk sā haṃsadvayītthamavocat yat 'purā āvāṃ kākāvāsva | ekasmin mandire balvarthaṃ yudhyamānau droṇikāntare patitvā vipannāvityasmin janmani jātismarau hemamayahaṃsāvabhavāva |' etacchrutvā rājā parāṃ koṭiṃ santoṣasyāvāpa