Kathakallolini p285

p285

pamāṃ kanyāṃ samākarṇyākasmādvidhiprerito yaugandharāyaṇe śa‍ṛṇvati vāsavadattāmuvāca, ‘jāne, kaliṅgaseneṣā śāpavaśena martyatvamavāptā divyā dyoti nijālaukikarūpeṇa darśanānandadāyinī aitadoyanī api kāciddivyaivetyasau mama tanayasya naravāhanadattasya rūpeṇa tulyā śīlasaundaryasnehasudhākulyo iva kulyā mahādevīpardorhā' | etadākarṇya devī vāsavadattovāca, ‘mahārāja, kasmādakasmādadya cetasyāspadāmakarodiyaṃ bhāvanā bhavataḥ ? kṣobhayakulaviśuddhaḥ saubhāgineyaḥ eṣa te putraḥ kvāsau bāndham̐kineyī kāliṅgaseneyī ?' śrutaitadvacano vatseśo vimṛśan vāsavadattāmuvāca nāhamātmanaitad bravīmi api tu kenāpi daivena hṛdisthitena preritasya mama mukhādimā vāco niḥsaranti | iyaṃ kanyā naravāhanadattasya bhūtapūrvabhāryā | kiñca, asāvekaparlī kaliṅgasenā kulīnā'pi kulīnā, pūrvakarmavaśānmānuṣītvaṃ gatetyaśarīriṇīṃ vācamivāhaṃ śa‍ṛṇomi | itthamuktvā viratavacasi bhūpatau, mantrī yaugandharāyaṇaḥ prāha, 'deva, śrūyate nijadhave madena bhūtibhūyaṃ prāpite, ratyā tapaścaryayā prasāditaḥ śarvo martyabhāvamāgatāyāstasyā martyalokāvatīrṇena saśarīreṇa tadbhartrā saha saṅgamāya varamadāt | tava sutaśca divyayā vācā kāmāvatāra uktapūrvaḥ | harājñayā ca ratyā martyabhāve'vataraṇīyameveti kaliṅgasenāgarbhagrāhikā'dyāgatya māmevamabhāṣata yatkaliṅgasenāgarbhaśayyāyāṃ yo'rbhako mayā dṛṣṭastadanyo'yaṃ māṃ pratibhātītyetadāścaryajanakavyatikareṇa jāne devaiḥ svamāyayā kaliṅgasenāgarbhacauryeṇa nirmiteṣā'yaunijā ratiriti kāmāvatārasya tvatputrasya dayitā bhāvinī bhāryā kaliṅgasenātanayā | mantriṇaivamukto vatseśo vāsavadattayā saha tathāstviti kṛtvā taddinamanaiṣīt