Kathakallolini p293

p293

tadākarṇya karṇayugalasudhāvarṣi saparijaneā vatseśaḥ sutodvāhakṛtasthiramatiḥ ākāritāvagatacarattaravasacivamukhyamauhūttiko'yarmayasamayamuhūrtaṃ sthirīkarttuṃ samādideśa | gaṇakāśca śāstradṛṣṭyā sarvamavalokyācirabhāvinameva śubhavivāhalagnaṃ nirdiśanto'pi kiñcitkālīnabhāvibhāryāviyogaṃ tatputrasyocuḥ | tataḥ prāpte vivāhadivase divyāṅganāvihitadivyamaṅgalakautukayā madanamañcukayā saha nijavaibhavocitaputravivāhavidhiṃ nirvartya harājñayā'mandānandamāvindan vatseśaḥ sakalasaṃsārasukharakhāsvādasulitasvāntaḥ sucirākāṅkṣitajīvalokasukhamanvabhavannaravāhanadattena putreṇa snuṣayā madanamañcukayā ca saha saparijanaḥ sukhena divasānanaiṣīt | abhyudayākāṅkṣī yuvarājo naravāhanadatto'pi ca piturantevāsī sukhasukhena kauśāmbīmadhivasan navavivāhānandamanvabhavat| madanamañcukā cāpi mātṛnirviśeṣasnehāyā vāsavadattāyāḥ, mātṛṣvasṛnirviśeṣapadmāvatyāśca hastacchāyāmāśritya vismṛtanijamātṛsnehā'nehasaṃ sasukhaṃ nināya !