Kathakallolini p302
Kathākallolinī p302
- Language
- Sanskrit
p302
ciraṃ mṛgayāṃ kurvāṇaḥ śrāntaḥ kṣaṇamekatra viśramyāśvamārūḍho'śvasādinekena gomukhena saha yāvadaparicitācārapacaguśakaṭakākīrṇaprāntaraṃ vanāntaraṃ viśati tāvadeva tenaiva pathā samāyāntīṃ tāpasīmekāṃ dadarśa | sā ca savinayaṃ namaskṛtā naravāhanadattena tamāśīrbhirabhyarcyaivaṃ vaktumārabhata 'vatsa, itaḥ pārepayonidhi puramasti karpūrasambhavaṃ nāma | tatrāsti karpūrakanāmā rājā | tasya karpūrikā nāmnā sundarī sutā | sā ca puruṣadveṣiṇī vivāhaṃ nābhikāṅkṣati | sā ca tvapyupete'vaśyaṃ tvadarthinī bhaviṣyatīti tvaṃ tatra gacchannavaśyaṃ sundarīṃ tāmavāpsyasi | yadyapi tatra gacchataste mārge mahān kleśo bhaviṣyati tathāpyahāryadhairyakāryaṃ kurvataste sarvaṃ svantaṃ bhāvīti na kathamapi viramelimam | evamuktvā tirohitāyāṃ tāpasyāṃ naravāhanadattaḥ karpūrasambhavaṃ puraṃ gantumabhilaṣannāsannavartinaṃ gomukhaṃ prerayamāṇastenoktaḥ 'deva, sāhasenālam, kāsāvaśrutamānavapacchevdo'ṭvā kva vā sā kanyeketi tannāmaśravaṇamātreṇa parityaktadivyāṅganājanasya te nirabhiprāyasandigdhamānuṣīmabhiśāvanaṃ sikatāyā udapeṣaṃ peṣaṇamivānucitam | evaṃ gomukhenokto naravāhanadatto 'na siddhatāpasyāstasyā vacanaṃ kathamapi mṛṣā bhavituṃ śaknotī'ti tadrājakanyakāvāptaye'vaśyaṃ mayā tatra gantavyam' evamuktvā''rūḍhahayo gantumanicchatāpi gomukhenānugamyamānastatkṣaṇameva tadabhimukhamabhipratasthe | atrāntara eva kṛtākheṭo vatsarājaḥ svabalamadhyagasthaṃ svasutamāyāntaṃ manvāno marubhūtyādibhiḥ saha nijapurīṃ pratyāvartata | kintu kaścit kālaṃ yāvadanāgate naravāhanadatte vatsarājo ratnaprabhāntikamājagāma | sā cādita eva dhyātayā nijavidyayā'khyātajñātadayitodantodvignaṃ svaśvaśuraṃ vatsarājamabravīt-'āryaputrastāpasīnirdiṣṭaṃ karpūrikāṃ rājasutāṃ prāptuṃ karpūrasambhavaṃ puraṃ gataḥ śīghraṃ ca kṛtakārya ihaiṣyatīti cintayā'lam-etadahaṃ svavidyāto'pyagaccham' evaṃ vatsarājaṃ samāśvāsya ratnaprabhā naravāhanadattasya mārgakleśopaśāntaye nijavidyāṃ prāyuṅkteti sā gomukhānugataṃ naravāhanadattamaṭavyāṃ saṃgatya kumārīrūpeṇovāca 'ahaṃ ratnaprabhāpreritehāyātā māyāvatī nāma vidyā mārge'dṛśyā tvāṃ rakṣāmīti niścintena tvayā gantavyam | evamuktvā tirohitāyāṃ hitāyāṃ prahitāyāñca ratnaprabhayā vidyāyāṃ tatprabhāvataḥ śāntāśanāyodanyo dhanyo'haṃ yasyaivaṃvidhā ratnaprabhā priyā bhāryeti manyamāna audayaniḥ
Linked texts (1)
- Kathāsaritsāgara — Somadeva Bhaṭṭa, Sanskrit