Kathakallolini p299

p299

evamuktvā viratavacasi rājani, naravāhanadattaviṣayakavākyaiḥ karṇapraviṣṭairākṛṣṭacitteva viṣṭarādutthāya kathañcitpitarau praṇamya śravaṇapathaprāptaprathamapriyātithisatkārārthamiva nijamantaḥpuraṃ praviśya ciraṃ saṃjātajāgarā, prabhātaprāyāyāṃ śarvaryāṃ kathañcinnidrāmavāpya 'putri, prātaḥ śubhe dine kauśāmbīṃ gatvā svavaro vatseśvarātmajo draṣṭavyaḥ| parijñātāmuṣyaṃkulikaśca tatastamihānīya te pitā svayameva tena tava vivāhaṃ vidhāsyatīti' gauryā sānukampayā'haṃ nirdiṣeti prabuddhā prātarniveditanijasvapnayā mātrā'nujñātā nijapurātpracalitā kṣaṇenehāyātā nijavaraṃ draṣṭuṃ pravṛttā'taḥ paraṃ bhavantaḥ pramāṇam |'